পূৰণি দিনৰ পৰা আৰম্ভ কৰি বৰ্তমান নতুন সকলৰ মাজতো নিজৰ স্থিতি মজবুত কৰি ৰাখিবলৈ বিচৰা এই প্ৰযোজনা গোষ্ঠীটোৰ পৰিকল্পনা সমূহে আকৰ্ষণ কৰিছে এতিয়া সকলোকে।এওঁলোকে নৱপ্ৰজন্মক দিবলৈ বিচৰা সুবিধা কণেৰে অনাগত দিনত প্ৰতিজন শ্ৰোতা-দৰ্শকে নতুন কিছু পৰিকল্পনা উপভোগ কৰিব পৰাটো নিশ্চিত বুলি ক’লেও হয়টো বঢ়াই কোৱা নহ’ব। “উপাসনা”, “প্ৰহেলিকা”, “অভিমান”, তথা “শাৰদী পুৱা” আদি গীতসমূহ Wildwood Records ৰ অন্যতম নিবেদন বুলি ক’ব পৰা যায়। উক্ত গীতসমূহৰ ভিতৰত “উপাসনা” শীৰ্ষক গীতটিয়ে ১.২ মিলিয়নতকৈও অধিক ভিউৱাৰচ লাভ কৰিবলৈ সক্ষম হৈছে। Electronic Dance Music চমুকৈ EDM ক অসমীয়া সংগীত ক্ষেত্ৰখনত সাঙুৰ খোৱাই লোৱাৰ উদ্দেশ্যে এই প্ৰযোজনা গোষ্ঠীটোৱে অহোপুৰুষাৰ্থ কৰি আহিছে। আনহাতে উল্লেখ্য যে, এই প্ৰযোজনা গোষ্ঠীটোৱে কেৱল মাত্ৰ সংগীত সমূহক নিজ প্লেটফৰ্মৰৱমাজেৰে মুকলি কৰি দিয়া বুলিয়েই নহয় তেওঁলোকে নৱপ্ৰজন্মৰ বাবে সংগীত বিষয়ক শিক্ষা প্ৰদানৰো ব্যৱস্থা কৰিছে। বেংগালুৰুৰ পৰা ইয়াৰ কাৰ্যসম্পাদন হৈ থাকিলেও প্ৰযোজনা গোষ্ঠীটোৱে অসমক লৈ কিবা এটা কৰাৰ প্ৰয়াসত মনোনিৱেশ কৰিছে বৰ্তমান।

Wildwood Records আৰু অধিক নতুন গীত শুনিবলৈ আশাবাদী এতিয়া শ্ৰোতা সকল। প্ৰযোজনা গোষ্ঠীটোৰ সফলতা কামনাৰে জনাইছোঁ শুভকামনা

অসম তথা মুম্বাইৰ মনোৰঞ্জন ক্ষেত্ৰখনতো সমাদৰ লাভ কৰা আলিস্মিতা মনোৰঞ্জন ক্ষেত্ৰখনৰে এক জনপ্ৰিয় নাম। তেওঁৰ চচিয়েল মিডিয়াত অনুৰাগীৰ সংখ্যা দেখিলে হয়টো আপোনালোকো আচৰিত হৈ পৰিব। অসমীয়া পূৰ্ণদৈৰ্ঘ্যৰ ছবিৰ সমান্তৰালকৈ ধাৰাবাহিক লগতে মিউজিক ভিডিঅ’ৰে দৰ্শকৰ হৃদয় জিনা এইগৰাকী অভিনেত্ৰী ভ্ৰাম্যমাণ ক্ষেত্ৰখনতো দপদপাই থাকে। অনাগত দিনত, আলিস্মিতাৰ আন কেইবাটাও গুৰুত্বপূৰ্ণ প্ৰকল্পৰ উপভোগ কৰিবলৈ সক্ষম হ’ব দৰ্শক।

