আনহাতে, আন এগৰাকী নৱপ্ৰজন্মৰ কণ্ঠশিল্পী ভাস্কৰ অপ্সৱেলৰ নামটোও হয়টো আপোনালোকৰ পৰিচিত। তেওঁৰ কণ্ঠৰে মুক্তিপ্ৰাপ্ত প্ৰতিটো গীতেই জনপ্ৰিয়তা লাভ কৰিছে। মৰিগাওঁৰ কাণফলাত ২ ডিচেম্বৰ তাৰিখে জন্মগ্ৰহণ কৰা ভাস্কৰ অপ্সৱেল নৱপ্ৰজন্মৰ এনে এজন প্ৰতিভাৰ গৰাকী; যাৰ প্ৰতিটো গীতত এতিয়া আকৰ্ষিত সংগীত প্ৰেমী শ্ৰোতা। আচলতে, তেওঁ নিজ কন্ঠৰে এতিয়া টানিছে অনুৰাগীক। সৰুৰ পৰা এই সংগীত ক্ষেত্ৰখনৰ সৈতে জড়িত হ’লেও হাইস্কুল শিক্ষান্ত পৰীক্ষাৰ পিছত পেছাগত ভাৱে সংগীতৰ পিনে ঢাল খাইছিল ভাস্কৰে। গীতত কন্ঠদান কৰাৰ উপৰিও আচলতে গীত সমূহত নিজে সংগীত প্ৰদান কৰিছে উক্ত নৱপ্ৰজন্মৰ প্ৰতিভা গৰাকীয়ে। অনাগত দিনত এই দুয়োগৰাকীৰ কণ্ঠৰে মুক্তি পাবলৈ সাজু হৈছে দুটি গীত ক্ৰমে “কুহেলিকা( ৰূপম ভূঞা) আৰু “তুমসে” ( ভাস্কৰ অপ্সৱেল)। কোনো এটা গীত সফল কৰি তুলিবলৈ ইয়াত থকা কন্ঠটোৰ বাহিৰেও ইয়াৰ “কথা” খিনিটো গুৰুত্ব আৰোপ কৰা হয়। ইয়াৰ পূৰ্বেও, বিভিন্ন জন শিল্পীক প্ৰশ্ন কৰা হৈছিল যে কোনো এটা গীতৰ কোনটো উপাদানৰ ওপৰত তেওঁলোকে অধিক গুৰুত্ব দিয়ে? এই প্ৰশ্নৰ উত্তৰত আটাইয়ে গীতটিৰ “কথা” ৰ বিষয়েই উল্লেখ কৰিছিল। মুঠতে, এক কথাত ক’বলৈ গ’লে সুৰ, সংগীত, কন্ঠ আদিৰ সমান্তৰালকৈ গীতটিৰ “কথা” ইও গীতটি সফল কৰি তোলাত সহায় কৰে। উক্ত দুয়োটা গীতক কথা, সংগীত আৰু সুৰেৰে পৰিপূৰ্ণ কৰি ৰাইজৰ মাজলৈ উলিয়াই দিবলৈ সাজু কা হৈছে। দুয়োটা গীতত সংগীত কৰিছে আন এগৰাকী পৰিচিত আৰু সমাদৃত সংগীতশিল্পী ত্ৰিয়ন মহন্তই লগতে গীত দুটিত সুৰ কৰিছে মৃণাল দাস। পেচাগতভাৱে এগৰাকী চিকিৎসক যদিও তেওঁ সমানে মনোনিৱেশ কৰিছে এই সংগীত ক্ষেত্ৰখনতো।

আনহাতে, গীত দুটিৰ প্ৰযোজনা সীমান্ত কলিতাৰ। সীমান্ত কলিতা প্ৰডাকচনৰ বেনাৰত নিৰ্মিত উক্ত গীত দুটি মুক্তি লাভ কৰিব Dhwani Records নামে ইউটিউব চেনেলটোত।

