গীতটিত আচুৰ্য্য বৰপাত্ৰৰ সৈতে অভিনয় কৰিছে অভিনয় ক্ষেত্ৰখনৰ জনপ্ৰিয় অভিনেত্ৰী সুনীতা কৌশিকে। যাৰ কন্ঠই হৃদয়খন খামোচ মাৰি ৰাখি সুৰবোৰ সিঁৰে সিঁৰে বিয়পাই দিব পাৰে তেওঁ হৈছে আচুৰ্য্য বৰপাত্ৰ। যিগৰাকীৰ কন্ঠই অনুৰাগীৰ মনলৈ এক প্ৰশান্তি আনি দিব পাৰে তেওঁৰ প্ৰতিটো গীতৰ বাবেই আচলতে ৰৈ যায় শ্ৰোতা-দৰ্শক। তাহানিৰ দিনৰ পৰা বৰ্তমানলৈ আচুৰ্য্য বৰপাত্ৰৰ কন্ঠত কি যাদু আছে বুলি সুধিলে তাৰ উত্তৰত এটাই কথা ক’ব পৰা যায় যে, তেওঁৰ কন্ঠত মৰম আছে, সৰু সৰু কথাৰে গুঁঠি লোৱা আৱেগ আছে আৰু শ্ৰোতাৰ হিয়া মন জুৰ পেলাব পৰাকৈ এসোপা মান আদৰ আছে। যিয়ে প্ৰেমক সুন্দৰৰ শাৰীৰ পৰা লৈ গৈ সৰ্বাংগ সুন্দৰ কৰি তোলে; তেওঁৰ কন্ঠৰে মুক্তি লাভ কৰা গীতসমূহৰ বাৰ্তা পালেই জনসাধাৰণ উৎসাহিত হোৱা এক বিশেষ কাৰণ হৈছে তেওঁৰ গীতৰ কথাবোৰ আনতকৈ কিছু সুকীয়া। কোনো এটা গীত সফল কৰি তুলিবলৈ ইয়াত থকা কন্ঠটোৰ বাহিৰেও ইয়াৰ “কথা” খিনিটো গুৰুত্ব আৰোপ কৰা হয়। ইয়াৰ পূৰ্বেও, বিভিন্ন জন শিল্পীক প্ৰশ্ন কৰা হৈছিল যে কোনো এটা গীতৰ কোনটো উপাদানৰ ওপৰত তেওঁলোকে অধিক গুৰুত্ব দিয়ে? এই প্ৰশ্নৰ উত্তৰত আটাইয়ে গীতটিৰ “কথা” ৰ বিষয়েই উল্লেখ কৰিছিল। মুঠতে, এক কথাত ক’বলৈ গ’লে সুৰ, সংগীত, কন্ঠ আদিৰ সমান্তৰালকৈ গীতটিৰ “কথা” ইও গীতটি সফল কৰি তোলাত সহায় কৰে।

আমি বিভিন্ন সময়ত দেখি আহিছো, এটা গীতত থকা কথাৰ বাবেই ই বিভিন্ন জন শ্ৰোতাৰ সমালোচনাৰ সন্মুখীন হৈ আহিছে আনহাতে এনে কিছুমানো গীত আছে যাৰ “কথা” ৰ বাবে ইয়াক শ্ৰোতাই বাৰম্বাৰ শুনাৰো মন্তব্য কৰিছে। সদ্যমুক্তিপ্ৰাপ্ত গীত “বৰষুণ” য়ে এই কথাৰ বাবেই শ্ৰোতাৰ বহুল সঁহাৰি লাভ কৰিবলৈ সক্ষম হৈছে।

