অৰুণ নাথ, মৃদুল গুপ্তা তথা প্ৰবীণ হাজৰিকা আদি পৰিচালকৰ সৈতে কাম কৰা অভিনেত্ৰী সুনীতা কৌশিকে নিজৰ কেৰিয়াৰৰ টাৰ্ণিং পইন্টতো লাভ কৰিছিল ধাৰাবাহিক “অনুৰাধা” ৰ জৰিয়তে। আনহাতে, উৎপল দাসৰ অসমীয়া প্ৰথমখন ছবি আছিল “ধন কুবেৰৰৰ ধন”; ইয়াৰ পিছতেই তেওঁ জনপ্ৰিয় পৰিচালক মুনীন বৰুৱাৰ সৈতেও কাম কৰিবলৈ সক্ষম হয়। ইয়াৰ উপৰিও, একাংশ ভিচিডি আৰু অসমীয়া ছবিত অভিনীত উৎপল দাসে কেইবাখনো অসমীয়া ধাৰাবাহিকতো অভিনয় কৰিছে।

উল্লেখ্য যে, উদয়ন দুৱৰাক আহিবলগীয়া সময়ত এখন বহু প্ৰত্যাশিত ছবি “গুৱাহাটী ডায়েৰিজ” ত দেখিবলৈ পোৱা যাব। আনহাতে, তেওঁৰ জীৱনলৈ আহিবলগীয়া সন্তানটিৰ সুস্বাস্থ্য কামনা কৰাৰ লগতে অভিনেতা গৰাকীৰ অনাগত দিনবোৰ সুখময় হওক ৰূপালীপৰ্দাৰ তৰফৰ পৰা তাৰেই আশা ৰাখিছোঁ।

কিছুদিন পূৰ্বে ডিজিটেল প্লেটফৰ্ম Niri9 যোগে মুক্তি লাভ কৰা Illegal নামে ৱেব চিৰিজখনটো দেখিবলৈ পোৱা গৈছিল এই অভিনেতা গৰাকীক। এক দমদাৰ লুকেৰে ৱেব চিৰিজখনক উপভোগ কৰিবলৈ বাধ্য কৰোৱাইছিল দৰ্শকক।

এগৰাকী অভিনেতা হিচাবে তেওঁক কেনে চৰিত্ৰই আকৰ্ষণ কৰে বুলি প্ৰশ্ন কৰাত তেওঁ কয় যে, “ধন্যবাদ, এই প্ৰশ্নটিৰ বাবে। নিজকে অভিনেতা বুলি ক’ব পৰাৰ ধৃষ্টতা মই নকৰো এতিয়াও। তথাপিও অভিনয় শিল্পৰ এজন অনুৰাগী হিচাবে এতিয়ালৈকে শিকাৰ আধাৰত আৰু অভিজ্ঞতাৰ আধাৰত ক’ব খোজো যে মই সকলো ধৰণৰ চৰিত্ৰকেই প্ৰাধান্য দিওঁ বা মোৰ ভাল লাগে। মোৰ বাবে যিকোনো চৰিত্ৰই আকৰ্ষণৰ বিষয়। প্ৰতিটো চৰিত্ৰৰে নিজা কিছুমান বৈশিষ্ট থাকে, তাক সঁচা অৰ্থত অনুধাৱন কৰি, নিৰীক্ষণ কৰি ,অধ্যয়ন কৰি আগবাঢ়িলেই সি এজন অভিনেতাকেই নহয় দৰ্শককো আকৰ্ষণ কৰাত সফল হ’ব।” এগৰাকী “শিল্পী” ৰ সংজ্ঞা জানিবলৈ বিচৰাত তেওঁ কয় যে, “প্ৰকৃত শিল্পীৰ চিনাকী তেওঁৰ সাধনাত লুকাই থাকে। যিজনে নিজৰ শিল্পটোক লৈ অবিৰত সাধনা কৰিব পাৰে, নিজৰ শিল্পক প্ৰকৃত সন্মান জনাব পাৰে আৰু সেই শিল্পক সমাজ আৰু সংস্কৃতিৰ উত্তৰণৰ ক্ষেত্ৰত ব্যৱহাৰ কৰিব পাৰে , তেন্তে মই ভাবো তেওঁৱেই শিল্পী। অৱশ্যে, মোৰ ব্যক্তিগত মত এইয়া।” আগন্তুক পৰিকল্পনা বিষয়ে জানিবলৈ বিচৰাত তেওঁ কয় যে, “যিহেতু নাটক ভালপোৱা মানুহ, গতিকে নাটকক লৈয়ে এটা প্ৰচেষ্টা হাতত লোৱাৰ কথা ভাবি আছোঁ। “সেউজীয়া নাটক”/”green theatre” নামেৰে পৰীক্ষামূলক প্ৰকল্প এটিৰ কথা আলোচনা চলি আছে আমাৰ বন্ধুমহলৰ মাজত। ডিব্ৰুগড় বিশ্ববিদ্যালয়ত জন্মলাভ কৰা ‘মঞ্চশিখা’ই ইয়াৰ আগভাগ ল’ব। লগতে , বিভিন্ন মাধ্যমত অভিনয় কৰাৰ আৰু ভালকৈ অভিনয় শিকাৰ সুযোগ বিচাৰি প্ৰয়াস চলি আছে আৰু চলিয়েই থাকিব । বৰ্তমান ক’ভিড পৰিস্থিতিৰ বাবে অৱশ্যে পৰিকল্পনা কৰিবলৈ অসুবিধা যদিও, পৰিস্থিতিত খাপ খাই লৈ পৰিকল্পনাসমূহ বিশেষকৈ ‘সেউজীয়া নাটক’ সফল কৰাৰ পৰিকল্পনা চলি আছে।”

