বেদান্ত হাজৰিকাৰ মতে ‘কবিতা’ ৰ সংজ্ঞা জানিবলৈ বিচৰাত তেওঁ কয় যে, “জীৱন, কবিতা আৰু প্ৰেম” এইকেইটাৰ সংজ্ঞা দিয়াটো মোৰ বাবে বৰ টান‌। সহজ ভাষাত কবিতা মোৰ বাবে ভাললগা, ভালপোৱা আৰু দুখৰ সময়টো হাঁহি এটা বিচাৰি পোৱাৰ কাৰণ।” কবিতা লিখিবলৈ কেতিয়াৰ পৰা আৰম্ভ কৰিছিল আৰু কেনেদৰে বুলি সোধাত তেওঁ কয় যে, “একেবাৰে সৰুৰ পৰাই কবিতাৰ সৈতে সম্পৰ্ক এটা গঢ়ি উঠিছিল। আবৃত্তি কৰি ভাল পাইছিলো কিন্তু লিখিবলৈ চেষ্টা কৰা নাছিলোঁ কেতিয়াও। গুৱাহাটী বিশ্ববিদ্যালয়লৈ গৈ জালুকবাৰীৰ বতাহ এটাক অনুভৱ কৰিবলৈ লৈছিলোঁ, লিখিবলৈ আৰম্ভ কৰিলোঁ। সঁচা অৰ্থত, মোক লিখাৰ ক্ষেত্ৰত লগৰবোৰে সাহস দিলে, প্ৰেৰণা দিলে আৰু তেতিয়াৰ পৰাই কবিতা লিখাটো মোৰ বাবে হৈ পৰিল নিচা।” সংগীত ক্ষেত্ৰখনলৈ অহাৰ কথা ভাবিছা নেকি বুলি প্ৰশ্ন কৰাত বেদান্তই কয় যে, “নাই, গানৰ ক্ষেত্ৰত একেবাৰে দক্ষতা মোৰ নাই। ৰেপ সংগীতৰ চৰ্চা মাজে মাজে কৰি থাকোঁ। কিন্তু, বেছিকৈ সপোন কবিতাক লৈয়ে দেখোঁ।”

বেদান্ত হাজৰিকাই নিজৰ ভৱিষ্যৎ পৰিকল্পনাৰ বিষয়ে জনাই তেওঁ কয় যে, “নতুন নতুন চিন্তাৰে কবিতাক দাঙি ধৰিব মন আছে।কবিতাক “commercialize” কৰিবলৈ মন আছে। লগতে, বিশেষকৈ চিনেমাত অন্তৰ্ভূক্ত কৰিবলৈ মন আছে।” বেদান্ত হাজৰিকাৰ আগন্তুক পৰিকল্পনা সমূহৰ বাবে তেওঁক ৰূপালীপৰ্দাৰ তৰফৰ পৰা জনাইছোঁ শুভকামনা।

শেহতীয়াকৈ মুক্তিপ্ৰাপ্ত ‘হাজাৰবাৰ প্ৰেমত পৰিম’ শীৰ্ষক কবিতাটি লিখিছে বেদান্ত হাজৰিকাই। লগতে, কবিতাটি আবৃত্তি কৰাৰ লগতে ভিডিঅ’টিত অভিনয় কৰিছে বেদান্ত হাজৰিকা আৰু য়াশাশ্ৰী ভূঞাই। ভিডিঅ’ পৰিচালনা প্ৰণৱ ডিৰ আৰু দৃশ্যগ্ৰহণ কৰিছে ইক্ৰিম হক আৰু প্ৰণৱে। কবিতাটিৰ ইউটিউব লিংকৰ কমেণ্ট বক্সত আপুনি যদি এবাৰ চকু ফুৰাই তেতিয়াহ’লে তাত ইতিবাচক কমেণ্টেই দেখিবলৈ পাব। কোনো এটা সুন্দৰ প্ৰকল্পক লৈ আমি আকোঁৰগোজ হওঁ, তাতেই আকৌ যদি নৱপ্ৰজন্মৰ এনেধৰণৰ প্ৰয়াস পৰিলক্ষিত হয় তেতিয়াহ’লে তাতকৈ অধিক আমাৰ বাবে ভাললগা আৰুনো কি হ’ব পাৰে! বেদান্তৰ ইউটিউব চেনেলত তেওঁৰ আন কবিতা ক্ৰমে ‘মই তোমাৰ একপক্ষীয় প্ৰেমিক’, ‘ভালপাঁও তোমাক’ ইত্যাদিয়ে পূৰ্বৰে পৰা তেওঁৰ অনুৰাগীৰ লিষ্টখন দীঘলীয়া কৰি লৈ গৈ আছে। পূৰ্বে নিৰ্মিত উক্ত দুই কবিতাটেই ভিউচ লেখত ল’বলগীয়া।

