ফিল্মফেয়াৰৰ প্ৰায় প্ৰত্যেকটো সংস্কৰণত উপস্থিত কিং শ্বাহৰুখ খান ২০২০ বৰ্ষত উপস্থিত নথকাক লৈ একাংশই উঠালে প্ৰশ্ন। মুম্বাইৰ ৰাষ্ট্ৰীয় পৰ্যায়ৰ সংবাদ মাধ্যমত প্ৰচাৰ কৰা হৈছে যে অসম চৰকাৰে টকা ব্যয় কৰিব নোৱাৰাৰ বাবেই তিনি খান ও বিগ বি অমিতাভক দেখিবলৈ পোৱা নগ’ল এইবাৰৰ ফিল্মফেয়াৰত। ইয়াৰ উপৰিও, যিসকলক ফিল্মফেয়াৰ এৱাৰ্ড প্ৰদান কৰা হ’ব অথবা যিসকল তাৰকাই এই শ্ব’টোত নৃত্য কৰিব তেওঁলোককহে এইবাৰৰ ফিল্মফেয়াৰত মতা হৈছে বুলি দাবী কৰিছে ৰাষ্ট্ৰীয় পৰ্যায়ৰ সংবাদ মাধ্যমে।

ইয়াৰ লগতে, অসমৰ পৰ্যটন ক্ষেত্ৰ কাজিৰঙা ফুৰিব বুলি দাবী কৰা পৰ্যটন বিভাগক বুঢ়া আঙুলি দেখুৱাই এদিনতে মুম্বাইলৈ ৰাওঁনা হ’ল আয়ূসমান খুৰানা, কাৰ্তিক আৰিয়ন তথা বিকি কৌশলকে ধৰি মাধুৰী দীক্ষিতো। গতিকে, যি মানসৰে গুৱাহাটীত পতা হৈছিল ফিল্মফেয়াৰ; সেয়া বাৰু সম্পূৰ্ণ হ’ল নে?? হাঁহিয়াতৰ পাত্ৰ হ’ল নেকি বাৰু অসম চৰকাৰ??

এইখিনিতে, কোৱা বাহুল্য যে; অক্ষয় কুমাৰে যিটো সময়ত মূখ্যমন্ত্ৰী সৰ্বানন্দ সোণোৱালক মঞ্চলৈ মাতি নিলে তেতিয়াই পিছফালৰ পৰা তথাকথিত একাংশ দৰ্শকে “ন-কা”, অথবা “গ-বেক” ৰ ধ্বনি দিয়া দেখিবলৈ পোৱা গৈছিল। এইখিনিতে, প্ৰশ্ন হয় জাতি-মাতি-ভেঁটি ৰক্ষাৰ স্বাৰ্থত য’তে-ত’তেই এনেবোৰ ধ্বনি দিয়া জৰুৰী নে??

উল্লেখ্য যে, বিগত কিছু দিন ধৰি বিতৰ্কিত নাগৰিকত্ব আইন চমুকৈ “কা” ৰ বিৰোধিতা কৰি অসম চৰকাৰৰ বিৰুদ্ধে মাত মাতিছে হাৰ্টথ্ৰৱ জুবিন গাৰ্গে। তৎস্বত্বেও কন্ঠশিল্পী গৰাকী ফিল্মফেয়াৰ এৱাৰ্ডত উপস্থিত থাকি মূখ্যমন্ত্ৰী সৰ্বানন্দ সোণোৱালক আলিংগন কৰাৰ দৃশ্যও চচিয়েল মিডিয়াত ভাইৰেল হৈছিল। কিন্তু, ফিল্মফেয়াৰলৈ অসম চৰকাৰৰ দ্বাৰা পোনপটীয়া আমন্ত্ৰণ দিয়া হোৱা নাছিল জুবিন গাৰ্গক; কিন্তু কিয়? আপোনালোকে কি ভাৱে?? কমেন্ট কৰি আমাক জনাওঁক।

