গীতটিত কথা দিছে প্ৰশান্ত দাসে, বহুসংখ্যক অসমীয়া জনপ্ৰিয় গীতৰ সৈতে জড়িত প্ৰশান্ত দাসৰ এই গীতটিতো অংকুৰিত হৈছে সফলতা। আনহাতে, গীতটিত সুৰ কৰিছে নৱপ্ৰজন্মৰ মাজত শেহতীয়াকৈ বহুল হাৰত জনপ্ৰিয় হৈ উঠা বিকি কলিতাই। গীতটিৰ শব্দ-সংমিশ্ৰণ কৰিছে পিংকু দাসে, আনহাতে গীতটিৰ ভিডিঅ’ পৰিচালনা, দৃশ্যগ্ৰহণ তথা সম্পাদনা অপুৰাজ গগৈৰ। নৱপ্ৰজন্মৰ প্ৰতিভাসম্পন্ন পৰিচালক অপুৰাজ গগৈয়ে বৰ্তমানলৈকে সংগীতক্ষেত্ৰখনক কেইবাটাও জনপ্ৰিয় আৰু সমাদৃত গীতৰ উপহাৰ দিছে। গীতটিৰ ভিডিঅ’ত প্ৰথমবাৰৰ বাবে এটি নতুন যুটিক দেখিবলৈ পোৱা গৈছে, নিৰূপম শইকীয়া আৰু ৰিচা চেত্ৰীৰ এই যুটিটোক সঁহাৰি জনাইছে প্ৰতিজন জনসাধাৰণে। দেশত হোৱা বিভীষিকাময় পৰিস্থিতিয়ে আচলতে প্ৰায় প্ৰতিজন ব্যক্তিৰ পৰাই কিবা নহয় কিবা এটা বস্তুক কাঢ়ি নিছে। প্ৰাপ্তিৰ ঠাইডোখৰৰ তুলনাত অপ্ৰাপ্তিৰ ৰেখা ক্ৰমশ বাঢ়ি আকাশলংঘী হৈছে। মনোৰঞ্জন ক্ষেত্ৰখনৰ পৰাও এনে বহু শিল্পী আঁতৰি গৈছে যি বৰ্তমানেও সাধাৰণজনৰ কল্পনাৰো অগোচৰ। কিন্তু, চলিত বৰ্ষটোত সাধাৰণজনে বহু প্ৰতিভাক ওলাই অহাও দেখিবলৈ পাইছে। সেয়া চুটি ছবিৰ ক্ষেত্ৰতেই হওঁক অথবা সংগীত ক্ষেত্ৰখনতেই হওঁক; নৱপ্ৰজন্মৰ প্ৰতিভাই বৰ্তমান সকলোকে আপ্লুত কৰিছে। “লক-ডাউন” য়ে প্ৰতিজন ব্যক্তিৰ জীৱনত যিমানেই সন্ত্ৰাসৰ সৃষ্টি নকৰক কিয়; ই কেতিয়াও সৃষ্টিৰ ক্ষেত্ৰত বাধা হ’ব নোৱাৰে।

এনেদৰে মুক্তিপ্ৰাপ্ত গীতসমূহে আমাক হাঁহিৰ অৱকাশ দিয়ে। ‘তোমাকে ৰাখো বুকুতে’ শীৰ্ষক গীতটিৰ সৈতে জড়িত প্ৰতিগৰাকী শিল্পী, কলা-কুশলীক ৰূপালীপৰ্দাৰ তৰফৰ পৰা জনাইছোঁ অশেষ শুভকামনা।