আহিবলগীয়া সময়ত তেওঁৰ তৰফৰ পৰা আৰু অধিক কবিতাৰ আশা প্ৰকাশ কৰিছে শ্ৰোতা-দৰ্শকে। তেওঁক ৰূপালীপৰ্দাৰ তৰফৰ পৰা জনাইছোঁ শুভকামনা।

কবিতা লিখিবলৈ ধ্ৰুৱ পাঠকৰ অনুপ্ৰেৰণা কোন আৰু কিয় বুলি প্ৰশ্ন কৰাত তেওঁ কয় যে, “আচলতে মই প্ৰেমত হাবুডুবু খাই কবিতাৰ দিশটো বাছি লৈছিলোঁ কিন্তু এই দিশটোত সম্পূৰ্ণৰূপে মোৰ মা অনুপ্ৰেৰণাতহে আগবাঢ়ি যাব পাৰিছোঁ। সৰুৰ পৰা মাৰ মুখত কবিতাৰ শব্দবোৰ মোৰ কাণত পৰি আহিছিল, মাই এখন টোকাবহীত কবিতা বিলাক লিখি ৰাখিছিল আৰু সেইবিলাক মোক পঢ়াই শুনাই ৰাখি এই দিশটোৰ প্ৰতি মোক উৎসাহিত কৰিছিল। আজিও সেই টোকাবহী যিমানেই পূৰণি হৈ আহিছে সিমানেই মোৰ আৰু মা কবিতাৰ প্ৰতি আকৰ্ষিত বেছি হৈ আহিছে। অসমীয়া সমাজত অসমীয়া ভাষাৰ বৌদ্ধিক, শব্দৰ বিকাশ, কথা কোৱা জ্ঞান, প্ৰত্যেক জনে প্ৰত্যেক জনৰ লগত ভাল ব্যৱহাৰৰ মাধ্যম হৈছে সাহিত্য চৰ্চা। যি নতুন প্ৰজন্মৰ মাজত হেৰাই গৈছে। উগ্ৰ সমাজ ,ইলেট্ৰনিক যন্ত্ৰ আদিয়ে ধ্বংস কৰা নতুন প্ৰজন্মৰ সকলো ফালৰ পৰা নিয়ন্ত্ৰণ কৰিবলৈ সাহিত্য চৰ্চাৰ ‘কবিতা’ এটা মাধ্যম হিচাপে লৈ প্ৰেমৰ মাজেৰে এনাজৰী গঢ়িবলৈ প্ৰয়াস কৰিছোঁ মই আৰু মোৰ এই প্ৰয়াসত “আমাক” সংযোজন কৰিবলৈ আহ্বান কৰিছোঁ। তেওঁৰ আগন্তুক পৰিকল্পনাৰ বিষয়ে জানিবলৈ বিচৰাত তেওঁ কয় যে, “পৰিকল্পনা বুলি ক’লে বহুতো হেঁপাহ আছে মোৰ। কবিতা আগতে লিখিছিলোঁ আৰু কৰবাত প্ৰকাশ কৰিছিলোঁ। এতিয়া সেই কবিতা ভিডিঅ’ ৰূপত আগবঢ়াই দিবলৈ নতুনকৈ ভাবিছোঁ ইতিমধ্যে তাৰে প্ৰয়াস “বাখৰুৱা প্ৰেম” কবিতাটো যথেষ্ট আশীৰ্বাদ তথা সঁহাৰি লাভ কৰিছে ৰাইজৰ পৰা। আগন্তুক সময়ত মই আৰু কবিতাৰ চৰ্চা কৰি যাম, যদি ভগৱানে আশীৰ্বাদ কৰে নিশ্চয় কবিতা আগবঢ়াই যাম।”

কবিতাৰে প্ৰত্যেকগৰাকীক জনসাধাৰণক আকৰ্ষণ কৰিবলৈ বিচৰা ধ্ৰুৱ পাঠকৰ কবিতাই যাতে অনাগত দিনত আৰু অধিক চৰ্চা লাভ কৰিবলৈ সক্ষম হয় তাৰেই আশা ৰাখিছোঁ। তেওঁৰ প্ৰতিটো পৰিকল্পনাৰ বাবে তেওঁক জনাইছোঁ শুভকামনা।