সঁচাকৈ “বৰষুণ” জাক যেন প্ৰতিটো কাহিনীৰ বাবেই আলহী; ই কিছু স্মৃতি সিঁচি আকৌ এবাৰ উভতি গুচি যায়। আচুৰ্য্য বৰপাত্ৰৰ “বৰষুণ” ক লৈ সেইবাবেই উৎসাহী প্ৰতিজন সংগীতপ্ৰেমী শ্ৰোতা-দৰ্শক। এই গীতটিৰ কথা আৰু সুৰ আচুৰ্য্য বৰপাত্ৰৰ নিজৰেই; সংগীত প্ৰযোজনা প্ৰণয় দত্তৰ লগতে ইয়াত শব্দ-সংমিশ্ৰণ কৰিছে দিগন্ত বৰদলৈয়ে। গীতটিৰ ভিডিঅ’ত আচুৰ্য্য বৰপাত্ৰৰ সৈতে অভিনয় কৰিছে সুনীতা কৌশিকে। লগতে, ইয়াত ভিডিঅ’ পৰিচালনা কৰিছে সুব্ৰত কাকতিয়ে আৰু দৃশ্যগ্ৰহণ কৰিছে জ্ঞান গৌতমে। সহযোগী দৃশ্যগ্ৰহণ উত্তম কলিতাৰ লগতে ৰূপসজ্জা বিজেয়েতা পাটগিৰীৰ। ৰোমান্টিক গীতৰ ক্ষেত্ৰত বিশেষ দখল থকা আচুৰ্য্য বৰপাত্ৰই প্ৰায় প্ৰতিটো গীতৰ ক্ষেত্ৰত সফলতা লাভ কৰিবলৈ সক্ষম হৈছে।.

গীতটিত আচুৰ্য্য বৰপাত্ৰৰ নতুন লুক আৰু তেওঁৰ ফালৰ পৰা মুক্তিপাবলগীয়া “বৰষুণ” ৰ বাবে অপেক্ষাৰত প্ৰত্যেকগৰাকী অনুৰাগী সকল। তেওঁৰ এই আহিবলগীয়া গীতটিক লৈ ৰূপালীপৰ্দাৰ ফালৰ পৰাও জনাইছো শুভকামনা।

গীতটিত কণ্ঠদান কৰিছে অসমীয়া সংগীত ক্ষেত্ৰখনৰ জনপ্ৰিয় কণ্ঠশিল্পী আচুৰ্য্য বৰপাত্ৰই। গীতটিত কথা পাপলু চেতিয়াৰ। এই জীৱনমুখী গীতটিত সুৰ আৰু সংগীত কৰিছে আন এটি বহুলভাৱে সমাদৃত যুঁটি পল্লৱ তালুকদাৰ আৰু প্ৰণৱ প্ৰিয়াংকুশ বৰুৱাই। সংগীত প্ৰযোজনা আৰু শব্দ সংমিশ্ৰণ পল্লৱ তালুকদাৰৰ। গীতাৰ ঋতুৰাজ গগৈৰ আৰু বেছ হিমাংশু দাসৰ। ড্ৰাম বজাইছে জয় দাসে।নৱপ্ৰজন্মৰ মাজত তেনেই জনপ্ৰিয় আচুৰ্য্য বৰপাত্ৰ; তাতেই আকৌ শেহতীয়াকৈ তেওঁ খুমটাই বিধানসভা সমষ্টিত গ্ৰাম্য পৰ্যটনৰ বেণ্ড এম্বেচাদৰ ৰূপে নিযুক্তি লাভ কৰিছিল। এম্বেচাদৰ ৰূপে নিযুক্তি লাভ কৰাৰ পিছতেই কণ্ঠশিল্পী গৰাকীয়ে সক্ৰিয়তাৰে অঞ্চলটোৰ উন্নয়নৰ দিশত কাম আৰম্ভ কৰিছে। আনহাতে, পাপলু চেতিয়াৰ কথাৰে নিৰ্মিত গীতসমূহ বৰ্তমান ইটোৰ পিছত সিটো মুক্তিয়ে আপোনালোকক স্পষ্ট কৰিব সংগীত ক্ষেত্ৰখনত তেওঁৰ সক্ৰিয়তা কোনটো পৰ্যায়ত! সমান্তৰালকৈ, পল্লৱ আৰু প্ৰণৱ প্ৰিয়াংকুশৰ যুঁটিটোৰো চৰ্চা চলিছে সচেতন মহলত।

এনে একাংশ গীতে আচলতে সমগ্ৰ অসমীয়াক উৎসাহিত কৰাৰ লগতে এই গীতটিয়ে ইতিবাচক কমেণ্টো লাভ কৰিছে। “অপ্ৰতিৰোধ্য লাভলিনা বৰগোঁহাই” ৰ সৈতে জড়িত প্ৰতিগৰাকী কলা-কুশলীক ৰূপালীপৰ্দাৰ তৰফৰ পৰা জনাইছোঁ শুভকামনা।

