আগলৈ তেওঁ কয় যে, “গতিকে তেনে এগৰাকী মহান ব্যক্তিৰ চৰিত্ৰ কৰাটো অলপ কঠিন। মই যথেষ্ট খিনি কষ্ট কৰিছো কাৰণ এই চৰিত্ৰ টো মোৰ বাবে এটা চেলেঞ্জ সদৃশ। দৰ্শকে যাতে মোৰ এই চৰিত্ৰটো আঁকোৱালি ল’ব পাৰে, তাৰ সৈতে সংযোগ কৰিব পাৰে তাৰে আশা ৰাখিছো। যিহেতু অভিনয় জগতত আমি ভিন্ন চৰিত্ৰত অভিনয় কৰিব বিচাৰোঁ গতিকে মই সদানন্দ গগৈ ছাৰক ৰূপালীপৰ্দাৰ জৰিয়তেই ধন্যবাদ জ্ঞাপন কৰিব বিচাৰিছোঁ মোক এই চৰিত্ৰটোৰ বাবে যে তেওঁ নিৰ্বাচন কৰি মোৰ ওপৰত বিশ্বাস দেখুৱালে। ছবি খনত আপোনালোকে আন আন বহুত বিশিষ্ট শিল্পীক দেখা পাব যেনে ধৰক মনোজ কুমাৰ দাস, আইমী বৰুৱা, চেতনা দাস, কিশোৰ চৌধুৰী, এনিশা শৰ্মা আৰু আন আন বহুতো অভিনেতা অভিনেত্ৰী ক দেখা পাব। “

উল্লেখ্য যে, বিহু নৃত্যৰ লগতে বৈশালী হৈছে প্ৰশিক্ষণপ্ৰাপ্ত এগৰাকী ভাৰতন্যাতম শিল্পী। ৰাজ্যিক পৰ্যায়ত কেইবাটাও পুৰস্কাৰ প্ৰাপ্ত এই গৰাকী অভিনেত্ৰীয়ে ইনু বৰুৱাকে ধৰি বলিন চৌধুৰী তথা বাহাৰুল ইছলাম আদিৰ দৰে কেইবাগৰাকীও জনপ্ৰিয় অসমীয়া নাট্য পৰিচালকৰ নাটকত অভিনয় কৰিছে। ইয়াৰ উপৰিও তিনিখনকৈ হিন্দী টেলিফিল্ম “গুল চে বাত কৰো”, “আশা কি বুন্দে” আৰু “হৰিয়ালি ধৰতী” আদি কেইবাখনো ধাৰাবাহিক অভিনয় কৰিছে বৈশালীয়ে। ইয়াৰ উপৰিও বৈশালীয়ে দূৰদৰ্শনত প্ৰচাৰিত দুখন ধাৰাবাহিক “সত্যমেৱ জয়তে” লগতে “আমিও মানুহ” ত অভিনয় কৰিছিল। ৰেঙণি যোগে প্ৰচাৰিত “সাউদৰ পুতেকে নাওঁ মেলি যায়” ধাৰাবাহিকখনতো দেখিবলৈ পোৱা গৈছিল উক্ত অভিনেত্ৰী গৰাকীক।