“বাৰিষাৰে বাতৰি” শীৰ্ষক গীতটিত কথা অন্বেষা পাঁচনিৰ লগতে গীতটিত সুৰ কৰিছে নিখিল জ্যোতি শৰ্মাই।শেহতীয়াকৈ নৱপ্ৰজন্মৰ যিসমূহ প্ৰতিভা আমাৰ সমুখলৈ আহিছে তেওঁলোক আটাইৰে ভিতৰত অন্যতম এগৰাকী হৈছে নিখিল জ্যোতি শৰ্মা; তেওঁৰ গীতসমূহক অৱশ্যে আঁকোৱালিও লৈছে বহুসংখ্যক জনসাধাৰণে। গীতটিত সংগীতৰ দায়িত্বত আছে নৱপ্ৰজন্মৰ আনগৰাকী প্ৰতিভা তাৱৰিড; ইতিমধ্যে এইগৰাকী প্ৰতিভাৰ প্ৰকল্পসমূহেও জনসাধাৰণৰ সমাদৰ লাভ কৰি আহিছে। শব্দ-সংমিশ্ৰণ কৰিছে মুক্তি মূহুৰ্ত হাজৰিকাই লগতে গীতটি বাণীবদ্ধ কৰিছে উৎপল বৰাই। সৰুৰে পৰা সংগীতৰ প্ৰতি আগ্ৰহী অঞ্জু পাঞ্চিৰ পিতৃ-মাতৃও সংগীতৰ সৈতে জড়িত হৈ আছিল আৰু তাৰ বাবেই সংগীত ক্ষেত্ৰখনত অঞ্জু পাঞ্চিয়ে নিজৰ ভৱিষ্যৎ পৰিকল্পনা কৰিবলৈ আৰম্ভ কৰিছিল। উল্লেখ্য যে, ৰাকেশ ৰিয়ানৰ সৈতে ৰোমাণ্টিক গীত “আছুতীয়াকৈ থ’লো” ৰ দ্বাৰা সংগীত ক্ষেত্ৰখনত খোজ পেলোৱা অঞ্জু পাঞ্চিৰ আগন্তুক প্ৰতিটো প্ৰকল্পৰ বাবে অপেক্ষাৰত অনুৰাগী। এইখিনিতে এটা কথা আপোনালোকক জনাই থওঁ যে, অঞ্জু পাঞ্চিৰ সদ্যমুক্তিপ্ৰাপ্ত “বাৰিষাৰে বাতৰি” শীৰ্ষক গীতটিত ধনাত্মক কমেণ্টৰ পয়োভৰো মনকৰিবলগীয়া। সাৱলীল কথাৰে হৃদয়স্পৰ্শী কণ্ঠৰ এই গীতটিক আঁকোৱালি লৈছে শ্ৰোতা-দৰ্শকে।

অঞ্জু পাঞ্চিৰ আহিবলগীয়া প্ৰতিটো পৰিকল্পনা তথা প্ৰতিটো প্ৰকল্পক ৰূপালীপৰ্দা পেজটোৰ তৰফৰ জনাইছো অশেষ শুভকামনা।