“মুক্তি বিচাৰি নেলাগে চাবলৈ বেছি দূৰলৈ জানা! গছপাত খিলা, তাকেই মন কৰা অথবা সৰু ধূলিকণা”; গীতটিৰ জৰিয়তে একাংশ নিচাসক্ত যুৱক-যুৱতীক যেন সাহস প্ৰদান কৰিছে তেনে অনুভৱ হৈছে। কণ্ঠশিল্পী আচুৰ্য্য বৰপাত্ৰৰ কণ্ঠৰে মুক্তিপ্ৰাপ্ত গীতটিয়ে মুক্তিৰ পিছতেই জনসাধাৰণৰ বহুল সমাদৰ লাভ কৰিবলৈ সক্ষম হৈছে। গীতটিত কথা সমুদ্ৰ কাজল শইকীয়া আৰু পাপলু চেতিয়াৰ; ইয়াত সংগীত আৰু সুৰ কৰিছে বিজয় শংকৰে। শব্দ-সংমিশ্ৰণ কৰিছে দিগন্ত বৰদলৈয়ে; গীতাৰ বজাইছে কাইফি আহমেদে। ড্ৰামচ প্ৰগ্ৰেমিং কৰিছে হীৰক বৰাই আৰু লিৰিকেল ভিডিঅ’ ৰ দায়িত্বত আছে ধ্ৰুৱজ্যোতি বৰা। প’ষ্টাৰ ডিজাইন কৰিছে প্ৰাচুৰ্য প্ৰতিম শইকীয়াই। আমি মানৱ সমাজে কোনো এটা বিষয় মনোৰঞ্জনৰ মাজেৰেই যেতিয়া বুজিবলৈ পাওঁ তেতিয়া সেই কথাবোৰ গ্ৰহণযোগ্য হৈ পৰে; সেয়েহে একোগৰাকী “শিল্পী” য়ে কেতিয়াবা সমাজৰ গধুৰ বিষয়সমূহ তেওঁলোকৰ গীতৰ মাজেৰেই জনসাধাৰণলৈ উলিয়াই দিবলৈ বিচাৰে। নৱপ্ৰজন্মৰ মাজত তেনেই জনপ্ৰিয় আচুৰ্য্য বৰপাত্ৰ; তাতেই আকৌ শেহতীয়াকৈ তেওঁ খুমটাই বিধানসভা সমষ্টিত গ্ৰাম্য পৰ্যটনৰ বেণ্ড এম্বেচাদৰ ৰূপে নিযুক্তি লাভ কৰিছিল। এম্বেচাদৰ ৰূপে নিযুক্তি লাভ কৰাৰ পিছতেই কণ্ঠশিল্পী গৰাকীয়ে সক্ৰিয়তাৰে অঞ্চলটোৰ উন্নয়নৰ দিশত কাম আৰম্ভ কৰিছে।

“দিনকণা” শীৰ্ষক গীতটি আচুৰ্য্য বৰপাত্ৰৰ ব্যক্তিগত ইউটিউব চেনেলত লাভ কৰিছিল মুক্তি। আৰু, গীতটিৰ সফলতা কামনা কৰি প্ৰতিজন কলা-কুশলীক জনাইছো শুভকামনা।

গতিকে, পৰৱৰ্তী সময়ছোৱাত পৰ্যটক আহি তাত ভিৰ কৰিব বুলি শেহতীয়াকৈ আশা প্ৰকাশ কৰিছে বিধায়ক মৃণাল শইকীয়াই। নিজৰ গীত সমূহৰ দৰেই শেহতীয়াকৈ আচুৰ্য্য বৰপাত্ৰৰ এনে সামাজিক কৰ্মসমূহে তেওঁৰ অনুৰাগীকো আপ্লুত কৰি তুলিছে। চচিয়েল মিডিয়াত শ্বেয়াৰ হোৱা ফটোসমূহত কণ্ঠশিল্পী গৰাকীক ইতিমধ্যে অনুৰাগী বৃন্দই বহুল হাৰত শুভেচ্ছা বাৰ্তা প্ৰেৰণ কৰা পৰিলক্ষিত হৈছে। এইখিনিতে, আপোনালোকৰ সৈতে শ্বেয়াৰ কৰিবলৈ বিচাৰিছো আন এক বিষয়ো। ৰাইজৰ হকে থিয় দিয়াৰ ক্ষেত্ৰত ব্যক্তিগত ভাৱে আগবাঢ়ি থকা আচুৰ্য্য বৰপাত্ৰই নিজ গীতসমূহ বিহুগীত অথবা ৰোমাণ্টিক তথা আধুনিক গীতৰ মাজতেই আৱদ্ধ কৰি নাৰাখি গীতসমূহেৰে সুন্দৰ বাৰ্তা প্ৰেৰণতো চেষ্টা কৰে। যেনে ধৰক বিগত বৰ্ষৰ পৰা বৰ্তমান সময়লৈ চৰ্চিত হৈ থকা তেওঁৰ “তোৰহে জিৰণি নাই” শীৰ্ষক গীতটিকেই ল’ব পাৰে। আনহাতে, যুৱপ্ৰজন্মক নিজৰ সৈতে সাঙুৰ খোৱাই চলিত বৰ্ষতেই তেওঁ “ফাগুন” কো উদ্দেশ্যি মুকলি কৰি দিছিল কেইবাটাও গীত। সময় সাপেক্ষে নিজ সৃষ্টি সমূহৰ দ্বাৰা শ্ৰোতা-দৰ্শকক আকৰ্ষণ কৰিবলৈ সক্ষম হোৱা আচুৰ্য্য বৰপাত্ৰ ব্ৰেণ্ড এম্বেচাদৰ হোৱা বিষয়টোত সুখ প্ৰকাশ কৰিছে খুমটাই অঞ্চলৰ নিবাসীও।

