“স্মৃতিৰ ৰ’দালি” গীতটিৰ ভিডিঅ’ৰ পৰিচালনাৰ লগতে দৃশ্যগ্ৰহণ আৰু সম্পাদনা মানৱ জ্যোতি বৰুৱাৰ। ২০১৭ চনৰ পৰা পেছাগত ভাৱে পৰিচালনাৰ দিশটোৰ সৈতে জড়িত মানৱ জ্যোতি বৰুৱাৰ “অপৰাহ্ন” শীৰ্ষক চুটি ছবিখনৰ সমান্তৰালকৈ বিগত বৰ্ষৰ “লক-ডাউন” ৰ সময়ত মু্ক্তি লাভ কৰা আন এখন চুটি ছবি “গ্ৰহণ” ক দৰ্শকে আকোঁৱালি লোৱাৰ লগতে ৰাষ্ট্ৰীয়-আন্তঃৰাষ্ট্ৰীয় পৰ্যায়ৰ ছবি সমাৰোহতো দুয়োখন চুটি ছবিয়ে মনোনয়ন লাভ কৰিবলৈ সক্ষম হৈছিল। গীতটিৰ ভিডিঅ’ত অভিনয় কৰিছে অৰ্ঘদ্বীপ বৰুৱা তথা হৰুণ আলিয়ে। সহঃ পৰিচালনা সুনয়না দত্ত আৰু দীপান্নিতা দাসৰ। ভি.এফ.এক্স দীপজ্যোতি সন্দিকৈৰ। পোষ্টাৰ ডিজাইন মিচিচিপি হাজৰিকাৰ আৰু কলিগ্ৰাফী ধৰ্মজ্যোতি বৰুৱাৰ। Bioscope ৰ প্ৰকল্প সমূহে ইতিমধ্যে জনসাধাৰণ আপ্লুত কৰিবলৈ সক্ষম হৈছিল কিয়নো ইয়াৰ বিষয়বস্তু সমূহে সংযোগ কৰি আহিছে সাধাৰণ জনকো। সম্প্ৰতি সময়ছোৱাত একোগৰাকী নৱপ্ৰজন্মই সাংস্কৃতিক দিশটোৰ প্ৰতি দেখুওৱা আগ্ৰহ সঁচাকৈ উল্লেখনীয়। এগৰাকী গীতিকাৰ, সুৰকাৰ অথবা এজন কন্ঠশিল্পী ৰূপে নিজক প্ৰতিষ্ঠা কৰিবলৈ তেওঁলোকে কৰা প্ৰচেষ্টা সমূহ ইমানেই অধিক গ্ৰহণযোগ্য যে তেওঁলোকৰ সৃষ্টিয়েই ক্ষন্তেকতে জনপ্ৰিয়তা লাভ কৰাৰ উপৰিও ভাইৰেল হৈ পৰে চচিয়েল মিডিয়াত। পাৰ্থিৱ সুখক কিছু সময়ৰ বাবে উফৰাই দৰ্শক-শ্ৰোতাক প্ৰদান কৰা আমোদনেৰে আত্মসন্তোষ্টি লাভ কৰা নৱপ্ৰজন্মৰ বৃহৎ সংখ্যাই সাংস্কৃতিক ক্ষেত্ৰখনত আহিবলগীয়া সময়ত নতুনৰ যোগানৰ ধৰিব।

নতুনৰ মূলতেই হৈছে নৱপ্ৰজন্ম। তেওঁলোকে সৃষ্টি কৰা নতুন ধাৰা অথবা যিকোনো বিষয়েই হওঁক সেই আটাইবোৰেই জনসাধাৰণে হৃদয়ংগম কৰিবলৈ সক্ষম হৈছে। তেনেক্ষেত্ৰত এই গীতটিয়েও শ্ৰোতাক মুগ্ধ কৰিবলৈ সক্ষম হৈছে বুলি ক’লেও হয়টো অতিৰঞ্জিত নহ’ব। ৰূপালীপৰ্দাৰ তৰফৰ পৰাও Bioscope ৰ এই নতুন প্ৰচেষ্টাক জনাইছো শুভকামনা।