গীতটি হিতেশ দেউৰী প্ৰডাকচন বেনাৰত মুক্তি লাভ কৰিছে। ইয়াৰ পূৰ্বেও হিতেশ দেউৰী প্ৰডাকচনৰ বেনাৰত বাবন বৰ্ণিলৰ সংগীত আৰু বিদ্যুৎ বিকাশৰ সুৰেৰে নীল আকাশৰ কণ্ঠৰ “নীলিম হাঁহি” গীতটিয়ে সমাদৰ লাভ কৰিছিল। অনাগত দিনত উক্ত প্ৰডাকচন হাউচৰ বেনাৰত বহুটো কাম অহাৰ লগতে নতুন প্ৰতিভাক সুযোগত আগ-ভাগ লৈছে হাউচটোৱে। এই সংগীত ক্ষেত্ৰখনলৈ বৰ্তমান বহুত ন-ন শিল্পী, কলা-কুশলী আগবাঢ়ি আহিছে; ইয়াত একাংশৰ সৃষ্টিও হৈছে লেখত ল’বলগীয়া। আনহাতে, এনে সুন্দৰ কথাৰ সৈতে যেতিয়া শ্ৰোতাই এটা হৃদয়স্পৰ্শী কন্ঠক শুনিবলৈ পায় তেতিয়াই আচলতে এটি গীত সফলতাৰ শাৰীত খোজ দিয়ে। শেহতীয়াকৈ ওপৰত উল্লেখ কৰা প্ৰতিভা কেইগৰাকীৰ প্ৰচেষ্টাৰে মুক্তি লাভ কৰিছিল এটি নতুন গীত “চালে চকুলে”। গীতটিত দ্বৈতভাৱে কণ্ঠদান কৰিছে বিকি কলিতা আৰু বাবন বৰ্ণিলে। আনহাতে, ইয়াত কথা প্ৰশান্ত দাসৰ আৰু সুৰ কৰিছে বিকি কলিতাই নিজেই। ইয়াৰ লগতে, গীতটিত সংগীত কৰিছে নৱপ্ৰজন্মৰ আন এগৰাকী প্ৰতিভাবান হৰ্ষৰাজ পাঠকে। সাংস্কৃতিক ক্ষেত্ৰখনত যেতিয়া একোজন নৱপ্ৰজন্মই নিজৰ সৰ্বস্ব দি আগবাঢ়ি যোৱাৰ চেষ্টা কৰে তেতিয়া তাতকৈ অধিক ভাল লগা বিষয় আৰু কি হ’ব পাৰে! আমি সকলোৱে বৰ্তমান প্ৰজন্মৰ কৰ্মত সেই কিবা এটা কৰাৰ অযুত ইচ্ছা দেখিবলৈ পাইছো। অইন পেছাৰ তুলনাত যেন সংগীত সাধনাই তেওঁলোকৰ জীৱনৰ একমাত্ৰ ধৰ্ম; ঠিক তেনে এক ভাৱনাৰে উঠি অহা বহু কন্ঠশিল্পীৰ গীত আমি ইতিমধ্যে শুনিছো। সংগীত বোলা এই শব্দটোৰ অৰ্থ বুজাৰ পূৰ্বেই এনে নৱপ্ৰজন্মই ইয়াৰ প্ৰতি নিজক উচৰ্গা কৰিবলৈ বিচাৰে, শ্ৰদ্ধা কৰে।

“চালে চকুলে” শীৰ্ষক এই গীতটিৰ সফলতা কামনাৰ লগতে গীতটিৰ সৈতে জড়িত প্ৰতিজন কলা-কুশলীলৈ ৰূপালীপৰ্দাৰ তৰফৰ পৰা শুভকামনা জনাইছোঁ।