নতুন ব্ৰেণ্ড এম্বেচাদৰ ৰূপে নতুনকৈ দায়িত্বভাৰ লোৱা আচুৰ্য্য বৰপাত্ৰলৈ ৰূপালীপৰ্দা পেজটোৰ তৰফৰ পৰা জনাইছো শুভকামনা।

যিগৰাকী ব্যক্তিক নতুন দিল্লীৰ জৱহৰলাল নেহৰু বিশ্ববিদ্যালয়ে “ভাৰতৰ অৰণ্য মানৱ” উপাধি দিয়ে আৰু ২০১৫ চনত তেওঁক প্ৰদান কৰা হয় পদ্মশ্ৰী বঁটা। আনহাতে, গীতটিৰ ভিডিঅ’টোত আন এগৰাকী পৰিৱেশ কৰ্মী মনোজ গগৈকো দেখিবলৈ পোৱা গৈছিপ। সদ্যমুক্তিপ্ৰাপ্ত উক্ত আচুৰ্য্যৰ গীতটিত কথা পাপলু চেতিয়াৰ আৰু সংগীত অৰূপজ্যোতি বৰুৱাৰ। সংগীত পৰিচালকৰ দায়িত্বত আছিল অৰ্ণৱ বশিষ্ঠ লগতে ইয়াত শব্দ সংমিশ্ৰণ দিগন্ত বৰদলৈৰ। গীতটিৰ ভিডিঅ’ পৰিচালনা আৰু সম্পাদনা সুব্ৰত কাকতিৰ আৰু দৃশ্যগ্ৰহণ উত্তম কলিতাৰ। গীতটি মুক্তি লাভ কৰা পিছতেই দৰ্শকে ইয়াক সঁহাৰি জনোৱাৰ লগতে গীতটিক ভাইৰেলো কৰি তুলিছিল চচিয়েল মিডিয়াত। আনহাতে, গীতটিয়ে এটা বৰ্ষ অতিক্ৰম কৰিলেও বৰ্তমানলৈ গীতটিক লৈ চৰ্চা চলিছে সৰ্বত্ৰে। উল্লেখ্য যে, বিগত “ফাগুন” মাহটোকেই উদযাপন কৰাৰ প্ৰয়াস কৰিছিল আচুৰ্য্য বৰপাত্ৰই। #letscelebratefagun শীৰ্ষক হেছটেগৰ জৰিয়তে চচিয়েল মিডিয়াতো কন্ঠশিল্পী আচুৰ্য্য বৰপাত্ৰই চলাইছিল প্ৰচাৰ। “দূৰণিবটীয়া চিঠি”, “ৰ’দে অঁকা বাটে” লগতে “আকৌ মৰম আহিবনে” ইত্যাদি গীতসমূহেৰে ফাগুনক উদযাপনৰ চেষ্টা কৰিছিল কন্ঠশিল্পী গৰাকীয়ে।

আজি বিশ্ব পৰিৱেশ দিৱসৰ বাবে আপোনালোকে কোনে কেনেদৰে কি পন্থা হাতত লৈছে; জনাওঁক আমাক। ইয়াৰ সমান্তৰালকৈ, আচুৰ্য্য বৰপাত্ৰৰ আহিবলগীয়া প্ৰকল্প সমূহক লৈ ৰূপালীপৰ্দাৰ জনাইছো শুভকামনা।

