সমাজৰ ইতিবাচক আৰু নেতিবাচক দুয়োটা দিশৰ উপস্থাপন কৰাৰ লগতে ৱেব চিৰিজখনৰ সংযোজিত কাহিনীভাগৰ জৰিয়তে জনসজাগতা সৃষ্টি কৰিবলৈও চেষ্টা কৰা হৈছে। সমাজৰ একঘেয়ামী দিশটোৰ লগতে কু-সংস্কাৰৰ কিছু আভাস প্ৰদান কৰাৰ উপৰিও মহানগৰীৰ কৰ্পোৰেট কালচাৰ আৰু কাৰ্যালয়ৰ সহকৰ্মীসকলৰ ওপৰত পৰা চাপকো বৰ্ণনা কৰা হৈছে। ৱেব চিৰিজখনৰ খণ্ড অনুসৰি দৰ্শকসকল কাহিনীভাগৰ ভিতৰত আৰু অধিক সোমাই গৈ থাকিব বুলি একাষাৰে কৈ দিব পাৰি। ‘দ্য ক্লিনিক’ ৰ পৰিচালনাৰ দায়িত্বত আছে হিতাৰ্থ বৰাই। ইয়াত অভিনয় কৰিছে ক্ৰমে প্ৰসেনজিৎ বৰা, হিৰণ্য ডেকা, অপৰ্ণা দত্ত চৌধুৰী, উদয়ন দুৱৰা, অৰ্ঘ্যদ্বীপ বৰুৱা, বেদব্ৰত বৰা, বেদান্ত প্ৰকাশ বৰা আৰু হিতাৰ্থ বৰাই। অসমীয়া দুইগৰাকী জনপ্ৰিয় কণ্ঠশিল্পীৰ কণ্ঠও এই ৱেব চিৰিজখনত সংযোজন কৰা হৈছে। গীত দুটিত কণ্ঠদান কৰিছে ক্ৰমে শংকুৰাজ কোঁৱৰ আৰু প্ৰবীণ বৰাই। মূলসুঁতিৰ বিষয়বস্তুৰ বহু আঁতৰৰ চিৰিজখন দৰ্শনীয় আৰু নতুন চিন্তাৰ বাহক হ’ব বুলি আশা কৰা হৈছে।

ৱেব চিৰিজখনৰ বাবে অপেক্ষাৰত হৈ পৰিছে দৰ্শক সমাজ। লগতে, সফলতাৰ কামনা কৰি ৱেব চিৰিজখনৰ সৈতে জড়িত প্ৰতিগৰাকী কলা-কুশলীক জনাইছোঁ আন্তৰিক শুভকামনা।

উক্ত চিৰিজখনত অভিনীত জয় কাশ্যপ, উদয়ন দুৱৰা, জ্যোতি নাৰায়ণ নাথ, ভাগৱত প্ৰীতম, ৰঞ্জীৱ লাল বৰুৱা, হিমাংশু গগৈ, ৰিচা ভৰদ্বাজ, ৰূপম শৰ্মা আৰু মধুস্মিতা দিহিঙীয়াই নিজ নিজ চৰিত্ৰসমূহক সুন্দৰভাৱে ৰাইজৰ আগত উপস্থাপনৰ চেষ্টা কৰিছে। বিশেষকৈ,এই ক্ষেত্ৰত আমি জয় কাশ্যপ আৰু উদয়ন দুৱৰাৰ নাম ল’ব লাগিব, এওঁলোক দুয়োগৰাকীৰ মাজত থকা অভিনয়ৰ দক্ষতা চিৰিজখনৰ জৰিয়তে সুন্দৰভাৱে ওলাই পৰিছে। চিৰিজখনৰ আন এক মনোগ্ৰাহী দিশ এয়াও যে ৯ টা হত্যাকাণ্ডৰ কাহিনীৰ ইটোৰ ওপৰত সিটো নিৰ্ভৰশীল। ৱেব চিৰিজ খনৰ সৃষ্টিকৰ্তা হৈছে ৰতনশীল শৰ্মা লগতে পৰিচালনাৰ দায়িত্বত আছে অসমীয়া ধাৰাবাহিক ক্ষেত্ৰখনৰ জনপ্ৰিয় পৰিচালক নানান পাঁচনি। কাহিনীভাগ লিখিছে নয়ন সাউদ আৰু জাহ্নৱী মজুমদাৰে। অসমীয়া মনোৰঞ্জন ক্ষেত্ৰখনত নতুনৰ সংযোজনে কাকনো উৎসাহিত নকৰে! নহয়নে? অসমীয়া মনোৰঞ্জন ক্ষেত্ৰখনে ৰাষ্ট্ৰীয় পৰ্যায়ৰ জনসাধাৰণৰ মাজত চিনাকী লাভ কৰাটো সঁচাকৈ সকলোৰে বাবে এক গৌৰৱৰ বিষয়। অসমীয়া সাংস্কৃতিক তথা মনোৰঞ্জন ক্ষেত্ৰখনত জনসাধাৰণৰ বাবে একাংশই কৰা প্ৰচেষ্টা তথা প্ৰয়াস নুই কৰিব পৰা নাযায়। বৰ্তমান সময়ছোৱাত মনোৰঞ্জন জৰুৰী হৈ পৰিছে জনসাধাৰণৰ বাবে; হতাশগ্ৰস্ততাই প্ৰভাৱ বিস্তাৰ কৰা একাংশৰ বাবে একমাত্ৰ মনোৰঞ্জনেই হৈছে যিয়ে এজন ব্যক্তিক নিজৰ চিন্তাৰ পৰা কিছু সময় বিৰত ৰাখি আমোদ প্ৰদান কৰিব পাৰে।