আনহাতে, গীতটিত কণ্ঠদান কৰাৰ লগতে সংগীত কৰিছে আন এগৰাকী জনপ্ৰিয় কণ্ঠশিল্পী বাবন বৰ্ণিলে। কণ্ঠদান কৰাৰ উপৰিও সুৰ-সংগীতেৰে গীতসমূহক শ্ৰোতা-দৰ্শকৰ মাজত সুন্দৰকৈ তুলি ধৰাৰ ক্ষেত্ৰত বাবন বৰ্ণিলৰ চেষ্টা উল্লেখনীয়। ইয়াৰ লগতে, গীতটিত কথা দিছে নৱপ্ৰজন্মৰ আন এগৰাকী প্ৰতিভা প্ৰশান্ত দাসে। ২০১৭ চনৰ সংগীত ক্ষেত্ৰখনৰ সৈতে জড়িত প্ৰশান্ত দাসৰ কথাৰে নিৰ্মিত একোটা গীতত ৰাইজৰ সঁহাৰি আমি নুই কৰিব নোৱাৰোঁ। আপোনাক আমি উদাহৰণ দিবলৈ হ’লে মুখৰ ওচৰতে থকা গীত “আছোঁ থাকিম তোমাৰ স’তে” ৰ উদাহৰণ দিব পাৰোঁ। গীতটি ক্ষন্তেকতে নৱপ্ৰজন্মৰ মাজত ভাইৰেল হৈ পৰিছিল। আনহাতে, গীতটিত সুৰ কৰিছে বিকি কলিতা। এগৰাকী কণ্ঠশিল্পী ৰূপে উক্ত গীতটিৰ পৰাই সংগীত ক্ষেত্ৰখনত ভাইৰেল হৈ পৰা বিকি কলিতাৰ চৰ্চা এতিয়া ঠাইয়ে ঠাইয়ে। তেওঁ কিছুদিন পূৰ্বে নিজ ব্যক্তিগত ইউটিউব চেনেলটোৰ বাবদ লাভ কৰিছিল ইউটিউব চিলভাৰ বুটাম। বাবন বৰ্ণিল তথা দীপলিনা ডেকাৰ সৈতে নৱপ্ৰজন্মৰ আন আন প্ৰতিভা সমূহ জড়িত হৈ থকাৰ বাবে “তোমাকে ৰাখিলোঁ বুকুতে” শীৰ্ষক গীতটি জনসাধাৰণৰ ওচৰত আৰু অধিক সমাদৰ লাভ কৰিবলৈ সক্ষম হৈছে বুলি ক’লেও হয়টো অতিৰঞ্জিত নহ’ব।

সদ্যমুক্তিপ্ৰাপ্ত গীতটিত জনসাধাৰণৰ আৰু অধিক সঁহাৰিৰ আশা কৰিছে ৰূপালীপৰ্দাই। ইয়াত লগতে, গীতটিৰ সৈতে জড়িত প্ৰতিজন কলা-কুশলীকে পেজটিৰ তৰফৰ পৰা মই ৰীমা দত্তই জনাইছোঁ অশেষ শুভকামনা।

পল্লৱ চাংঘৰঃ প্ৰথম কথা, ক’ৰোণাৰ ভয়াৱহতা আমি নুই কৰিব নোৱাৰোঁ; বিহু বুলিলেই আমাৰ মনবোৰ সুকীয়া অনুভৱেৰে ভৰি পৰে। গীত-মাত, নাচ-গানৰ লগত আমি বিলীন হৈ যাওঁ । যিহেতু বিগত বৰ্ষত আমি বিহু পালন কৰিব নোৱাৰিলোঁ, গতিকে তাৰ ফলস্বৰূপে অসমৰ বহু কন্ঠশিল্পী বিহু অনুষ্ঠান কৰাৰ পৰা বিৰত থাকিব লগা হ’ল । এই ভয়াৱহতাৰ কাৰণে এইবাৰো অসমৰ বিভিন্ন ঠাইত বিহু অনুষ্ঠান সমূহ পাতিবলৈ সাহস কৰিব পৰা নাই। অসমৰ বহু কন্ঠশিল্পী বিহুৰ অনুষ্ঠান পৰিৱেশন কৰি ৰাইজক আমোদ দিয়াৰ লগতে নিজৰ পৰিয়াল চলাই আহিছে; কিন্তু ক’ৰোণাৰ দ্বিতীয় ঢৌ আৰম্ভ হোৱাৰ পৰা সকলো শংকিত হৈ পৰিছে; বিভিন্ন ঠাইৰ লোক সংস্কৃতিৰ লগত জড়িত শিল্পী সকলৰ যি আগৰ উৎসাহ সেইখিনি প্ৰায়ে কমি অহা দেখিবলৈ পাইছোঁ । শিল্পী সকলে বিহুৰ পৰিৱেশৰ কাৰণে আখৰা আৰম্ভ কৰিছিল । কিন্তু, বৰ্তমান পৰিস্থিতিৰ বাবে তেওঁলোকেমনত বাৰুকৈ আঘাত পাইছে। আগৰ ষ্ফুৰ্তি , বিহুৰ আমেজ , এইখিনি কমি অহা দেখিবলৈ পাইছোঁ ।