আমি কেতিয়াবা নিজ সপোন পূৰণৰ অৰ্থে চিনাকী বাটটো এৰি অইন এটা অচিন বাটে খোজ দিওঁ; সপোন বোৰ বাস্তৱ কৰিবলৈ আমি নিজ জীৱনৰ অচিন-চিনাকী বাটত খোজ দিয়াৰ লগতেই কেতিয়াবা পাহৰি পেলাওঁ নিজ অস্তিত্ব। কিন্তু, জীৱনৰ প্ৰাপ্তি-অপ্ৰাপ্তিৰ দৌৰত আমি যেতিয়া দৌৰি গৈ থাকো তেতিয়া এটা সময়লৈ আমাৰ ভাগৰুৱা মনটোৱে পূৰণি আলিবাটটোৰ সন্ধান কৰোঁ। উভতি যাব খুজো যদিও শূণ্য হৈ পৰে আমি সন্ধান কৰি ফুৰা আলিবাটটো; এনে এক বিষয়বস্তুকেই লৈ গীতটিৰ ভিডিঅ’টোক নিৰ্মাণ কৰি উলিওৱা হৈছে। গীতটিত কথা দিয়াৰ লগতে ইয়াৰ ভিডিঅ’টোৰ বিষয়বস্তু, কাহিনী তথা পৰিচালনাৰ দায়িত্বত আছে প্ৰাচুৰ্য্য তালুকদাৰ; Pratidhwani Records ৰ বেনাৰত নিৰ্মিত গীতসমূহত দেখিবলৈ পোৱা প্ৰাচুৰ্য্য তালুকদাৰৰ প্ৰতিভা সঁচাকৈ উল্লেখনীয়। কন্ঠদানৰ লগতে “আলিবাট” ত সুৰ কৰিছে পৰিণীতাই নিজেই; সংগীত পল্লৱ তালুকদাৰৰ। Mystic Production House ৰ এজন দক্ষ সদস্য পল্লৱৰ নামটো বৰ্তমান মনোৰঞ্জন ক্ষেত্ৰখনৰ এক চিনাকী নাম। গীতটিৰ ভিডিঅ’ত দেখিবলৈ পোৱা অৰ্ঘ্যদ্বীপ বৰুৱাক লৈও ৰাইজৰ মাজতো উৎকণ্ঠা পৰিলক্ষিত হয়। ড° পি.এম গোস্বামীৰ প্ৰযোজনাত নিৰ্মিত গীতটিৰ দৃশ্যগ্ৰহণ আৰু সম্পাদনা মানৱ জ্যোতি বৰুৱাৰ; এইগৰাকী প্ৰতিভাৰ পৰিচালনাৰে দৰ্শকে দুখনকৈ চুটি ছবি উপভোগ কৰাৰ লগতে তেওঁৰ প্ৰকল্পসমূহক সমাদৰো জনাইছে। “আলিবাট” শীৰ্ষক এই গীতটিক ভিডিঅ’টোৰ সৈতে সামঞ্জস্য ৰাখি প্ৰস্তুত কৰিবলৈ বিচৰা কথাটোৱে গীতটিক ৰাইজৰ সন্মুখত আৰু অধিক গ্ৰহণযোগ্য কৰি তুলিছে।

গীতটিত শব্দ সংমিশ্ৰণ কৰিছে দিগন্ত বৰদলৈয়ে আৰু সহঃ পৰিচালনা কৰিছে প্ৰীতিস্না দত্তই; ডি.আই ৰতনশীল শৰ্মাৰ আৰু পোষ্টাৰ ডিজাইন ঋতুপৰ্ণ বৰাৰ। পৰিণীতাৰ নতুন প্ৰচেষ্টাক লৈয়ে তেওঁৰ আহিবলগীয়া প্ৰকল্পসমূহক লৈ জনাইছো শুভকামনা।

Pratidhwani Records ৰ বেনাৰত নিৰ্মিত “আলিবাট” ত কথাৰ লগতে গীতটিৰ ভিডিঅ’ ৰ কাহিনী, বিষয়বস্তু আৰু পৰিচালনাৰ দায়িত্বতো আছে প্ৰাচুৰ্য্য তালুকদাৰ। তেওঁৰ কথা তথা পৰিচালনাৰে নিৰ্মিত নীল আকাশৰ কন্ঠৰে “ৰুক্সানা” ৰ লগতে শেহতীয়াকৈ দীপিলনা আৰু নিপজৰ কন্ঠৰ গীত “দুবাহুৰে সাৱটি ল’বানে” ও লাভ কৰিছিল শ্ৰোতা-দৰ্শকৰ সমাদৰ। গতিকে, এনে পৰিপ্ৰেক্ষিতত আহিবলগীয়া সময়ৰ “আলিবাট” তো ৰাইজৰ সঁহাৰি হ’ব লক্ষণীয়। আনহাতে, গীতটিত সংগীত দিছে সংগীত পল্লৱ তালুকদাৰে। Mystic Production House ৰ এজন দক্ষ সদস্য পল্লৱৰ নামটো বৰ্তমান মনোৰঞ্জন ক্ষেত্ৰখনৰ এক চিনাকী নাম। গীতটিত শব্দ সংমিশ্ৰণ কৰিছে দিগন্ত বৰদলৈয়ে আৰু সহঃ পৰিচালনা কৰিছে প্ৰীতিস্না দত্তই; দৃশ্যগ্ৰহণৰ লগতে সম্পাদনা কৰিছে মানৱ জ্যোতি বৰুৱাই। ডি.আই ৰতনশীল শৰ্মাৰ আৰু পোষ্টাৰ ডিজাইন ঋতুপৰ্ণ বৰাৰ। অতিশীঘ্ৰে গীতটি মুকলি কৰা হ’ব Pratidhwani Records ত। সংগীত শিকাৰ পৰাই এটা নিজাববীয়াকৈ এটা গীত মুকলি কৰি দিয়াৰ ইচ্ছা আছিল কন্ঠশিল্পী পৰিণীতা গোস্বামীৰ। সেইবাবেই হয়টো এই গীতটিৰ বাবে অপেক্ষাৰত প্ৰতিজন শ্ৰোতা।

