পৰিচালক মুনীন বৰুৱাৰ পুত্ৰ মানস বৰুৱাৰ পৰিচালনাৰে নিৰ্মিত এই ছবিখন যুঁটীয়াভাৱে প্ৰযোজনা কৰিছে Zeal Creation আৰু Saj Entertainment য়ে। “বাৰুদ ২” ৰ বিভিন্ন চৰিত্ৰত অভিনয় কৰিছে ক্ৰমে যতীন বৰা, ৰবি শৰ্মা, গুঞ্জন ভৰদ্বাজ, মুনমী ফুকন, প্ৰজ্ঞা পাৰমিতা, সংকল্পজিৎ হাজৰিকা, অচিন্ত্য কাশ্যপ আৰু হামাৰসিংগ খাৰমাৰে। পূৰ্বৰ দৰে “বাৰুদ ২” ত পুনৰ বাৰ দেখিবলৈ পোৱা যাব যতীন ও ৰবিৰ যুঁটি। বহু প্ৰত্যাশিত এই ছবিখনক লৈ অপেক্ষাৰত বহু অসমীয়া চলচিত্ৰ প্ৰেমী দৰ্শক। ছবিখনত সংগীত দিছে অনুৰাগ শইকীয়াই; মনোৰঞ্জন ক্ষেত্ৰত খুঁপনি পোতা একাংশ জনপ্ৰিয় অভিনেতা-অভিনেত্ৰী লগতে সংগীত শিল্পীৰ অন্তৰ্ভূক্তিয়ে ছবিখনক যে উপভোগ্য কৰি তুলিব সেয়া লক্ষ্যণীয় হৈ পৰিছে।

উল্লেখ্য যে, ২০০৪ চনত মুক্তিপ্ৰাপ্ত “বাৰুদ” ছবিখনত যতীন বৰাক নায়কৰ চৰিত্ৰ ৰূপায়ন কৰা দেখিবলৈ পোৱা গৈছিল আৰু তাৰ পৰিৱৰ্তে ৰৱি শৰ্মা এই ছবিখনৰ খলনায়ক আছিল। ছবিখনত ৰাজনৈতিক দলৰ একাংশ নেতাই কৰা দূনীৰ্তি ও ভ্ৰষ্টাচাৰক উপস্থাপন কৰা হৈছিল। “বাৰুদ” ত সেই সময়ত সংগীত দিছিল হাৰ্টথ্ৰৱ জুবিন গাৰ্গে।

১৫ বছৰ পিছত আকৌ এবাৰ “বাৰুদ” ছবিখন আহিব দৰ্শকৰ মাজলৈ। মুনীন বৰুৱাৰ পুত্ৰ ও পৰিচালক মানস বৰুৱাই নিৰ্মাণৰ যো-জা কৰিছে “বাৰুদ” ছবিখনৰ চিকুৱেল ছবিৰ অৰ্থাৎ “বাৰুদ ২” ৰ। পোষ্টাৰ মুকলিৰ লগে লগেই ছবিখনে লাভ কৰিছে দৰ্শকৰ অভূতপূৰ্ব সঁহাৰি।

এই চিকুৱেল ছবিখনতো সমাগম ঘটিব অসমীয়া ছবি জগতৰ কেইবাগৰাকীও জনপ্ৰিয় শিল্পীৰ। চিত্ৰ-নাট্যৰ কামত বৰ্তমান ব্যস্ত ছবিখন।