বৰ্তমান পৰিপ্ৰেক্ষিতত, একোজন নৱপ্ৰজন্মই পাৰ্যমানে নিজ প্ৰতিভাৰে আপ্লুত কৰাৰ চেষ্টা কৰিছে প্ৰত্যেককে। “লক-ডাউন” ৰ এই সময়ভাগত অধিকাংশ গীতৰ ৰচনাৰ লগতে ই লাভ কৰিছে মুক্তি। তেজপুৰত জন্মগ্ৰহণ কৰা এইগৰাকী নৱপ্ৰজন্মৰ যুৱকে গীতত কন্ঠদান কৰাৰ লগতে এটি গীতত কথা আৰু সুৰ দিয়াৰ দায়িত্বতো থাকে দেৱৰাজ। শেহতীয়াকৈ তেওঁৰ কথাৰে মুক্তি লাভ কৰা “উজাগৰী” শীৰ্ষক গীতটিয়ে ইতিমধ্যে লাভ কৰিবলৈ সক্ষম হৈছিল ৰাইজৰ সঁহাৰি। এগৰাকী কন্ঠশিল্পী ৰূপে তেওঁ কন্ঠদানৰ সমান্তৰালকৈ তবলা, বাঁহী, দোতাৰা, ঢোল, কী বোৰ্ড আদি বাদ্যযন্ত্ৰ বজোৱাৰ ক্ষেত্ৰতো পাৰ্গত।

সৰুৰ পৰাই সংগীতৰ প্ৰেমত পৰা এইগৰাকী কন্ঠশিল্পীয়ে প্ৰায়ে নিজৰ প্ৰতিভা প্ৰদৰ্শনৰ ক্ষেত্ৰত চেষ্টা অব্যাহত ৰাখিছে। দেৱৰাজৰ গীত সমূহত প্ৰাচ্য আৰু পাশ্চাত্যৰ সোঁৱাদো লাভ কৰিব পৰা যায়।

জনপ্ৰিয় সাহিত্য সমালোচক হীৰেন গোঁহাইয়ে এবাৰ হীৰু দাৰ জীৱন সম্পৰ্কে বক্তব্য দাঙি ধৰোতে কৈছিল যে, “ওপৰে ওপৰে চালে হীৰেন ভট্টাচাৰ্য্যৰ জীৱন খেয়ালী আৰু বিশৃংখল। কিন্তু তেওঁৰ শিল্পী জীৱন বান্ধি ৰাখিছিল সহজে চকুত নপৰা ৰুচিবোধ আৰু সংযমেৰে। কাৰো লগত বিবাদ-বিতৰ্কত লিপ্ত হোৱাটো তেওঁৰ বাবে আছিল সময়ৰ অপচয়। অথচ অসমীয়া ভাষা সংস্কৃতিৰ ঐতিহ্যৰ বাবে তেওঁ সচেতনভাৱে দায়বদ্ধ আছিল।” ১৯৭৬ চনত হীৰেন ভট্টাচাৰ্য্যই লাভ কৰিছিল অসম সাহিত্য সভাৰ “ৰঘুনাথ চৌধুৰী বঁটা”; ইয়াৰ পিছতে তেওঁক প্ৰদান কৰা হয় বিভিন্নটা বঁটা ক্ৰমে “সাহিত্য অকাডেমী বঁটা” “বিষ্ণু ৰাভা বঁটা”, “বালাজী সাহিত্য বঁটা”, “চোভিয়েট দেশ নেহেৰু বঁটা” কে ধৰি আন বহুতো। ২০১২ চনত কবি গৰাকীৰ দেহাৱসান ঘটাত স্তব্ধ হৈ পৰিছিল অসমীয়া শিল্পী জগত। হীৰু দাই আগবঢ়োৱা অৱদানসমূহে অসমৰ সংস্কৃতিৰ ভঁৰাল পৰিপূৰ্ণ কৰি ৰখাত যথেষ্ট সহায় কৰিছে।

হীৰেন ভট্টাচাৰ্য্যৰ মৃত্যুবাৰ্ষিকীত তেওঁক স্মৰণ কৰি এটি গীতেৰে শ্ৰদ্ধাঞ্জলি জ্ঞাপন কৰিছে হাৰ্টথ্ৰৱ জুবিন গাৰ্গেও। “বকুল ফুলৰ দৰে” শীৰ্ষক গীতটিৰ জৰিয়তে জুবিন গাৰ্গে জ্ঞাপন কৰিছে হীৰু দালৈ শ্ৰদ্ধাঞ্জলি। কিছুদিন পূৰ্বে কন্ঠশিল্পী তৰালী শৰ্মাইও হীৰু দাই তেওঁলৈ আগবঢ়োৱা এটি গীত “সাঁজৰ তৰা” ক পুনৰ বাৰ মুকলি কৰি দিছিল।