বিকি কলিতাঃ বৰ চিন্তনীয় বিষয় হৈ উঠিছে; এনেয়ে যোৱাবছৰ যিটো ক্ষতি শিল্পী সকলৰ হ’ল সেয়া বৰ দুখ লগা কথা। তথাপিও, সকলো পাহৰি বিহুখন হ’ব বুলিয়ে অলপ সন্তুষ্টি লাভ কৰিছিল কিন্তু এতিয়া আকৌ ক’ৰোণাৰ উত্থানে শিল্পী সমাজক জুৰুলা কৰি তুলিব। শুনিবলৈ পাইছোঁ ভালে সংখ্যক কণ্ঠশিল্পীৰ ঠিক হৈ থকা অনুষ্ঠানসমূহ বাতিল হ’বলৈ ধৰিছে। এনেকৈ হ’লে কণ্ঠশিল্পী বুলিয়ে নহয় বাদ্যযন্ত্ৰী , কলা-কুশলী সকলো বৰ বিপাঙত পৰিব।

বাবন বৰ্ণিলঃ নিশ্চয়কৈ আকৌ এবাৰ ক’ৰোণাই গা কৰি উঠাৰ ফলত শিল্পী সমাজ পুনৰ এবাৰ শংকিত হৈ উঠিছে। বিগত বৰ্ষত কোনো এখন অনুষ্ঠান হোৱা নাছিল; গতিকে চলিত বৰ্ষত নহ’লে বৰ ডাঙৰ সমস্যা হ’ব বুলিয়ে মই ভাবো। তথাপিও, ক’ৰোণাৰ প্ৰতি লক্ষ্য ৰাখি সজাগ সচেতনতাৰে চৰকাৰী নিয়ম খিনি মানি অনুষ্ঠান বোৰ কৰি যাব লাগিব; আৰু যেতিয়ালৈ অনুষ্ঠান কৰিব পৰা বিধৰ অৱস্থা থাকে তেতিয়ালৈ আমি কৰি যাম। যিহেতু, দেহা থাকিলেহে বেহা। এই বেমাৰটোৰ প্ৰভাৱ বেছি হ’লে বাৰুকৈয়ে বিষয়টো চিন্তনীয় হ’ব।

নিহাৰ কাশ্যপঃ লোকগীত বাদ্যবাদক আৰু সাধাৰণ শিল্পী সমাজৰ বাবে এয়া বৰ বেয়া সময়। লোকবাদ্য বাদক বোৰৰ প্ৰসংগ মই এইটো বাবেই আনিছো কিয়নো এই সময়ছোৱাত লোকবাদ্য বাদক বোৰে এইখিনি সময়তে কিছুপৰিমাণে হ’লেও নিজক আৰ্থিকভাৱে উন্নত কৰি তোলে গতিকে এয়া ক’ৰোণা কালছোৱা তেওঁলোকৰ বাবেই প্ৰত্যাহ্বানমূলক।

অঞ্জন ফুকনঃ এচাম কণ্ঠশিল্পী মানসিকভাৱে ভাগি পৰিব। কিয়নো বহুতৰে বাবে সংগীতেই হৈছে তেওঁলোকৰ উপাৰ্জনৰ পথ। যোৱা বছৰৰ দৰে এইবাৰো তেনে পৰিস্থিতি নহওঁক তাৰে আশা কৰিছোঁ।

… উক্ত প্ৰতিজন কন্ঠশিল্পীয়ে বৰ্তমান সজাগ-সচেতনতাৰে ক’ৰোণাক নাশ কৰিবলৈ চেষ্টা অব্যাহত ৰাখিছে যদিও তেওঁলোক কোনোবাখিনিত হতাশ হৈ ৰোৱাও পৰিলক্ষিত হৈছে। আগন্তুক কালছোৱাত পৰিস্থিতি বোৰ সাম কটাৰ আশাৰে ৰূপালীপৰ্দাৰ তৰফৰ পৰা আটাইলৈ জনাইছো শুভকামনা।