চিৰিজখনৰ সৈতে জড়িত প্ৰত্যেকগৰাকী কলা-কুশলীক ৰূপালীপৰ্দাৰ তৰফৰ পৰা আন্তৰিক শুভকামনা জ্ঞাপন কৰিছোঁ।

চলি থকা কাহিনীবোৰৰ পৰা অকণমান ফালৰি কাটি চাচপেন্স, চাইকো’লজি, থ্ৰীলাৰ, ক্ৰাইম, পলিটিকেল, প্লেইন আদি প্ৰতিটো দিশৰ সৈতে জড়িত প্ৰকল্পৰ সোঁৱাদ অসমীয়া মনোৰঞ্জনপ্ৰেমী দৰ্শকে লাভ কৰাৰ লগতে এটা কথা নিশ্চিত হৈ পৰিছে যে আহিবলগীয়া এপটোৰ যোগেৰে দৰ্শকক নিৰাশ কৰা নহ’ব। তেওঁলোকৰ প্ৰকল্প সমূহৰ মাজৰ যদি একাংশৰ আপোনালোকক আভাস দিবলগীয়া হয় তেতিয়াহ’লে ক’ব লাগিব যে তেওঁলোকৰ এখন ৱেব চিৰিজৰ নাম হৈছে “Memories Of an Ant”; যাৰ পৰিচালনা আৰু চিত্ৰনাট্যৰ দায়িত্বত আছে অজিত গিৰি; ইয়াৰ লগতে চন্দ্ৰ মুদৈৰ দ্বাৰা পৰিচালিত “Go Goi” নামে আন এখন ছবিকো অন্তৰ্ভূক্ত কৰা হৈছে এই এপটোত। “Go Goi” ছবিখনত প্ৰেৰণামূলক এটা কাহিনীক সন্নিৱিষ্ট কৰা হৈছে য’ত গগৈ নামে এজন লোকে ক’ৰোণা ভাইৰাছৰ কালছোৱাত নিজৰ পৰিয়ালক লগ দিবলৈ সূদুৰ দক্ষিণ ভাৰতৰ পৰা খোজ কাঢ়ি নিজ পৰিয়ালৰ কাষ পাইহি। এই দুয়োটা প্ৰকল্প ইতিমধ্যে সম্পূৰ্ণ হৈ উঠিছে আৰু অতি সোনকালে ৰাইজৰ মাজলৈ উলিয়াই দিয়া হ’ব প্ৰকল্প দুটাক। ইয়াৰ উপৰিও, Reflected man, শিপা, কলিৱেদ নামে আন কেইবাটাও প্ৰকল্প এপটোৰ যোগেৰে উপভোগ কৰিবলৈ পাব অসমবাসীয়ে।

মনোৰঞ্জন ক্ষেত্ৰখনত শেহতীয়াকৈ দেখিবলৈ পোৱা সলনিটোৱে দৰ্শকক আৰু অধিক টানি নিছে ডিজিটেল মাধ্যমটোলৈ। গতিকে ইয়াত আহিবলগীয়া সময়ত মুক্তি পাবলগীয়া Nexster Studios য়েও যে জনসাধাৰণক আমোদ প্ৰদামত সক্ষম হ’ব তাক লৈ আশাবাদী সকলো।