আগলৈ তেওঁ কয় যে, শেষত, rupaliparda.com ৰ ৰীমা দত্তক ধন্যবাদ জনাইছোঁ, আমাৰ দৰে নাটকৰ লগত, অভিনয়ৰ লগত লাগি থাকিবলৈ যত্ন কৰা এজন সাধাৰণ লোকক এইখিনি সুবিধা দি উৎসাহিত কৰাৰ বাবে। বৰ্তমান সময়ত উৎসাহ, প্ৰেৰণা আদি অতি প্ৰয়োজনীয় হৈ পৰিছে সকলো ধৰণৰ লোকৰ বাবে আশা কৰোঁ, ভাল দিনবোৰ সোনকালে ঘূৰি আহক।আকৌ দেশৰ বা বিদেশৰ সকলো মঞ্চতে নাটক হওক, সংগীত হওক, সংস্কৃতিৰ সাধনা হওক।”

“The Radio Guy” ৰ পৰিচালনাৰ দায়িত্বত আছে সকলোৰে চিনাকী তথা বৰ্তমানৰ মনোৰঞ্জন প্ৰেমী দৰ্শকৰ মাজত জনপ্ৰিয় সমুজ্জল কাশ্যপ। বিষয়বস্তু আৰু দৃশ্যগ্ৰহণ পৰিচালক গৰাকীৰ নিজৰেই। কাহিনীত টুইষ্ট আনি দৰ্শকক ধৰি ৰখাৰ এক বিশেষ গুণ পৰিচালক গৰাকীৰ সৃষ্টি সমূহৰ মাজত দেখিবলৈ পোৱা যায়। আনহাতে ইয়াত মুখ্য চৰিত্ৰত অভিনয় কৰিছে শশাংক সমীৰে। ৰেডিঅ’ কৰ্মকৰ্তাৰে কেৰিয়াৰ আৰম্ভ কৰা শশাংক বৰ্তমান সময়ৰ এগৰাকী অসমীয়া সাংস্কৃতিক ক্ষেত্ৰখনৰ জনপ্ৰিয় তাৰকা, যি একাধাৰে গীতিকাৰ, অভিনেতা, গায়ক তথা এগৰাকী চিত্ৰকাৰ। তেওঁৰ সৈতে এই চুটি ছবিখনৰ কেইবাটাও গুৰুত্বপূৰ্ণ চৰিত্ৰ ৰূপায়ণ কৰিছে ক্ৰমে বাদল সিনহা, হৰ্ষ সিদ্ধান্ত আৰু বহুল ভাৱে সমাদৃত অভিনেত্ৰী হীৰা নেওঁগ। বাদল সিনহা আৰু হৰ্ষ সিদ্ধান্ত চৰিত্ৰ দুটাই চুটি ছবিখনক ৰাইজৰ মাজত আৰু অধিক গ্ৰহণযোগ্য কৰি তুলিছে। চিত্ৰনাট্য হৰ্ষ সিদ্ধান্তৰ। চুটি ছবিখনত সংযোজিত গীত “কৈ দিয়ানা” ত সংগীত কৰিছে ৰাষ্ট্ৰীয় প্ৰেক্ষাপটত সংগীত ক্ষেত্ৰখনৰ সৈতে জড়িত হৈ অসমক গৌৰৱান্বিত কৰা হৰজিৎ দিয়াজ। গীতটি লিখিছে শশাংক সমীৰে, ইয়াত কণ্ঠদান কৰিছে আন এগৰাকী জনপ্ৰিয় তাৰকা জয় বৰুৱাই। সম্পাদনা আৰু ৰং অম্বৰিশ বৰকটকীৰ।