“আলিবাট” ৰ সফলতা কামনা কৰি পৰিণীতা গোস্বামীক ৰূপালীপৰ্দাৰ তৰফৰ পৰা যাঁচিছো অশেষ শুভকামনা।

চুটি ছবিখন নিৰ্মাণৰ ক্ষেত্ৰত ৰূপালীপৰ্দাৰ ফালৰ পৰা কাদম্বৰী কাশ্যপৰ সৈতে হোৱা কথা বতৰাত তেওঁ লিমা দাস আৰু অৰ্ঘ্যদ্বীপৰ প্ৰশংসা কৰি কয় যে, “এই গীতটো আমি শ্বুট কৰিছিলো যোৱা বছৰৰ অক্টোবৰ মাহতেই; তেতিয়ালৈ “আমিষ” খন মুক্তি লাভ কৰা নাছিল ঘৰুৱা দৰ্শকৰ ওচৰত। পৰিস্থিতি সমূহৰ বাবে আমি আগতেই শ্বুটিং কৰিছিলো যদিও বিহুৰ মাজতেই মুক্তি দিয়াৰ কথা ভাৱিলো। শ্বুটিং কৰি থকা সময়ছোৱাত মই যিমান খিনি সহাঁৰি পাইছো লিমা বা, অৰ্ঘ্যদ্বীপ তথা ঋষি দাৰ পৰা সেয়া একেবাৰেই উল্লেখ্যনীয়। লিমা বা এগৰাকী প্ৰফেচাৰ লগতে ডাক্টৰ, আনহাতে অৰ্ঘ্যদ্বীপৰ নিজাকৈ বেণ্ড আছে কিন্তু তৎস্বত্বেও তেওঁলোকে আমি মুম্বাইত শ্বুটিং কৰা সময়ৰ পৰা আদি কৰি গোটেই সময়ছোৱাত যিখিনি সহযোগিতা আগবঢ়াইছে সেয়া মানিবলগীয়া।”

ইয়াৰ উপৰিও কাদম্বৰীয়ে কয় যে, “মই বহু খিনি কথা শিকিছো আছলতে তেওঁলোকৰ পৰা।” উল্লেখ্য যে, ছবিখনৰ কাহিনী আছিলে মহান জ্যোতি দত্তৰ লগতে তাত অন্তৰ্ভূক্ত গীতটিৰ কথা আছিল ড° আকাশীতৰা আৰু পংকজ মিশ্ৰাৰ আৰু এই গীতটিত কন্ঠদান কৰিছে ঋষি বৰাই। ১৯৪২ চনত মুক্তি লাভ কৰা Albert Camus ৰ কিতাপ “The Myth of Sisyphus” ৰ ওপৰত কেন্দ্ৰ কৰিয়েই উক্ত চুটি ছবিখনৰ “ভিজুৱেল ট্ৰিট” পৰিচালনা কৰা হৈছিল।

গ্ৰীক পুৰাণ দেৱতাৰ দ্বাৰা অভিশপ্ত সিঁসিফাছে এখন পাহাৰৰ উচ্চতালৈ এটা প্ৰকাণ্ড শিল আঁজুৰি লৈ যায় যাতে উক্ত শিলটো আকৌ এবাৰ তললৈ আহে; আৰু পুনৰাই যাতে সিঁসিফাছে সেই শিলটো ওপৰলৈ লৈ যাব পাৰে। তেওঁ অনন্তকাললৈ এই কামফেৰা কৰি গৈ থাকে। তেওঁৰ মতে এই শাস্তিটোৱে তেওঁৰ বাবে জীৱনৰ চৰম শাস্তি। এনে এক কাহিনীৰ আধাৰেই হৈছে চুটি ছবি “যাযাবৰী”।