এইখিনিতে, এটা কথা ক’বই লাগিব যে; অৰূপজ্যোতি বৰুৱাৰ কন্ঠ তথা প্ৰতিটো গীতৰ সৃষ্টিত আছে নতুনত্ব। তেওঁৰ প্ৰতিটো গীতত এনে এক বিশেষ গুণ দেখা যায় যাৰ দ্বাৰা তেওঁ আকৰ্ষণ কৰিবলৈ সক্ষম হয় অনুৰাগীক। গীতটিত সংগীত বাবন বৰ্ণিলৰ আৰু ইয়াত সুৰ দিছে বিদ্যুৎ বিকাশৰ লগতে বিনোদ পাঠকে নিজেই। RedAv ষ্টুডিঅ’ত গীতটিৰ শব্দ-সংমিশ্ৰণ কৰিছে পিংকু দাসে; বাঁহী প্ৰদীপ ডেকাৰ আৰু থলুৱা বাদ্যযন্ত্ৰীৰ দায়িত্বত আছে বৰুণ দাস। গীতাৰ বজাইছে তপন দাসে। গীতটিত এটি সঁচা বিষয়ৰ উপস্থাপন আৰু উপভোগ্য কন্ঠই “নিচা গৰল সমান” ক অধিক গ্ৰহণযোগ্য কৰি তুলিছে।

আমি প্ৰায়ে নৱপ্ৰজন্ম বিপথে পৰিচালিত হোৱা এক অন্যতম কাৰণ ৰূপে দেখিবলৈ পাওঁ নিচাক আৰু এনেধৰণৰ খবৰে প্ৰায় প্ৰতিজন সচেতন নাগৰিককেই হতাশ কৰি তোলে। উক্ত গীতটিৰ জৰিয়তে এটি ধনাত্মক বাৰ্তা প্ৰেৰণৰ চেষ্টা কৰিছে সকলোৱে।

সংগীত ক্ষেত্ৰখন অত্যাধিক সুন্দৰ যেন অনুভৱ হ’লেও ইয়াত অন্তৰ্ভূক্ত হৈ জনসাধাৰণৰ সঁহাৰি লাভ কৰাটো খুবেই কঠিন। নীল আকাশে নিজেই কষ্ট আৰু সংগ্ৰামৰ ফলত বৰ্তমান এই জনপ্ৰিয়তাৰ শিখৰলৈ বগাবলৈ সক্ষম হৈছে। তেওঁ প্ৰায়ে নৱপ্ৰজন্মৰ কন্ঠশিল্পী সমূহক সুবিধা প্ৰদান কৰা দেখিবলৈ পোৱা যায় আৰু ইয়াৰে এক উদাহৰণ হৈছে “তুমি বুলিলে”। গীতটিত কন্ঠদান কৰিছে বাবন বৰ্ণিলে আৰু ইয়াক নীল আকাশ প্ৰডাকচনৰ হাউচৰ পৰা মুকলি কৰা হৈছে। গীতটিত কথা আৰু সুৰ প্ৰশান্ত দাসৰ লগতে গীতটিত সংগীত নিখিল আৰু হৰ্ষৰ। “তুমি বুলিলে” ৰ বিষয়বস্তু হৈছে বিকি কলিতাৰ আৰু ইয়াৰ আৰ্টৱৰ্ক কুইন তালুকদাৰৰ তথা গীতটিত এনিমেশ্বন গৰিমা তালুকদাৰৰ।

নীল আকাশ ও বাবন বৰ্ণিল দুয়ো গৰাকী কন্ঠশিল্পীক একেলগে লাভ কৰি অনুৰাগীও হৈ পৰিছে উৎসাহী। নীল আকাশৰ সদ্যমুক্তিপ্ৰাপ্ত “অ’ আকাশ” শীৰ্ষক গীতটিও ইতিমধ্যে হৈ পৰিছিল জনপ্ৰিয়।

“ক’ৰ’ণা ভাইৰাছ” ৰ এনে জটিল সময়ছোৱাত আপোনালোকক কিছু সময়ৰ সকাহ দিয়াৰ বাবে ৰূপালীপৰ্দাই লৈ আনিছে এইগৰাকী শিল্পীক আপোনালোকৰ মাজলৈ। দেওঁবৰীয়া বিশেষত আমি আজি কিছু কথা পাতিম বাবন বৰ্ণিলৰ সৈতে; চাওঁচোন আহকঃ

প্ৰশ্নঃ আপুনি সংগীত ক্ষেত্ৰখনৰ সৈতে কেতিয়াৰ পৰা জড়িত?