ৰূপসজ্জা বিশ্ব কলিতাৰ লগতে ফাইনেল মিক্স, ডিজাইন নৱাৰুণ বৰাৰ। লোকেশ্বন চাউণ্ড য়শ শৰ্মাৰ। চুটি ছবিখনে ধনাত্মক প্ৰভাৱ পেলোৱা পৰিলক্ষিত হৈছে দৰ্শকৰ মাজত। “The Radio Guy” ৰ বহুল সফলতা কামনা কৰাৰ লগতে ইয়াৰ সৈতে জড়িত প্ৰতিজন কলা-কুশলীক ৰূপালীপৰ্দাত তৰফৰ পৰা জনাইছোঁ আন্তৰিক শুভকামনা।

কেতিয়াবা একাংশ নৱপ্ৰজন্মই নভবাকৈয়ে কিছু বেয়া পৰিস্থিতিৰ সন্মুখীন হয়। তাৰ ভিতৰত এক হৈছে নিচাজাতীয় দ্ৰব্য সেৱন। সদ্যমুক্তিপ্ৰাপ্ত “ক্লান্ত” ত উপস্থাপিত কাহিনীভাগ আছিল এনেধৰণৰ য’ত দুগৰাকী নৱপ্ৰজন্মই নিচাসক্ত হৈ থাকে আৰু পিছলৈ তাৰ মাজৰে এগৰাকী আকস্মিক মৃত্যুক সাবটি ল’বলগীয়া হয়। ইয়াৰ পৰিচালনা, চিত্ৰনাট্য আৰু সম্পাদনা কৰিছে বিজন বিকাশ ব্ৰহ্মাই। ৭ মিনিট ৪১ চেকেণ্ডৰ এই চুটি ছবিখনত অভিনয় কৰিছে ক্ৰমে দীপাংকৰ কলিতা (অৰ্ক), গকুল মিপুন আৰু কিশালয় এম বি বৰুৱাই। দৃশ্যগ্ৰহণ কৰিছে সুৰুয শ্বেখৰ শৰ্মাই লগতে চাউণ্ড মিক্সিং কৰিছে জনাৰ্দন পাটোৱাৰীয়ে। আমি এইখিনিতে, অভিনেতা দীপাংকৰ কলিতাৰ অভিনয়ৰ সাৱলীলতাৰ বিষয়ে উল্লেখ কৰিব লাগিব। কেইবাখনো বাটৰ নাটৰ লগতে প্ৰায় ৬ খন ধাৰাবাহিক অভিনয় কৰাৰ সমান্তৰালকৈ আন কেইবাটাও গুৰুত্বপূৰ্ণ প্ৰকল্পত অভিনয় কৰিছে অভিনেতা গৰাকীয়ে। চুটি ছবিসমূহৰ প্ৰসংগ এতিয়ালৈ সক্ৰিয় হয় আছে অসমীয়া মনোৰঞ্জন ক্ষেত্ৰখনত। ক’ৰোণা ভাইৰাছৰ সময়ছোৱাত চুটি ছবিসমূহৰ এক সুন্দৰ পৰিক্ৰমা আৰম্ভ হোৱা আমি সকলোৱে দেখিবলৈ পাইছিলো। সেই সময়ৰ পৰা আৰম্ভ হোৱা যাত্ৰাটোত বৰ্তমানলৈ আমি বহুকেইখন উল্লেখনীয় চুটি ছবি উপভোগ কৰিবলৈ সক্ষম হৈছো। আমাৰ অসমখন অইন প্ৰতিটো দিশত চহকী হোৱাৰ সমান্তৰালকৈ ইয়াত নিৰ্মিত একাংশ চুটি ছবিয়ে লাভ কৰা ৰাষ্ট্ৰীয়-আন্তঃৰাষ্ট্ৰীয় সন্মানৰ কথা আমি শুনিছো অথবা সংবাদপত্ৰ যোগে পঢ়িছো।