ইয়াৰ ভিতৰত এটা চেনেল হ’ল “Times Music Assamese”। নৱপ্ৰজন্মক সকাহ প্ৰদানৰ বাবে ওলাই আহিছে এই চেনেলটো। আমি নিজেও দেখিছোঁ যে, সংগীত ক্ষেত্ৰখনত নিতৌ ইজনৰ পিছত সিজনকৈ নতুন প্ৰতিভাৰ আৱিৰ্ভাব হৈছে। কেৱল মাত্ৰ আৱিৰ্ভাব হোৱা বুলিয়ে নহয়; তেওঁলোকৰ প্ৰতিভাসমূহো হৈছে লেখত ল’বলগীয়া। কিন্তু, কেতিয়াবা কোনো সময়ত এনে হয় যে এই প্ৰতিভাসকলে উচিত প্লেটফৰ্মৰ অভাৱত তেওঁলোক নিৰ্দ্দিষ্ট এঠাইত আহি স্তব্ধ হৈ পৰে; প্ৰতিভা থাকিও সেই প্ৰতিভাক ৰাইজৰ মাজলৈ উলিয়াই অনাত তেওঁলোক অসুবিধাৰ সন্মুখীন হয়। গতিকে, এই অসুবিধা তথা সমস্যা সমূহক খণ্ডন কৰি বিশেষকৈ নৱপ্ৰজন্মৰ কাষ চাপিছে এই প্ৰডাকচন হাউচটো। ক’ভিড সৃষ্ট পৰিৱেশৰ মাজত আৰু অধিক হতাশগ্ৰস্ত হৈ পৰিছে পৰিস্থিতিবোৰ; জীৱিকাৰ খাতিৰত একাংশ কণ্ঠশিল্পীয়ে অইন পথৰ বিচাৰ কৰি উলিয়াইছে। মনোৰঞ্জন ক্ষেত্ৰখনৰ কিছু কিছু মাধ্যমত যদিও স্তব্ধতাই বিৰাজ কৰিছে তথাপিও এনে কিছু প্ৰযোজনা গোষ্ঠীয়ে আশাৰ কিৰণ হৈ নামিছে প্ৰত্যেকৰে হৃদয়ত। পূৰণি দিনৰ পৰা আৰম্ভ কৰি বৰ্তমান নতুন সকলৰ মাজতো নিজৰ স্থিতি মজবুত কৰি ৰাখিবলৈ বিচৰা এই প্ৰযোজনা গোষ্ঠীটোৰ পৰিকল্পনা সমূহে আকৰ্ষণ কৰিছে এতিয়া সকলোক।

১ কোটি চাবচক্ৰাইবাৰৰ সৈতে সফলতা অৰ্জন কৰা এই ইউটিউব চেনেলটোৰ আগবাঢ়ি যাবলৈ অলেখ অযুত শুভকামনা জ্ঞাপন কৰিছোঁ। অনাগত দিনত, বহু ভাল গীতেৰে যাতে শ্ৰোতাক মনোৰঞ্জন প্ৰদান কৰিব পাৰে তাৰেই আশা ৰাখিছোঁ।

নিজৰ একক চেষ্টাৰে নৱপ্ৰজন্মক লৈ কাম কৰাৰ বহুল ইচ্ছা থকা কল্পজ্যোতি দাসে শেহতীয়াকৈ ইউটিউবত মুকলি কৰিছে তেওঁৰ এই Movie Mafia নামে চেনেলটো। চমুকৈ যদি ক’বলৈ যাওঁ তেতিয়াহ’লে Movie Mafia হৈছে ইউটিউবৰ এনে এক প্লেটফৰ্ম যাৰ দ্বাৰা পৰিচালক কল্পজ্যোতি দাসৰ লগতে আন একাংশ নৱপ্ৰজন্মই নিজৰ প্ৰতিভা অথবা নিজ নিজ ক’বলগীয়া কিছু কথা দৰ্শকৰ মাজলৈ লৈ যাব। ইউটিউবত উপলদ্ধ হোৱা এই চেনেলটোত থাকিব কেইবাখনো উপভোগ্য চিৰিজ; যাৰ নিৰ্মাণত বৰ্তমান ব্যস্ত হৈ আছে উক্ত পৰিচালক গৰাকী। আনহাতে, শেহতীয়াকৈ চেনেলটোত মুক্তিপাবলগীয়া এখন চিৰিজ “ৰমিঅ’ ইন জেং” ৰ ট্ৰেইলাৰটোক মুকলি কৰি দিয়া হৈছে। থ্ৰীলাৰ, ৰোমান্টিক তথা কমেডী আদি বিভিন্ন কাহিনী অন্তৰ্ভূক্ত এই চিৰিজ সমূহক লৈয়ে পৰিচালক কল্পজ্যোতি দাসৰ সৰু আশা।