স্ত্ৰী-পুৰুষৰ মাজৰ সম্পৰ্কৰ ওপৰত ভিত্তি কৰিয়েই এই ৱেব চিৰিজখনৰ কাহিনীভাগ লিখি উলিওৱা হৈছে। সচৰাচৰ যদিও এই বিষয়বস্তুটোৰ সৈতে জড়িত হ’ব পৰিচালকৰ কলাত্মক উপস্থাপন শৈলী। জানিব পৰা মতে, এই চিৰিজখনৰ প্ৰথমটো সংস্কৰণত মুঠ ছয়টা খণ্ড থাকিব। একঘেয়ামিতাৰ পৰা ফালৰি কাটি নতুন ব্যতিক্ৰমী প্ৰকল্পেৰে এই প্লেটফৰ্মটোক ৰাইজৰ মাজলৈ লৈ অনাৰ ইচ্ছা প্ৰকাশ কৰিছে Niri9 ৰ সৈতে জড়িত বিষয়ববীয়াসকলে। সেইবাবেই হয়টো তেওঁলোকে উঠি অহা প্ৰজন্মৰ নতুন বিষয়বস্তু সমূহক সামৰি একোটা প্ৰকল্প নিৰ্মাণত তেওঁলোকক সহযোগিতা আগবঢ়োৱা দেখিবলৈ পোৱা গৈছে। ৰাষ্ট্ৰীয়-আন্তঃৰাষ্ট্ৰীয় প্ৰেক্ষাপটত চিনাকী হোৱা “NIRI9” এপটোত কেৱল মাত্ৰ অসমীয়া প্ৰকল্পই নহয়; মুক্তি লাভ কৰিব হিন্দী আৰু বাংলা ভাষাৰো বিভিন্ন ধৰণৰ প্ৰকল্প। থ্ৰীলাৰ, চাইকো’লজিকেল থ্ৰীলাৰ, এক্সন, ড্ৰামা সম্পন্ন কাহিনীও ইয়াত ইতিমধ্যে ৰাইজে দেখিবলৈ পাইছে; গুগল প্লে ষ্টোৰ তথা এপ্পল প্লে ষ্টোৰত উপলদ্ধ এই এপটোত নৱপ্ৰজন্মৰ সোঁৱাদনুসৰিয়ে বিভিন্ন ধৰণৰ প্ৰকল্পক অন্তৰ্ভূক্তি কৰা হৈছে। আকৌ এবাৰ আপোনালোকক ক’বলৈ বিচাৰিছো যে, এই এপটোত অসমীয়া দৰ্শকৰ বাবেই নহয় ইয়াত মণিপুৰী, মিচিং অথবা বড়ো ভাষাৰ প্ৰকল্প সমূহকো ঠাই দিয়া হৈছে।যাতে, উক্ত ভাষা কোৱা অথবা সেই ভাষাৰ নৱপ্ৰজন্মৰ প্ৰতিভা সকলেও তেওঁলোকৰ প্ৰতিভা প্ৰদৰ্শনৰ বাবে এক উপযুক্ত প্লেটফৰ্ম লাভ কৰিব পাৰে। এক কথাত ক’বলৈ গ’লে, Niri9 য়ে নৱপ্ৰজন্মৰ বাবে আশাৰ বতৰা কঢ়িয়াইছে। এই প্ৰতিযোগিতাৰ সময়কণত কোন আগত, কোন পিছত বিচাৰ কৰি থকা সময়তে এই প্লেটফৰ্মটোৱে গুৰুত্ব দিছে নতুনত্বক।