বাবন বৰ্ণিলঃ সংগীত ক্ষেত্ৰখনত জড়িত বুলি ক’বলৈ গ’লে মই সৰুৰ পৰাই জড়িত হৈছিলো বুলি ক’ব লাগিব; স্কুলত অৰ্থাৎ ষষ্ঠ শ্ৰেণীত পঢ়ি থকা অৱস্থাতেই মই মঞ্চত গীত পৰিৱেশন কৰিছিলো। গতিকে, এই সংগীতৰ যাত্ৰাটো তেতিয়াৰ পৰা আৰম্ভ কৰি বৰ্তমানলৈ বৰ্তি আছে।

প্ৰশ্নঃ বৰ্তমান এই ক্ষেত্ৰখনত বহু শিল্পীৰ সমাগম ঘটিছে; তেওঁলোকৰো কিছু গীত জনপ্ৰিয় হোৱা আমি দেখিবলৈ পাওঁ। গতিকে, এনেক্ষেত্ৰত আপোনাৰ গীত সমূহত কি ব্যতিক্ৰম থাকে বুলি আপুনি ভাৱে?

বাবন বৰ্ণিলঃ মোৰ গীতত ব্যতিক্ৰম আছে বুলি মই একাষাৰেই কৈ দিবলৈ বিচৰা নাই; কিন্তু বৰ্তমানলৈ যিমানখিনি কাম কৰিছো সেই আটাইখিনিতে “Minimum Standard” এটা ৰখাৰ প্ৰয়াস কৰিছো। আৰু, এতিয়া সংগীত ক্ষেত্ৰখনত বহু নতুন শিল্পী আহিছে; মই নিজেও নতুন আছলতে। গতিকে, আমি যাতে সকলোৱে এটা নিৰ্দ্দিষ্ট মানদণ্ড ৰাখি কামবোৰ কৰিব পাৰো তাকেই ৰূপালীপৰ্দাৰ জৰিয়তে ক’বলৈ বিচাৰিছো। লগতে, মই নিজেও এই চেষ্টা অব্যাহত ৰাখিছো।

প্ৰশ্নঃ সংগীত ক্ষেত্ৰখনত কেতিয়াবা সুবিধা পালে কোন জন গায়ক/ গায়িকাৰ সৈতে মঞ্চত একেলগে গীত পৰিৱেশন কৰা ইচ্ছা?

বাবন বৰ্ণিলঃ এইটো প্ৰশ্নৰ উত্তৰত হয়টো সকলো নৱপ্ৰজন্মৰ কন্ঠশিল্পীয়ে এজনৰে নাম ল’ব আৰু সেইজন হ’ল জুবিন গাৰ্গ। ইয়াৰ লগতে আছে অংগৰাগ পাপন দা; অসমৰ এই দুইগৰাকী শিল্পীৰ সৈতে মঞ্চ ভাগ কৰা মোৰ যথেষ্ট ইচ্ছা। ইয়াৰ উপৰিও বলীউডত ক’বলৈ গ’লে এ.আৰ.ৰহমান আৰু চনু নিগম; এওঁলোকৰ সৈতে মঞ্চ ভাগ কৰাটো দূৰৰ কথা মোৰ গীতো যদি শুনাব পাৰো তেতিয়াহ’লে এগৰাকী শিল্পী ৰূপে মই ধন্য হৈ যাম।

প্ৰশ্নঃ ক’ৰ’ণাৰ সজাগতাৰ বাবে প্ৰধানমন্ত্ৰীয়ে দিয়া “লক ডাউন” ৰ বিষয়ে আপুনি নিশ্চয় গম পায়। এনেক্ষেত্ৰত আপুনি জনসাধাৰণক সজাগ হ’বলৈ কি ক’বলৈ বিচাৰিব?