প্ৰতিভাৰ ওপৰত গুৰুত্ব দি নৱপ্ৰজন্মক আগবঢ়াই লৈ যোৱাৰ প্ৰতিও গুৰুত্ব দিয়া হ’ব এই চেনেলটোত। পৰিচালক কল্পজ্যোতি দাসৰ এই পৰিকল্পনাটোত তেওঁক সহায় কৰিছে ক্ৰমে ৰূপাংকৰ দাস, নিশিৰঞ্জন কে মল্লিকা, মধুস্মিতা দাস, প্ৰাঞ্জল দাস, অনুজ পৰশ, হৰগোবিন্দ মহন্তই। চিৰিজখনৰ চিত্ৰগ্ৰহণ কৰিছে নগেন বৈশ্যই।

১৯৮৮ চনত জন্মগ্ৰহণ কৰা পদ্মনাভে কেৱল মাত্ৰ অসমীয়াই নহয়; তেওঁ কন্ঠদান কৰিছিল হিন্দী বাংলা তথা মাৰাঠী ভাষাৰ গীতটো। হিন্দুস্তানী ক্লাচিকেল ও পাশ্চাত্য সংগীতৰ প্ৰশিক্ষণ প্ৰাপ্ত পদ্মনাভ বৰদলৈ হৈছে প্ৰথম গৰাকী অসমীয়া; যিয়ে ৰাষ্ট্ৰীয় ক্ষেত্ৰত অনুষ্ঠিত ৰিয়েলিটী শ্ব’ “ইণ্ডিয়ান আইডল” ত ফাইনেলিষ্ট হোৱাৰ লগতে পিছলৈ জি.ভি “সা ৰে গা মা পা” ত অংশগ্ৰহণ কৰি তেওঁ সেই সংগীত ৰিয়েলিটী শ্ব’টোৰো ফাইনেলিষ্ট হৈ পৰে। পদ্মনাভ বৰদলৈ কন্ঠদান কৰা প্ৰথমটো হিন্দী গীত “তেৰী জ্যে বাতে হে” ৰ বাবে তেওঁ গ্লোবেল ইণ্ডিয়ান মিউজিক একাডেমী বঁটাৰ “নন ফিল্ম” শাখাত মনোনয়ন লাভ কৰে। পদ্মনাভ বৰদলৈৰ প্ৰথম একক এলবাম হৈছে “ধ্বনি”; ইয়াৰ পিছতেই তেওঁ এজন গীতিকাৰ আৰু সংগীত পৰিচালক ৰূপে আত্মপ্ৰকাশ কৰে। গতিকে, পদ্মনাভৰ কথাই উক্ত শ্ব’টোৰ ক্ষেত্ৰত অনুৰাগীৰ শাৰীও দীঘলীয়া কৰি তুলিছে।

আহিবলগীয়া সময়ত “পদ্মনাভৰ কোঠাত কথা” ই আৰু কেনে ধৰণে জনসাধাৰণৰ কাষ চাপিবলৈ সক্ষম হ’ব সেয়া হ’ব লক্ষণীয়। এই শ্ব’টোক লৈ ৰূপালীপৰ্দাৰ তৰফৰ পৰা জনাইছো অশেষ শুভকামনা।