“শিল্পী কলা কুশলী সকলক অপমান কৰা সাংবাদিক দেৱজিৎ ভূঞা ডাঙৰীয়া , আপুনি জানেনে, অসমৰ একোগৰাকী কণ্ঠশিল্পী অথবা গায়কৰ লগত কিমান পৰিয়াল জড়িত হৈ আছে। একোগৰাকী গায়ক-গায়িকাৰ লগত ৪৫-৬০ জনকৈ বিভিন্ন কলা কুশলী প্ৰত্যক্ষভাৱে জড়িত হৈ থাকে । এইসকলে নিজস্ব প্ৰতিভাকে জীৱন নিৰ্বাহৰ অন্যতম উপায় হিচাপে গ্ৰহণ কৰি সন্মান সহকাৰে জীয়াই আছে । *এয়া এক কৰ্মহে, বেপাৰ নহয় ।* *বিহু অনুষ্ঠানক “বেপাৰ” আখ্যা দিয়া প্ৰাগ নিউজৰ সহযোগী সম্পাদক তথা জ্যেষ্ঠ সাংবাদিক দেৱজিৎ ভূঞা ডাঙৰীয়াই এগৰাকী কণ্ঠশিল্পীক কৰা অপমান কেতিয়াও সহ্য কৰা নহ’ব । ভূঞা ডাঙৰীয়াক এনে কাৰ্যৰ বাবে ৰাজহুৱাভাৱে ক্ষমা খুজিবৰ বাবে দাবী জনালোঁ । আজিৰে পৰা প্ৰাগ নিউজৰ কোনো অনুষ্ঠানতে উপস্থিত থকাৰ পৰা মই বিৰত থাকিম । লগতে জনাওঁ যে , মোৰ কোনো গীত অথবা ভিডিঅ’ প্ৰাগ নিউজ আৰু সংলগ্ন এণ্টাৰটেইনমেণ্ট চেনেলত বিনা অনুমতিত সম্প্ৰচাৰ নকৰিব । অনুমতি বিহীন ভাৱে সম্প্ৰচাৰ কৰিলে আইনী ব্যৱস্থা লবলৈ বাধ্য হ’ম ।**আশা কৰিম, অনাগত দিনত অসমৰ সৰু-বৰ শিল্পী, কলা-কুশলীক সন্মান দিব নাজানিলেও যাতে অপমান নকৰে । আমাৰ স্বাভিমান ৰক্ষা কৰি এই আহ্বানৰ প্ৰতি সঁহাৰি জনাব বুলি আশা কৰিছোঁ। অসমৰ ৰাইজৰ আশীৰ্বাদ আৰু সহযোগিতা আমাৰ একান্তই কাম্য। ধন্যবাদ”

গীতটিত কন্ঠদান কৰাৰ সমান্তৰালকৈ ইয়াত সুৰ দিছে আচুৰ্য্য বৰপাত্ৰই নিজেই; আনহাতে ইয়াত কথা সুনিত গগৈৰ লগতে সংগীত প্ৰযোজনা বিজয় শংকৰৰ আৰু শব্দ সংমিশ্ৰণ কৰিছে দিগন্ত বৰদলৈয়ে। বাঁহী ৰূপম শৰ্মা আৰু ঋতুৰাজ গগৈৰ। গীতটিত সিদ্ধাৰ্থ শৰ্মা আৰু আচুৰ্য্য বৰপাত্ৰৰ সৈতে অভিনয় কৰিছে অভিনেত্ৰী পূবালী গগৈয়ে। আনহাতে, গীতটিৰ ভিডিঅ’ কৰিঅ’গ্ৰাফ কৰিছে শচীন বৰুৱাই লগতে ইয়াত দৃশ্যগ্ৰহণ বিতুল দাসৰ। সম্পাদনা মানস কাশ্যপৰ; শ্বুটিং সময়ছোৱাৰ পৰা গীতটিক লৈ জনসাধাৰণক আকৰ্ষিত কৰা ৰখা আচুৰ্য্য বৰপাত্ৰই ফেচবুক লাইভ হৈয়ে বিভিন্ন খবৰ দিয়া দেখিবলৈ পোৱা গৈছিল। আচুৰ্য্য বৰপাত্ৰ কেৱল মাত্ৰ সংগীত ক্ষেত্ৰখন বুলিয়ে নহয়; তেওঁ সক্ৰিয় সামাজিক ক্ষেত্ৰখনক লৈও। বিভীষিকাৰ সময়ছোৱাত তেওঁ প্ৰায়ে ৰাইজৰ কাষ চপা দেখিবলৈ পোৱা যায়।