উক্ত চুটি ছবি “ক্লান্ত” ৰ সৈতে জড়িত প্ৰতিগৰাকী কলা-কুশলীলৈ ৰূপালীপৰ্দাৰ তৰফৰ পৰা জনাইছোঁ অশেষ শুভকামনা।

অসমৰ গোৱালপাৰা জিলাত জন্মগ্ৰহণ কৰা এই গৰাকী অসম সন্তানৰ কেৱলমাত্ৰ অভিনয়েই নহয়; তেওঁৰ ব্যক্তিত্বয়েও অসমকে ধৰি বাহিৰৰ প্ৰায় সমগ্ৰ লোকক নিজৰ অনুৰাগী কৰি তুলিছ। শিক্ষা জীৱনত তেওঁ বহু কেইখন নাটকত অভিনয় কৰাৰ লগতে “ভায়ামামা” নামৰ জনপ্ৰিয় নাটক গোষ্ঠীৰ সৈতেও তেওঁ ব্যংগাত্মক চৰিত্ৰ ৰূপায়ন কৰাৰ সুযোগ লাভ কৰিছিল। ইয়াৰ পিছত আদিল হুচেইনে দিল্লীস্থিত “ৰাষ্ট্ৰীয় নাট্য বিদ্যালয়” তথা লণ্ডনৰ “ড্ৰামা ষ্টুডিঅ’ লণ্ডন” ত অভিনয়ৰ শিক্ষা গ্ৰহণ কৰে।

কিছুদিন পূৰ্বে ডিজিটেল প্লেটফৰ্ম Niri9 যোগে মুক্তি লাভ কৰা Illegal নামে ৱেব চিৰিজখনটো দেখিবলৈ পোৱা গৈছিল এই অভিনেতা গৰাকীক। এক দমদাৰ লুকেৰে ৱেব চিৰিজখনক উপভোগ কৰিবলৈ বাধ্য কৰোৱাইছিল দৰ্শকক।

এজন যুৱকৰ অভিনয়ৰ সপোন আৰু তেওঁ নিজ পেট পুঁহিবলৈ কৰি থকা কামটোৰ মাজৰ সেই ক্ষীণ ৰেখাডালক লৈ এই চুটি ছবিখন নিৰ্মাণ কৰি উলিওৱা হৈছে। নিজৰ পেট আৰু পৰিয়ালবৰ্গক আৰ্থিক সহযোগিতা আগবঢ়োৱাৰ বাবে এগৰাকী যুৱকে নিজৰ সপোন বোৰক বাকচত ভৰাই আকৌ এবাৰ বিচাৰি আনিব নোৱাৰাকৈ দলিয়াই দিয়া আমি দেখিছোঁ। তেতিয়াই আচলতে স্পষ্ট হয় সেই পুৰুষৰ প্ৰত্যাহ্বান কোনটো পৰ্যায়ৰ। পঞ্চম শ্ৰেণীৰ পৰা নাটকৰ সৈতে জড়িত অতনু মহন্তৰ অভিনয় ক্ষেত্ৰখনত থকা দক্ষতাই এই চুটি ছবিখনক ৰাইজৰ আগত আৰু অধিক গ্ৰহণযোগ্য কৰি তুলিছে। ফেঁহুজালি মিডিয়ালেবৰ বেনাৰত নিৰ্মিত এই চুটি ছবিখনৰ পৰিচালনা, চিত্ৰনাট্য আৰু সম্পাদনা মানসজ্যোতি বৰাৰ। কাহিনী কুসুম মহন্তৰ লগতে দৃশ্যগ্ৰহণ কৰিছে নয়ন জ্যোতি দেৱীয়ে। সংগীত কৰিছে দীপাংক শইকীয়াই। প্ৰডাকচন ডিজাইন কৰিছে ৰঞ্জিতা বৰুৱা আৰু দূৰ্গাশ্ৰী বৰাৰ। সংগীত ব্যৱস্থাপনা ৰাকেশ বড়োৰ। আনহাতে, ডি আই উদ্দীপ্ত কুমাৰ ভট্টাচাৰ্য্য আৰু পোষ্টাৰ ডিজাইন কৰিছে সাগৰিকা বি ৰিকুৰ। আমি প্ৰায়ে কৈ আহিছোঁ যে নৱপ্ৰজন্মৰ চুটি ছবিসমূহে আমাক মনোৰঞ্জন প্ৰদানত অহোপুুৰুষাৰ্থ কৰিছে, তাতেই আকৌ যেতিয়া তেওঁলোকে দৰ্শকক সংযোগ কৰিব পৰা বিধৰ কাহিনী ইয়াত সন্নিৱিষ্ট কৰি গৈ থাকে তেতিয়া ই চৰ্চা লাভ কৰিবলৈ সক্ষম হয়।