সম্প্ৰতি সময়ছোৱাত অকণমান হাঁহিৰ অৱকাশ দিয়াটো অত্যন্ত কঠিন হৈ পৰিছে কিন্তু তেনে সময়তে একাংশ নৱপ্ৰজন্মৰ প্ৰচেষ্টাই জনসাধৰাণক দিয়া এনে কিছু বিৰতি মন কৰিবলগীয়া। ইউটিউব চেনেলসমূহৰ ভিতৰত জনপ্ৰিয় ইউটিউব চেনেল হৈছে Zeroth Drama।অন্বেষা মহন্ত, বেদব্ৰত বৰা আৰু অৰ্পিতা শৰ্মাৰ প্ৰচেষ্টাৰে নিৰ্মাণ হৈ থকা ভিডিঅ’ সমূহত জনসাধাৰণৰ লাইকৰ সংখ্যাও সৰ্বাধিক। শেহতীয়াকৈ মুক্তিপ্ৰাপ্ত ভিডিঅ’টোতো উক্ত তিনিওগৰাকী যুৱক-যুৱতীৰ প্ৰতিভাৰ নিদৰ্শন দেখিবলৈ পোৱা গৈছিল। ভিডিঅ’টোৰ দৃশ্যগ্ৰহণৰ লগতে ইয়াৰ সম্পাদনা মাধুৰ্য্য বৰাৰ।

মাত্ৰ কেইটামান মিনিটৰ ভিতৰত জনসাধাৰণক বহুল মনোৰঞ্জন প্ৰদান কৰা Zeroth Drama ৰ প্ৰতিটো ভিডিঅ’ ৰ বাবে বৰ্তমান অপেক্ষাৰত প্ৰতিজন দৰ্শক।

যোৱা ৫ অক্টোবৰ তাৰিখৰ পৰাই ৱেব চিৰিজখনৰ মুক্তিৰ প্ৰক্ৰিয়া আৰম্ভ কৰা হৈছে । ইয়াৰ প্ৰতিটো খণ্ডৰ বাবে অভিনেতা-অভিনেত্ৰীৰ উপৰিও কাহিনীৰ সাল- সলনি হ’ব; প্ৰতিটো খণ্ডতেই জনসাধাৰণে উপভোগ কৰিবলৈ পাব নতুনত্ব।প্ৰথমটো খণ্ডৰ নাম হৈছে “Paused”; য’ত অভিনয় কৰিছে দীপজ্যোতি মহন্ত আৰু নীলাক্ষী ডেকাই। আনহাতে উক্ত খণ্ডটোৰ পৰিচালনা আৰু সম্পাদনা অনুপ্ৰাস দাসৰ আৰু লিখিছে পাৰ্থ গোস্বামীয়ে। দৃশ্যগ্ৰহণৰ দায়িত্বত আছে অনুপ্ৰাস দাস আৰু জগদীশ দাস। নতুন নতুন প্ৰকল্পৰ সৈতে এতিয়াৰ নৱপ্ৰজন্মৰ এনে সৃষ্টিক আমি নুই কৰিব নোৱাৰো। মনোৰঞ্জন জগত খনত অন্তৰ্ভূক্ত হ’বলৈ একাংশ নৱপ্ৰজন্মই ইজনে আনজনক কৰা প্ৰয়াসো মন কৰিবলগীয়া।

কালি মুক্তি লাভ কৰা এই খণ্ডটোৰ পিছতেই আগন্তুক প্ৰতিটো খণ্ডৰ বাবেই অপেক্ষাৰত হৈ পৰিছে অসমীয়া দৰ্শকো। মনোৰঞ্জন ক্ষেত্ৰখনৰ প্ৰত্যেকটা মাধ্যমত অংকিত কৰি লোৱা নৱপ্ৰজন্মৰ নামে সঁচাকৈ উৎসাহিত কৰিছে সকলোকে। আনহাতে, Youthz Korner ৰ তৰফৰ পৰা কৰা এই নতুন প্ৰচেষ্টাটোকো ৰূপালীপৰ্দাৰ ফালৰ পৰা জনাইছো শুভকামনা।