আনহাতে আগন্তুক “তুমসে” শীৰ্ষক গীতটিত কথা সীমান্ত কলিতাৰ লগতে গীতটিত সুৰ দিছে মৃণাল দাস। লগতে, গীতটিত সংগীত প্ৰদানৰ দায়িত্বত আছে ত্ৰিয়ন মহন্ত। উল্লেখ্য যে, উক্ত গীতটিৰ প্ৰতিটো বিভাগত এনে একোজন প্ৰতিভা জড়িত হৈ আছে যাৰ সৃষ্টিয়ে ইতিমধ্যে জনসাধাৰণক আকৰ্ষণ কৰিবলৈ সক্ষম হৈছে। ত্ৰিয়ন মহন্তই সম্প্ৰতি প্ৰতিজন কন্ঠশিল্পীৰ সৈতে কাম কৰিছে বুলি ক’লেও হয়টো অতিৰঞ্জিত নহ’ব। মৃণাল দাসে নতুনকৈ এই অসমীয়া সংগীত ক্ষেত্ৰখনত জড়িত হৈছে যদিও তেওঁৰ প্ৰকল্পসমূহে জনসাধাৰণক উৎসাহিত কৰাত সক্ষম হৈছে। সীমান্ত কলিতাই উক্ত গীতটিৰ জৰিয়তেই সংগীত ক্ষেত্ৰখনত পেলাইছে নিজৰ প্ৰথমটো খোজ। ইয়াৰ লগতে, এইটো কথা বুজিব পৰা যায় যে বৰ্তমান সময়ছোৱাত একোজন নৱপ্ৰজন্মৰ এনে প্ৰতিভাৰ জন্ম হৈছে যিয়ে শ্ৰোতা-দৰ্শকক নতুন সোঁৱাদ প্ৰদানত প্ৰয়াস কৰিছে।

বৰ্তমান সৃষ্টিৰ মূলতে আছে নৱপ্ৰজন্ম; তেওঁলোকৰ সৃষ্টি অথবা কামত বিশ্বাসী জনসাধাৰণো। তেওঁৰ আহিবলগীয়া এই কাম সমূহক ৰূপালীপৰ্দাৰ তৰফৰ পৰাও জনাইছো শুভকামনা।

https://www.instagram.com/p/CFkKS15BFbY/?utm_source=ig_web_copy_link

ৰূপালীপৰ্দাৰ সৈতে হোৱা এক্সক্লুচিভ সাক্ষাৎকাৰ যোগে তেওঁক “সংগীত নিচা নে পেচা” বুলি কৰা প্ৰশ্নৰ উত্তৰত তেওঁ কয় যে, “আপুনি সোধা প্ৰশ্নৰ উত্তৰটোত মই যিকোনো এটাৰ নাম ল’ব নোৱাৰো; সংগীত আচলতে মোৰ বাবে “নিচা আৰু পেচা” দুয়োটা। আৰু, মই ভাবো নিচা নোহোৱাকৈ কোনো এবিধ বস্তু কেতিয়াও পেচালৈ পৰিণত হ’ব নোৱাৰে। লগতে, “নিচা” নহ’লে কোনো এটা বস্তুত নিজক ১০০ শতাংশই অন্তৰ্ভূক্ত কৰিব পৰা নাযায়।” তেওঁৰ আগন্তুক পৰিকল্পনাৰ বিষয়ে জানিবলৈ বিচৰাত তেওঁ কয় যে, “ভৱিষ্যৎ পৰিকল্পনা হিচাপে মোৰ ভাবি থোৱা বহুখিনি প্ৰকল্প আছে। বৰ্তমান বহুকেইটা গানত মিউজিক দিয়াৰ লগতে অসমীয়া পূৰ্ণদৈৰ্ঘ্যৰ ছবিতো মিউজিক দিয়াৰ কাম চলি আছে। আনহাতে, ব্যক্তিগত কিছু পৰিকল্পনা আছে; যিটো আহিবলগীয়া সময়ত ৰাইজে উপভোগ কৰিবলৈ পাব।”

আহিবলগীয়া সময়ত নিশ্চয়কৈ এনে বহু সৃষ্টি ৰাইজৰ সমুখলৈ আহিব যিয়ে সংগীত প্ৰেমী শ্ৰোতাক উৎসাহিত কৰাৰ লগতে নতুনৰ সন্ধান দিব। ভাস্কৰ অপ্সৱেলৰ আগন্তুক পৰিকল্পনা সমূহৰ বাবে ৰূপালীপৰ্দাৰ ফালৰ পৰাও জনাইছো অশেষ শুভকামনা।