সুস্থ ৰুচিশীল বিনোদন জগতত Niri9 পৰিয়ালৰ আন এক সম্ভ্ৰান্ত পদক্ষেপ হৈছে “কুকি”। এইবাৰ Niri9 য়ে এখন ব্যয়বহুল চলচিত্ৰ প্ৰযোজনা কৰিবলৈ ইতিমধ্যে আগবাঢ়িছে। অসমীয়া আৰু হিন্দী দুয়োটা ভাষাতেই নিৰ্মাণ হ’বলগীয়া এই ছবি খনত Bollywood আৰু Hollywood ৰ কেইবাগৰাকীে জনপ্ৰিয় শিল্পীৰ সমাবেশ ঘটিব বুলি প্ৰযোজক পৰিচালকে জানিবলৈ দিছে। আশা কৰিছোঁ, অনাগত দিনত Niri9 আৰু অধিক সফলকাম হওঁক। তেওঁলোক নৱপ্ৰজন্মৰ বাবে ওলাই আহি যি সহায়-সহযোগিতা প্ৰতিভাসমূহক আগবঢ়াইছে তাৰ বাবে দৰ্শক সমাজেও একোটা উল্লেখনীয় প্ৰকল্প উপভোগ কৰিবলৈ সক্ষম হৈছে।

আমাৰ সমাজ ব্যৱস্থাত অথবা আমাৰ আশে-পাশে ধনাত্মক আৰু ঋণাত্মক এই দুই প্ৰকাৰৰ শক্তিয়ে ক্ৰিয়া কৰি থাকে। কিন্তু দুই ক্ৰিয়াৰ কোনটোক আঁকোৱালি আগবাঢ়িব পৰা যাব সেই সমষ্ট আমাৰ মনোবৃত্তিৰ ওপৰত নিৰ্ভৰ কৰে। আহিবলগীয়া ৱেব চিৰিজ “মৃত্যুঞ্জয়” টো সমাজৰ এই ইতিবাচক আৰু নেতিবাচক দিশ দুটাক উপস্থাপন কৰা হৈছে। সমান্তৰালকৈ, এই চিৰিজখনত সংযোজন কৰা হৈছে ৰহস্যধৰ্মী হত্যাৰ কাহিনী। অৰ্থাৎ, এই চিৰিজখনত দুটা কাহিনীক ইটোক আনটোৰ ওপৰত নিৰ্ভৰ কৰোৱাই প্ৰস্তুত কৰা হৈছে। উল্লেখযোগ্য যে, “মৃত্যুঞ্জয়” ৰ সৈতে জড়িত প্ৰতিজন কলা-কুশলীয়ে মনোৰঞ্জন ক্ষেত্ৰখনত ইতিমধ্যে নিজ দক্ষতা প্ৰদৰ্শন কৰিছে। ৱেব চিৰিজ খনৰ সৃষ্টিকৰ্তা হৈছে ৰতনশীল শৰ্মা লগতে পৰিচালনাৰ দায়িত্বত আছে অসমীয়া ধাৰাবাহিক ক্ষেত্ৰখনৰ জনপ্ৰিয় পৰিচালক নানান পাচনি। কাহিনীভাগ লিখিছে নয়ন সাউদ আৰু জাহ্নৱী মজুমদাৰে। ইয়াত গুৰুত্বপূৰ্ণ চৰিত্ৰ সমূহ ৰূপায়ন কৰিছে ক্ৰমে জয় কাশ্যপ, উদয়ন দুৱৰা, জ্যোতি নাৰায়ণ নাথ, ভাগৱত প্ৰীতম, ৰঞ্জীৱ লাল বৰুৱা, হিমাংশু গগৈ, ৰিচা ভৰদ্বাজ, ৰূপম শৰ্মা আৰু মধুস্মিতা দিহিঙিয়াই।

“ৰীলড্ৰামা” ৰ প্ৰকল্পসমূহক লৈ জনসাধাৰণ উৎসাহিত হোৱা পৰিলক্ষিত হৈছে। তাতেই আকৌ এই ৱেব চিৰিজখনত সন্নিৱিষ্ট প্ৰতিগৰাকী শিল্পীৰেই অনুৰাগীৰ শাৰী দীঘলীয়া হোৱাৰ বাবে “মৃত্যুঞ্জয়” য়ে লাভ কৰিছে বহুল চৰ্চা। চিৰিজখনক লৈ ৰূপালীপৰ্দাৰ তৰফৰ পৰা প্ৰত্যেককে জনাইছোঁ অশেষ শুভকামনা।