উক্ত ইউটিউব চেনেলটোৰ স্বত্বাধিকাৰী ক্ৰমে নিপু আহমেদ, ৰূপজ্যােতি মহন্ত, হৃষীকেশ শৰ্মা আৰু ধৃতিমানে চেনেলটোৰ যোগেৰে লাইভ আহি মুঠ ২২ হাজাৰ ৩৭০ টকা গোটাবলৈ সক্ষম হয় আৰু তেওঁলোকৰ ফালৰ পৰা ৭ হাজাৰ ৬৩০ টকা যোগ কৰি মুঠ ৩০ হাজাৰ টকাৰ সাহাৰ্য্য আগবঢ়াবলৈ সাজু হৈছে বৰ্তমান “Team Olacrazy”। এই কমেডী চেনেলটোৱে দীৰ্ঘদিনৰ পৰাই বিভিন্ন কমেডী ভিডিঅ’ শ্বেয়াৰ কৰি জনসাধাৰণক হহুঁৱাই ৰাখিছিল। সমাজৰ কিছু তথাকথিত নিয়ম-নীতি আদিকো হাস্যৰসিক ভাৱে প্ৰস্তুত কৰি এওঁলোকে উপস্থাপন কৰে জনসাধাৰণৰ সমুখত। বৰ্তমান সময়ৰ বাবে ই অৱশ্যে এক ভাল কথা।

কিয়নো, সচেতন সৰ্বসাধাৰণ ৰাইজৰ লগতে অসমীয়া শিল্পী আৰু বিভিন্ন জনপ্ৰিয় ইউটিউবাৰৰ এনে প্ৰচেষ্টাই বানপীড়িত সকলৰ কিছু পৰিমাণে হ’লেও দুখ, কষ্ট আদিবোৰ লাঘৱ কৰিবলৈ সক্ষম হৈছে। জনসাধাৰণে তেওঁলোকক যঁচা মৰমবোৰক যেন তেওঁলোকেও শ্ৰদ্ধাৰে সাৱটি তাৰ প্ৰতিদান দিছে।

প্ৰশ্নঃ আপুনি ইউটিউব ক্ষেত্ৰখনত কেতিয়াৰ পৰা অন্তৰ্ভূক্ত হৈছিল??

ডিম্পু বৰুৱাঃ ভাৰতত যেতিয়া জিঅ’ চিম আহিছিল অৰ্থাৎ দুই-আঢ়ৈ বছৰ মানৰ পৰাই মই ইউটিউব ক্ষেত্ৰখনৰ সৈতে জড়িত। মই জিঅ’ চিম লোৱা পিছত প্ৰায়ে ইউটিউবৰ ভিডিঅ’ বোৰ চাব লৈছিলো; চাই ভাবিছিলো যে যদি মই চাব পাৰো, বনাবও পাৰো। তেনেকৈয়ে মই প্ৰথমটো ইউটিউব ভিডিঅ’ বনালো নলবাৰীৰ চৰকাৰী স্কুলৰ ওপৰত; তাৰ পিছত নলবাৰীৰ ওপৰত। আৰু, তেনেকৈয়ে মই আৰম্ভ কৰিছিলো ইউটিউব ভিডিঅ’বোৰ বনোৱা…

প্ৰশ্নঃ বহুতে উপলুঙা কৰে আনহাতে আপোনাক বহুতে প্ৰশংসাও কৰে। এই দুইটা বস্তুক আপুনি কেনেদৰে গ্ৰহণ কৰে?