সাম্প্ৰতিক সময়ৰ সৈতে খাপ খোৱা এই চুটি ছবিখনৰ আৰু অধিক সফলতাৰ কামনা কৰিছে ৰূপালীপৰ্দাই। লগতে, পেজটোৰ তৰফৰ চুটি ছবিখনৰ সৈতে জড়িত কলা-কুশলীক জনাইছোঁ শুভকামনা।

পৰিচালনাৰ সমান্তৰালকৈ বিৰিঞ্চি কুমাৰ গগৈ জড়িত অভিনয় দিশটোৰ সৈতেও। ৰূপালীপৰ্দাৰ সৈতে হোৱা কথা বতৰা যোগে পৰিচালনাৰ আৰম্ভণিৰ বিষয়ে প্ৰশ্ন কৰাত তেওঁ কয় যে, “বিদ্যালয়ৰ বাৰ্ষিক সপ্তাহত প্ৰতি বছৰে নাটক কৰিছিলোঁ। অভিনয়ৰ লগতে নাটক পৰিচালনা কৰাৰ চখ আছিল; গুৱাহাটীলৈ আহি ছিগাল থিয়েটাৰৰ লগত জড়িত হোৱাৰ পিছৰে পৰা এই ক্ষেত্ৰখনত ভালদৰে জড়িত হৈ পৰিলোঁ। বিগত বৰ্ষৰ পৰা হোৱা বিভীষিকাময় পৰিস্থিতিটোৱে অসমৰ মনোৰঞ্জন ক্ষেত্ৰখনৰ কি সাল-সলনি কৰিছে বুলি প্ৰশ্ন কৰাত বিৰিঞ্চি কুমাৰ গগৈয়ে কয় যে, “ক’ভিড মহামাৰীৰ আগৰ আৰু পিছৰ পৃথিৱীখনৰ সাল-সলনি স্বাভাৱিক। বিভীষিকাময় পৰিস্থিতিৰ মাজত সৃষ্টিশীল কাম কাজ ৰুদ্ধ হৈছিল যদিও নিজৰ সাধনা আৰু আত্মবিশ্লেষণ কৰিবলৈ শিল্পীসকলক সময়ে যথেষ্ট সুবিধা কৰি দিছিল। ন- চিন্তাৰে মনোৰঞ্জন ক্ষেত্ৰখনৰ পৰিপক্কতাৰ সালসলনি নিশ্চিত।” বিৰিঞ্চি কুমাৰ গগৈৰ সংক্ষিপ্ত আৰু স্পষ্ট উত্তৰ সমূহে তেওঁৰ অনুৰাগী সকলক আপ্লুত তথা আকৰ্ষণ কৰিছে বুলি আমি আশাবাদী। আগলৈ, তেওঁৰ আগন্তুক প্ৰকল্পৰ বিষয়ে জানিবলৈ বিচৰাত তেওঁ কয় যে, “আগন্তুক পৰিকল্পনা বুলিলে মোৰ এটাই আছে, সেইটো হৈছে নাটক আৰু চিনেমাৰ অবিৰত সাধনা। এখন চুটি ছবিৰ প্ৰি-প্ৰডাকচনৰ কাম আৰম্ভ কৰিছোঁ; ইয়াৰ লগতে, নাটক কৰিবলৈ প্ৰেক্ষাগৃহত মানুহ আহিব পৰা পৰিস্থিতিলৈ বাট চাইছোঁ।”

ইতিবাচক মানসিকতাৰে ক্ষেত্ৰখনত জড়িত হ’বলৈ বিচৰা বিৰিঞ্চি কুমাৰ গগৈৰ প্ৰতিটো পৰিকল্পাৰ সফলতা কামনা কৰিছোঁ। লগতে, তেওঁলৈ ৰূপালীপৰ্দাৰ তৰফৰ পৰা জনাইছোঁ অশেষ শুভকামনা।