শেহতীয়াকৈ মুক্তিলাভ কৰা এই প্ৰকল্পটোৰ প্ৰথমটো খণ্ডৰ নাম হৈছে “Red Label FOTa Lebel *Alcohol is injurious to health!” ইয়াৰ পৰিচালনা আৰু সম্পাদনাৰ দায়িত্বত আছে অনুপ্ৰাস দাস। ইতিমধ্যে এইগৰাকী পৰিচালক দ্বাৰা Youthzkorner ৰ বেনাৰত নিৰ্মিত এখন অসমীয়া ৱেব চিৰিজ “Jibon Unplugged” ৰ প্ৰতিটো খণ্ডই দৰ্শকৰ হৃদয়ত ঠাই বনাবলৈ সক্ষম হোৱাৰ লগতে প্ৰতিজন দৰ্শকৰ সমাদৰ লাভ কৰিবলৈও সক্ষম হৈছে। আনহাতে, Vocal with Local ৰ প্ৰথমটো খণ্ড “Red Label FOTa Lebel *Alcohol is injurious to health!” ৰ কাহিনীভাগ লিখিছে মনজিতে; সংলাপ চক্ৰধৰ বৰকাকতিৰ। দৃশ্যগ্ৰহণ কৰিছে জগদীশ দাসৰ লগতে প্ৰথমটো খণ্ডত অভিনয় কৰিছে মনোৰঞ্জন দাস, জিন্তু মণি কলিতা আৰু ভাস্কৰ ঠাকুৰীয়াই। আৱহ সংগীত অনুভৱ গগৈৰ আৰু এনিমেশ্বনৰ দায়িত্বত আছে সৌৰভ হাজৰিকা। ভইচ অভাৰ ৰূপম ভূঞাৰ তথা শীৰ্ষ গীতটি অনুভৱ গগৈৰ; সংগীত মিশ্ৰণ ত্ৰিহাংকু লহকৰৰ। গ্ৰাফিক্স সাগৰিকা বি ৰিকুৰ; প্ৰডাকচন ডিজাইন চক্ৰধৰ বৰকাকতিৰ, প্ৰডাকচন মেনেজমেন্ট চিত্ৰমণি দাসৰ। প্ৰডাকচন এচিচটেন্ট ৰুবুল সাউদৰ আৰু পি.আৰ ডানিশৰ। উল্লেখ্য যে, এই প্ৰকল্পটোৰ সৈতে জড়িত খণ্ডসমূহত উক্ত নৱপ্ৰজন্মৰ দলটোৱে গাওঁ অঞ্চলৰ ধুনীয়া তথা সুন্দৰ ঠাইসমূহক উপস্থাপনৰো চেষ্টা কৰা হৈছে যাতে দৰ্শকে চিৰিজখনৰ বাস্তৱ ঘটনাসমূহৰ দ্বাৰা নিজক সংযোগ কৰিবলৈ সক্ষম হয়।

বৰ্তমান সময়ৰ এটা বহুল প্ৰত্যাশিত প্ৰকল্পৰ ভিতৰৰ এটা হৈছে “Vocal With Local”। এই প্ৰকল্পটোৰ সৈতে জড়িত আন আন খণ্ডসমূহকলৈ অপেক্ষাৰতও হৈ পৰিছে ৰাইজ। এই প্ৰকল্পটোৰ প্ৰতিজন কলা-কুশলীক ৰূপালীপৰ্দাৰ তৰফৰ পৰা জনাইছো অশেষ শুভকামনা।

ৱেব চিৰিজখনত এগৰাকী প্ৰশিক্ষিত তথা অভিজ্ঞ অভিনেতা-অভিনেত্ৰীৰ সুন্দৰ অভিনয়ৰ সমান্তৰালকৈ ইয়াত একোগৰাকী নৱপ্ৰজন্মৰ অভিনেতা-অভিনেত্ৰীৰ অভিনয়ো আছিল খুবেই গ্ৰহণযোগ্য। বৰ্ষাৰাণী বিষয়া, প্ৰসেনজিৎ বৰা, ৰাজীৱ গোস্বামীৰ লগতে কমল লোচন, দেৱাশ্ৰী দাস, চিন্ময় কটকী, মহেশ বৰাৰ লগতে পৰাগ শৰ্মা আদি বিভিন্ন শিল্পীৰ অভিনয়ত মুগ্ধ হৈছে জনসাধাৰণো। সেইবাবেই হয়টো চচিয়েল মিডিয়াত একাংশ দৰ্শকে চচিয়েল মিডিয়াত এই ৱেব চিৰিজখনত অভিনীত অভিনেতা-অভিনেত্ৰী সকলৰ অভিনয়ক নিঁখুত বুলি দাবী কৰিছে। আনহাতে, এয়া সঁচাকৈ ভাল লগা কথা যে অসমীয়া মনোৰঞ্জন ক্ষেত্ৰখনত এগৰাকী পৰিচালকে আনগৰাকী পৰিচালকৰ প্ৰকল্পসমূহক গুৰুত্ব সহকাৰে উপভোগ কৰাৰ উপৰিও প্ৰকল্পটোক লৈ ধনাত্মক বাৰ্তা প্ৰেৰণ কৰাৰো চেষ্টা কৰে। সেইবাবেই হয়টো “ফিছা” ক লৈ প্ৰশংসা কৰা দেখিবলৈ পোৱা গৈছিল পৰিচালক হিমাংশু প্ৰসাদ দাসৰ লগতে অনুপম কৌশিক বৰুৱাকো। ৱেব চিৰিজখনৰ কাৰিকৰী দিশটো অৰ্থাৎ বেকগ্ৰাউণ্ড স্কৰ, সম্পাদনা আদিকো গ্ৰহণ কৰিছিল দৰ্শকে।