ডিম্পু বৰুৱাঃ ইয়াত আৰু কি ক’ম! আৰম্ভণিৰে পৰা মোক বহুতে সমালোচনা কৰিছে লগতে ভালকৈও কৈছে। গতিকে যিখিনিয়ে মোক সমালোচনা কৰিছে; তাক মই চাবলৈ চেষ্টা কৰো যে কোনে কি কৈছে? যদি শুদ্ধ কাৰণত মোক সমালোচনা কৰা হৈছে তেতিয়াহ’লে দ্বিতীয়বাৰলৈ মই তাক শুধৰাবলৈ চেষ্টা কৰো; যেনে ধৰক মোৰ ভাষাটোক লৈ সকলোৱে কয়; মই নলবাৰীয়া ভাষাটোক লৈ ভিডিঅ’ বনাও কাৰণে। এই ভাষাটোক বা এই যিটো মোৰ কথা কোৱা ষ্টাইল সেইটো মই সৰুৰ পৰাই গ্ৰহণ কৰিছো গতিকে ইয়াক তৎক্ষণাত মই সলনি কৰিব নোৱাৰো যদিও প্ৰয়াস কৰো যাতে ইয়াক অলপ হ’লেও ঠিক কৰিব পাৰো। আনহাতে, কিছুমানেটো এনেই সমালোচনা কৰে; ভাল ক’লেও কৰে, বেয়া ক’লেও কৰে আৰু এইবোৰক মই বৰ বেছি প্ৰাধান্য নিদিওঁ। বাকী, যিমানখিনি লোকে মোৰ প্ৰশংসা কৰে তেওঁলোকক সঁচাকৈ ধন্যবাদ জনাইছো।

প্ৰশ্নঃ আপোনাক দেখিয়েই আন বহুজনে বৰ্তমান ইউটিউবক নিজৰ পেছা হিচাপে গ্ৰহণ কৰিছে; এইক্ষেত্ৰত আপোনাৰ কিবা পৰামৰ্শ??

ডিম্পু বৰুৱাঃ ইউটিউব পেছা! আচলতে, কেৱল মাত্ৰ ইউটিউবকে পেছা হিচাপে গ্ৰহণ কৰাটো ভাল নহয়; মানে ধৰক আজি যেনেকৈ টিক-টক বন্ধ হৈ গ’ল। ঠিক তেনেকৈ যদি ইউটিউবো বন্ধ হয়? গুগলৰ বস্তু হয় ইউটিউব; ই তৎক্ষণাত বাৰু বন্ধ নহয় তথাপিও কোনে জানে পিছলৈ কি হ’ব! ইউটিউব বন্ধ নহয় যদি আপোনাৰ চেনেলটো বন্ধ হয় যায় তেতিয়াহ’লে কি হ’ব! গতিকে মোৰ মতে “ইউটিউব” ক কেতিয়াও পেছা হিচাপে ল’ব নালাগে, ই ইচ্ছাটেই থকা ভাল। কিন্তু, ইউটিউবটোক আন এটা ধৰণেও ল’ব পাৰে যে আপুনি এতিয়া গান গায় আৰু গানৰ ভিডিঅ’বোৰ আপুনি ইউটিউবত আপলোড কৰে। এতিয়া আপুনি এগৰাকী প্ৰফেচনেল গায়ক/গায়িকা ৰূপেটো কাম কৰেই লগতে ইউটিউবটোকো এটা মাত্ৰ প্লেটফৰ্ম হিচাপে গ্ৰহণ কৰি জনসাধাৰণৰ মাজলৈ অহাৰ প্ৰয়াস কৰিছে। ইউটিউবক এটা মাধ্যম হিচাপে গ্ৰহণ কৰাটো ভাল কিন্তু কেৱল ইউটিউবেই হ’লে পিছলৈ ই অসুবিধাৰো সৃষ্টি কৰিব পাৰে।

প্ৰশ্নঃ আগন্তুক সময়ত ইউটিউব ক্ষেত্ৰখনক লৈ কৰা আন কিবা প্ৰচেষ্টা??

ডিম্পু বৰুৱাঃ প্ৰচেষ্টাটো চলাই গৈ আছো কিন্তু ইয়াৰ উত্তৰ একাষাৰে দি দিয়াটো কঠিন হ’ব; কিয়নো মনলৈ কেতিয়া কি আহে ঠিক নাই। কিছুদিন পূৰ্বে যেনেকৈ মই ইউটিউবত এটা প্ৰচেষ্টা হাতত ল’লো যে লাইভ আহি কিছু সাহাৰ্য্য মই পালো আৰু এইখিনিৰে মই বানপীড়িত সকলক সহায় আগবঢ়ালো। সময় আগবঢ়াৰ লগে লগে এনেধৰণৰ কিছু নতুন নতুন চিন্তালৈ আগবঢ়াৰ চেষ্টা কৰিছো। মই মানুহজনে ফুৰি বৰ ভাল পাওঁ, মোৰ এটা চেষ্টা সদায় থাকিব যে মই বহু ঠাই ফুৰি সেই ঠাইখিনিৰ প্ৰতি কিছু জ্ঞান আহৰণ কৰি যাতে ৰাইজৰ মাজলৈ আগবঢ়াব পাৰো।