“হয়নে ক” ৰ লগতে চলিত বৰ্ষত তেওঁৰ কন্ঠৰে আহিবলগীয়া প্ৰতিটো গীতৰ বাবে তেওঁক জনাইছো ৰূপালীপৰ্দাৰ তৰফৰ পৰা শুভকামনা।

বৰ্তমানলৈ অহা খবৰনুসৰি, “হয়নে ক” শীৰ্ষক এই গীতটিৰ ভিডিঅ’ পৰিচালনা কৰিছে শচীন বৰুৱাই লগতে ইয়াৰ দৃশ্যগ্ৰহণ কৰিছে বিতুল দাসে। “মিনি” ৰ পিছত আকৌ এবাৰ আচুৰ্য্য বৰপাত্ৰ লগতে শচীন বৰুৱাৰ যুঁটিক দেখিবলৈ পোৱা যাব স্ক্ৰীণত। কেৱল মাত্ৰ, “হয়নে ক’ বুলিয়ে নহয়; “ফাগুন” মাহটোত একোটা গীতৰ মুক্তিৰে শ্ৰোতা-দৰ্শকৰ কাষ চাপিছিল কন্ঠশিল্পী আচুৰ্য্য বৰপাত্ৰ। “ফাগুন এজাক সুৰীয়া বতাহ” নামে এই এলবামটোত অন্তৰ্ভূক্ত আটাইকেইটা গীতেই চুবলৈ সক্ষম হৈছিল প্ৰতিজন শ্ৰোতা-দৰ্শকক। “হয়নে ক” শীৰ্ষক এই গীতটিৰ ভিডিঅ’ৰ মুক্তিৰ তাৰিখৰ বিষয়ে সৱিশেষ এতিয়ালৈ জানিব পৰা হোৱা নাই যদিও আচুৰ্য্য বৰপাত্ৰৰ আপডেট সমূহৰ বাবেই জনসাধাৰণো এই গীতটিক লৈ বহুল ভাৱে অপেক্ষাৰত হৈ পৰিছে।

আচুৰ্য্য বৰপাত্ৰৰ প্ৰতিটো পৰিকল্পনাৰ বাবে ৰূপালীপৰ্দাৰ ফালৰ পৰা তেওঁলৈ যাঁচিছো অশেষ শুভকামনা।

গোটেই “ফাগুন” মাহটোকেই উদযাপন কৰাৰ প্ৰয়াস কৰিছে আচুৰ্য্য বৰপাত্ৰই। #letscelebratefagun শীৰ্ষক হেছটেগৰ জৰিয়তে চচিয়েল মিডিয়াতো কন্ঠশিল্পী আচুৰ্য্য বৰপাত্ৰই চলাইছে প্ৰচাৰ; এগৰাকী ডাকোৱালক পঠিয়াই তেওঁ জনসাধাৰণক দিছিলে ফাগুনৰ বাৰ্তা। ফাগুন বুলি ক’লেই ৰঙা পলাশৰ ৰঙাবোৰ উলমি থাকে সকলোতে; তাতেই আকৌ আচুৰ্য্য বৰপাত্ৰৰ একোটা সুমধুৰ গীতৰ মুক্তি। এইবাৰৰ ফাগুন মাহটোক লৈ কন্ঠশিল্পী গৰাকীয়ে কৰা এই প্ৰয়াসক লৈ শেহতীয়াকৈ উৎসাহিত জনসাধাৰণো। প্ৰতিটো গীতৰ দৰে আচুৰ্য্য বৰপাত্ৰৰ ফাগুনক উদ্দেশ্যি নিৰ্মিত গীততো অংকুৰিত হৈছে সফলতা। “দূৰণিবটীয়া চিঠি”, “ৰ’দে অঁকা বাটে” লগতে “আকৌ মৰম আহিবনে” শীৰ্ষক তিনিটা গীতৰ মুক্তিৰ পিছত আৰু আন কেইটা গীতে কেনেদৰে জনসাধাৰণক টানিব সেয়া হৈছে লক্ষণীয়।

আচুৰ্য্য বৰপাত্ৰৰ “ফাগুন” উদযাপনৰ প্ৰয়াসে এইবাৰ সকলোকে আকৰ্ষণ কৰিবলৈ সক্ষম হৈ পৰিছে।