এই ৱেব চিৰিজখনৰ উচ্চ মানদণ্ডৰ হোৱাৰ বাবেই হয়টো পৰিচালকগৰাকীৰ ওপৰত এতিয়া দৰ্শক সমাজে বহুল আশা প্ৰকাশ কৰিছে। তেওঁলৈ ৰূপালীপৰ্দাৰ তৰফৰ পৰাও জনাইছো শুভকামনা।

নিশিৰঞ্জন কে মল্লিকাঃ দৰং জিলাত ১৫ আগষ্ট তাৰিখে জন্মগ্ৰহণ কৰা এইগৰাকী অভিনেতাক নিশ্চয় আপোনালোকেও চিনি পাইছে। অভিনয় ক্ষেত্ৰখনত সপ্তম শ্ৰেণীৰ পৰা অৰ্থাৎ প্ৰায়ে ২০০৮ চনৰ পৰাই জড়িত নিশিৰঞ্জন কে মল্লিকাক “দুটি মনৰ জোনাক” শীৰ্ষক ৰং যোগে সম্প্ৰচাৰিত জনপ্ৰিয় ধাৰাবাহিকখনৰ এক গুৰুত্বপূৰ্ণ চৰিত্ৰতো দেখিবলৈ পোৱা গৈছিল। প্ৰায়ে নাটকৰ সৈতে জড়িত নিশিৰঞ্জনে “ৰমিঅ’ ইন জেং” ত ৰূপায়ন কৰিছে মূখ্য ভূমিকা। তেওঁৰ অভিনয়ৰ অৱশ্যে অনুৰাগী হৈ উঠিছে এতিয়া বহুকেইগৰাকী দৰ্শকবৃন্দ।

কৰিশ্মা পূজাৰীঃ আন দহজন শিশুৰ দৰে কৰিশ্মা পূজাৰীকো তেওঁৰ মাতৃয়ে সৰুতেই মঞ্চত উঠাই দিছিল; তিনি বছৰ ছয় মাহ মানতেই কৰিশ্মাই পোন প্ৰথমবাৰৰ বাবে মঞ্চত বিহু নাচিছিল। তেনেকৈয়ে একক অভিনয়, আবৃত্তি, নৃত্য আদিত ভাগ লৈ লৈ ভয় আৰু ফুৰ্টিৰে এই মঞ্চখনৰ প্ৰেমত পৰিছিল কৰিশ্মা । ২০০৭ চনত প্ৰথম নাটক “ফৰিং” ৰ ৰাজ সিংহাসন লাভ আৰু কৰিশ্মাই দুৱৰীৰ চৰিত্ৰ এটা ৰূপায়ন কৰিছিল ক্লাছ ফাইভ ত পঢ়ি থাকোতে। তেতিয়াৰ পৰা আজিলেকে কৰিশ্মাই এই অভিনয় ক্ষেত্ৰখনত নিৰৱিচ্চিন্ন সাধনা কৰিছে, শিকি আছে লগতে কৰি গৈ আছে।”

দীপজ্যোতি মালিঃ নেশ্বনেল স্কুল অৱ ড্ৰামাৰ চিকিম চেন্টাৰৰ পৰা পাছ কৰি অহা দীপজ্যোতি মালি অসমলৈ অহা পিছত “ৰমিঅ’ ইন জেং” হৈছে তেওঁৰ অভিনয় কেৰিয়াৰৰ প্ৰথমটো কাম।