বাবন বৰ্ণিলঃ আমি সকলোৱে ইতিমধ্যে দেখিছো যে “ক’ৰ’ণা ভাইৰাছে” কেনে এটা মাৰাত্মক ৰূপ ধাৰণ কৰিছে; গতিকে এনেক্ষেত্ৰত আমি সকলোৱে নিজেই সজাগ হোৱা উচিত। অন্ততঃ এই বাকী থকা ১৭ টা দিন যেন কোনো ক’তো অপ্ৰয়োজনীয় ভাৱে ওলাই নাযায় মই তাৰেই আহ্বান জনাইছো দৰ্শকৰ আগত। আমি যদি এই দিনকেইটা সজাগ হওঁ তেনেহ’লে আমি ক’ৰ’ণা ভাইৰাছক হৰুৱাব পাৰিম।

প্ৰশ্নঃ আপোনাৰ আগন্তুক প্ৰজেক্টৰ বিষয়ে জানিব বিচাৰিম।

বাবন বৰ্ণিলঃ আগন্তুক প্ৰকল্প বহু কেইটা হাতত আছে। বান্ধৱী পুনমৰ সৈতে যুঁটীয়াভাৱে গোৱা এটি গীত বহাগ বিহুৰ পূৰ্বে মুক্তি লাভ কৰিব লগতে, সকলোৰে পৰিচিত পলাশ সূৰ্য্য গগৈ দাদাৰ সৈতে বিহুৰ পিছতে মুক্তি পাবলগীয়া এটি গীত মই কৰি আছো। এনেদৰে কেইটামান প্ৰজেক্ট আছে; ৰাইজে লাহে-ধীৰে শুনিবলৈ পাব।

… ধন্যবাদ দাদা। আপোনাৰ মনৰ কথা আমাক জনোৱাৰ বাবে।

বাবণ বৰ্ণিলঃ ধন্যবাদ।

এইবোৰৰ মাজতে, অসমীয়া কিছু শিল্পীয়ে দৰ্শকলৈ প্ৰেৰণ কৰিছে এক বাৰ্তা; জনসাধাৰণক সজাগ-সচেতন হৈ থকাৰ বাবে কৰিলে আহ্বান। ৰিংকু প্ৰিয়ম, বাবন বৰ্ণিল, কৰৱী শৰ্মা, দীপজ্যোতি মহন্ত, পল্লৱী প্ৰয়াসী লগতে হৰ্জিতে ৰূপালীপৰ্দাৰ জৰিয়তে দৰ্শকক দিছে এক বাৰ্তা। চাওঁচোন আহকঃ

উক্ত গীতটিত কথাৰ লগতে সুৰ দিছে মিন্ময় মিত্তিকে তথা গীতটিত সংগীত দিছে হৰ্জিৎ দিয়াজে। গীতটিৰ ভিডিঅ’ পৰিচালনা কৰিছে গৌতম ৰাভাই আৰু সোণচেং” ত বাবন বৰ্ণিলৰ সৈতে যুঁটীয়াভাৱে কন্ঠদান কৰিছে দিম্পী সোণোৱালে। গীতটিৰ ভিডিঅ’ত অভিনয় কৰিছে ইছলাম আৰু ছানিয়ে।

বাবন বৰ্ণিলৰ এই গীতটিত তেওঁৰ সৈতে অভিনয় কৰিছে “মলয়া বাইদেউৰ জীয়েক” খ্যাত সুকন্যা বৰুৱা। গীতটিত কথাৰ লগতে ইয়াত সুৰ দিছে মিন্ময় মৃত্তিক তথা গীতটিত সংগীত দিছে হৰ্জিৎ দিয়াজে। গীতটিৰ ভিডিঅ’ পৰিচালনা কৰিছে গৌতম ৰাভাই আৰু “সোণচেং” ত যুঁটীয়া ভাৱে কন্ঠদান কৰিছে দিম্পী সোণোৱালে। আনহাতে, গীতটিৰ ভিডিঅ’ ত সুকন্যাৰ লগতে দেখিবলৈ পাব চামিউল ইছলাম, ছানি আৰু বাবন বৰ্ণিলক।