প্ৰশ্নঃ কিছুদিন পূৰ্বে টিক-টক আৰু ইউটিউবৰ মাজত এখন শীতল যুদ্ধ হৈছিল; এতিয়া টিক-টক বন্ধ হ’ল বাৰু। চৰকাৰৰ এনে পদক্ষেপক লৈ আপুনি কি ক’ব??

ডিম্পু বৰুৱাঃ মই ইতিমধ্যে এই বিষয়টোক লৈ বহুকেইটা ভিডিঅ’ বনাইছো। আচলতে, “টিক-টক” ৰ দৰে এনে কিছুমান এপ; যিয়ে চেকেণ্ডৰ ভিতৰত মনোৰঞ্জনৰ প্ৰদানৰ চেষ্টা কৰে। এই এপবোৰে মানুহৰ মন-মগজু বোৰ আগ্ৰাসনত লয় আৰু এটা দীঘলীয়া বস্তু চাবলৈ তেতিয়া আমি আমনি পাওঁ। মই এই চিষ্টেমটো বৰ ভাল নাপাওঁ, তাৰ লগতে ই এটা চাইনীজ এপ; চীনে আমাৰ ডাটাবোৰ পাই আছে। গতিকে ভালেই হ’ল, কিন্তু এনে কিছুমান এপ নিজ প্ৰতিভা প্ৰদৰ্শনৰো এটা মাধ্যম; যদিহে ইয়াৰ কেৱল ভাল গুণটো লোৱা হয় তেতিয়া ই ভালকৈয়ে কাম কৰে।

… ধন্যবাদ ডিম্পু বৰুৱা। আপোনাৰ এই কথাবোৰে নিশ্চয় আন বহুতকো সহায় কৰিব।

ডিম্পু বৰুৱাঃ ধন্যবাদ ৰূপালীপৰ্দালৈও।

ৰাজকুমাৰ ঠাকুৰীয়াৰ এনে প্ৰচেষ্টাক লৈ বৰ্তমান তেওঁক প্ৰশংসা কৰিছে এতিয়া বিভিন্ন জন জনসাধাৰণৰ লগতে অসমীয়া শিল্পীয়েও। নীলোৎপল বৰাই তেওঁৰ ফেচবুক একাউন্টৰ দ্বাৰা ৰাজকুমাৰ ঠাকুৰীয়াক প্ৰশংসা কৰাৰ লগতে ৰাইজে তেওঁক কৰা উপলুঙাৰ বাবে নীলোৎপল বৰাই সকলোৰে ওপৰত ক্ষোভো প্ৰকাশ কৰে।

এগৰাকী পেঞ্চনাৰ হোৱাৰ পিছতো ৰাজকুমাৰ ঠাকুৰীয়াৰ এনে মহানুভৱতা সঁচাকৈ প্ৰশংসাৰ যোগ্য। অসমীয়া-হিন্দী-ইংৰাজী ভাষাৰ সানমিহলিৰে নিৰ্মাণ কৰা গীতসমূহক লৈ তেওঁক প্ৰায়ে সকলোৱে জোকায়; তেওঁৰ নামটোও যদি কেতিয়াবা কোনোৱে লয় তাকো উপলুঙা কৰিবলৈহে। মিৰ্জাত জন্মগ্ৰহণ কৰা ৰাজকুমাৰে অসমীয়া সংস্কৃতিৰ প্ৰতি থকা ভালপোৱাৰ বাবে চাকৰিৰ পৰা অৱসৰ লৈ গীত-মাতত নিম্মজিত হৈ পৰে।