জিৎ বৰুৱাঃ ২০১৪/১৫ চনৰ নেশ্বনেল স্কুল অৱ ড্ৰামাৰ চিকিম চেন্টাৰৰ পৰাই ওলাই অহা জিৎ বৰুৱাই ইতিমধ্যে অসমীয়া মনোৰঞ্জন ক্ষেত্ৰখনত যথেষ্ট কাম কৰি অহাৰ লগতে তেওঁ ইতিমধ্যে দৰ্শকৰ আগত নিজৰ কামক চিনাকী কৰোৱাই দিবলৈ সক্ষম হৈছে।

উল্লেখ্য যে, আপোনালোকক এতিয়া চিৰিজখনৰ সৈতে জড়িত আন যিকেইজন অভিনেতা-অভিনেত্ৰীৰ নাম ক’ম; তেওঁলোক আটাইকেইজন হৈছে নৱাগতা প্ৰতিভা। অভিনয়ৰ দিশটোত যথেষ্ট ধাউতি থকাৰ সমান্তৰালকৈ এই মনোৰঞ্জন দিশটোত দৰ্শকক নতুন কিবা এটা দিয়াৰ স্বাৰ্থত ওলাই অহা এই সকল নৱপ্ৰজন্মৰ প্ৰতিভাক লৈয়ে পৰিচালক কল্পজ্যোতি দাসে তেওঁৰ প্ৰকল্প “ৰমিঅ’ ইন জেং” ক সফলতাৰ শিখৰলৈ লৈ গৈছিল। এনে নৱপ্ৰজন্মৰ প্ৰতিভাকেইজন হৈছে ক্ৰমে বিবেক বৰুৱা, ভাৰ্গৱ কে নাথ, ৰিকি আহমেদ, মধুস্মিতা দাস, নীলোৎপল ৰাজবংশী, ৰাহিল, ডিউক, পূজা বৰ্মণ, মৈত্ৰেয়ী বৰুৱা, বন্দনা গগৈ, মিনহাজ, মণিমুগ্ধি ৰাজখোৱা, প্ৰাঞ্জল প্ৰতিম মহন্ত, নয়ন জ্যোতি কলিতাৰ লগতে আন একাংশ প্ৰতিভা। গতিকে, নৱাগতা একাংশক কেমেৰা আগত তথা জনসাধাৰণৰ আগত চিনাকী কৰোৱাই দিয়াৰ যি উদ্দেশ্য লৈ পৰিচালক কল্পজ্যোতি দাস ওলাই আহিছিল তাত নিশ্চিতভাৱে তেওঁ সফল হৈছে বুলি একাষাৰে কৈ দিলেও হয়টো অতিৰঞ্জিত নহ’ব। তলত তেওঁলোক আটাইৰে ফটো সমূহ দি দিয়া হৈছেঃ

আকৰ্ষণীয় ছাছপেন্স ৱেব শৃংখলাটোৰ পৰিচালনা কৰিছে সংকল্পজিৎ হাজৰিকাই লগতে চিত্ৰনাট্য ৰচনা কৰিছে প্ৰণৱ বৰুৱাই। আনহাতে ইয়াৰ বেকগ্ৰাউণ্ড স্কৰৰ দায়িত্বত আছে শিৱব্ৰত শৰ্মা। “ফিছা” ৰ আন কেইবাটাও গুৰুত্বপূৰ্ণ চৰিত্ৰত অভিনয় কৰিছে ক্ৰমে কমল লোচন, দেৱাশ্ৰী দাস, চিন্ময় কটকী, মহেশ বৰা, পৰাগ শৰ্মাকে আদি কৰি বিভিন্ন গৰাকী ন-পূৰণি শিল্পীয়ে। “ফিছা” ত দেখুওৱা দৰ্শকৰ ইচ্ছাই এতিয়া ৱেব চিৰিজখনৰ পৰিচালক সংকল্পজিৎ হাজৰিকাকো উৎকন্ঠিত কৰি তুলিছে। উল্লেখ্য যে, ReelDrama ত একোখন সুন্দৰ অসমীয়া ছবিৰ লগতে দৰ্শকে উপভোগ কৰিবলৈ পাব ৱেব চিৰিজ, সংগীত, কৌতুক, কবিতা, ৰন্ধন প্ৰণালী আৰু ভক্তিমূলক অনুষ্ঠান ইত্যাদি। আনহাতে, উক্ত OTT প্লেটফৰ্মটোত শিশুসকলৰ বাবে এক নিৰ্দ্দিষ্ট শাখাও অন্তৰ্ভূক্ত কৰা হৈছে; মুঠতে, সৰ্বাংগসুন্দৰ হৈ জনসাধাৰণৰ মাজলৈ ওলাই আহিছে এই প্লেটফৰ্মটো। ৰাইজৰ মাজতো নতুন কিবা এটা উপভোগ কৰাৰ এক সুন্দৰ ইচ্ছা পৰিলক্ষিত হৈছে। সঁচাকৈ ক’বলৈ গ’লে স্তব্ধতাৰ মাজতো স্তব্ধ নোহোৱাকৈ ৰোৱা মনোৰঞ্জন ক্ষেত্ৰখনত ReelDrama হৈছে আশাৰ ৰেঙণি; য’ত দৰ্শকে লাভ কৰিছে নতুনত্ব।

ReelDrama ৰ লগতে সংকল্পজিৎ হাজৰিকাৰ দৰ্শকক কিবা এটা নতুন দিয়াৰ যি প্ৰয়াস, সেই প্ৰয়াসক বৰ্তমান প্ৰতিজন জনসাধাৰণৰ লগতে ৰূপালীপৰ্দাৰ তৰফৰ পৰাও যাঁচিছো অশেষ শুভকামনা। পৰিচালক গৰাকীৰ পৰিচালনাৰে আন একাংশ প্ৰকল্পক লৈ বৰ্তমান প্ৰস্তুত হৈছে দৰ্শক।

বৰ্তমান প্ৰেক্ষাপটৰ লগত সংগতি ৰাখি নিৰ্মিত বহুল প্ৰত্যাশিত প্ৰকল্প সমূহৰ সোঁৱাদ এই এপটোৰ জৰিয়তেই ল’ব পাৰিব দৰ্শকে। কল্পজ্যোতি দাস ৰ অসমীয়া ৱেব চিৰিজ ‘ৰমিঅ’ ইন জেং”, পশ্চিমবংগৰ চিনেমা জগতৰ জনপ্ৰিয় পৰিচালক শুভজিৎ গাঙ্গুলিৰ বঙালী ৱেব চিৰিজ নিষিদ্ধ, অসমৰ মিচিং সম্প্ৰদায়ৰ জনপ্ৰিয় পৰিচালক নাৰায়ণ শীলৰ মিচিং ছবি “লি-লেন” অসমৰ বড়ো সম্প্ৰদায়ক বহু কেইখন ছবিৰে দৰ্শকৰ মন জয় কৰিবলৈ সক্ষম হোৱা ধীৰাজ বড়োৰ ছবি “SWLW এ ৰিয়েল গেম”, অসমৰ নৱ পৰিচালক কৌশিক নাথৰ অসমীয়া হৰৰ ৱেব চিৰিজ মৃত্যদূত আৰু পঞ্জাবৰ অধিক জনপ্ৰিয় পৰিচালক গুৰপিত সিং ৰ ” হিন্দী ৱেব চিৰিজ ৰোল প্লে” এই সকলোবোৰ নতুন ৱেব চিৰিজ আৰু ছবি মুকলি কৰা হ’ব Niri9 এপটোত । ইতিমধ্যে এই এপটোৰ দ্বাৰা আয়োজিত চুটি ছবি প্ৰতিযোগিতাৰ বহু সংখ্যক চুটি ছবিৰ মাজৰ পৰা ২০ খনকৈ চুটি ছবি বাচনি কৰি উলিওৱা হৈছে; যিকেইখন অহা ২৩ এপ্ৰিলৰ পৰা ৩০ এপ্ৰিল পৰ্যন্ত গুৱাহাটী অনুৰাধা ছবিগৃহত প্ৰদৰ্শিত কৰা হ’ব।

আনহাতে, ৩০ এপ্ৰিল তাৰিখেই চুটি ছবি সমূহৰ মাজৰ পৰা পুৰষ্কাৰ পাবলগীয়া সমূহ বাচি উলিওৱা হ’ব। Niri9 ৰ এই যাত্ৰাটোক লৈ এতিয়া উৎসাহিত হৈ পৰিছে জনসাধাৰণো। তেওঁলোকক ৰূপালীপৰ্দাৰ তৰফৰ পৰা জনাইছো শুভকামনা।