একাংশ দৰ্শকে “মিছন মংগল”, “কেশৰী”, “চুপাৰ ৩০” আৰু “ছিছোৰে” ৰ দৰে ছবিসমূহৰ এখনকৈ ক’লাজ নিৰ্মাণ কৰি এই ছবি সমূহক ফিল্মফেয়াৰে সম্পূৰ্ণৰূপে অৱমাননা কৰা বুলি টুইট যোগে প্ৰকাশ কৰে।

দুপৰীয়া ৩.৩০ বজাৰ পৰা ইন্দিৰা গান্ধী ইন্দোৰ ষ্টেডিয়ামত প্ৰৱেশৰ দ্বাৰ মুকলি কৰা হ’ব। লগতে, যিসকলে বিশেষ পাছ সংগ্ৰহ কৰিছে তেওঁলোককহে নিজৰ গাড়ী ষ্টেডিয়ামৰ ভিতৰলৈ অানিবলৈ দিয়া হ’ব। ২৭ টা “পাৰ্কিং পইন্ট” ৰ ব্যৱস্থা কৰা হৈছে ঠাইডোখৰত। আনহাতে, ষ্টেডিয়ামস্থিত উক্ত ৰাষ্টাটোৰ দুপৰীয়া ৩ বজাৰ পৰা ট্ৰাকৰ অহা-যোৱা নিষেধ কৰা হ’ব। তাৰকাসকলকে ধৰি মুঠ ৮০০০ হাজাৰ লোকে ষ্টেডিয়ামৰ ভিতৰত ফিল্মফেয়াৰ এৱাৰ্ড উপভোগ কৰাৰ সুবিধা লাভ কৰিব।

উক্ত “লভ আজ কল” ছবিখনত কাৰ্তিকে ৯০ দশকৰ এটা চৰিত্ৰ ৰূপায়ন কৰিছে। ঠিক তেনেদৰে, ৯০ দশকৰ শ্বাহৰুখ আৰু ছলমানৰ গীতত এইবাৰৰ ফিল্মফেয়াৰত নৃত্য প্ৰদৰ্শন কৰিব কাৰ্তিক আৰিয়নে।

গুৱাহাটী আমিনাগাওঁস্থিত ইন্দিৰা গান্ধী ইন্দোৰ ষ্টেডিয়ামত ১৫ তাৰিখে অনুষ্ঠিত হ’বলগীয়া এই এৱাৰ্ড শ্ব’টো টেলিকাষ্ট কৰা হ’ব ১৬ ফেব্ৰুৱাৰী তাৰিখে।

ইয়াৰ উপৰিও, ফিল্মফেয়াৰ এৱাৰ্ডত উপস্থিত থাকিব অক্ষয় কুমাৰ, ৰণৱীৰ সিং, বৰুণ ধৱন, কাৰ্তিক আৰিয়ন, ৰাজকুমাৰ ৰাওঁ, সিদ্ধান্ত চতূৰ্ৱেদী, আলি ফেজেল, মনীষ পল, সুৰজ পাঞ্চলী, আয়ূসমান খুৰানা লগতে ইয়াত উপস্থিত থাকিন ছানী লিয়নী।

এইখিনিতে আকৌ এটা নতুন খবৰ দৰ্শকৰ বাবে দিছে “আছাম টুৰিজিম ডেভলপমেন্ট কৰপো’ৰেছন” চমুকৈ “ATDC” য়ে। ১৫ ফেব্ৰুৱাৰী তাৰিখে অনুষ্ঠিত হ’বলগীয়া এই এৱাৰ্ড শ্ব’ ত ১২ মিনিটৰ বাবে অসমীয়া সংস্কৃতিত অন্তৰ্ভূক্ত তিনিটা নৃত্য প্ৰদৰ্শন কৰা হ’ব সমগ্ৰ দৰ্শকৰ আগত। মুঠ ১১৫ গৰাকী শিল্পী তথা কলা-কুশলী লগ হৈ দৰ্শকৰ আগত প্ৰদৰ্শন কৰিব অসমীয়া সংস্কৃতি।

সত্ৰীয়া নৃত্যৰ গুৰু যতীন গোস্বামীৰ প্ৰশিক্ষণেৰে মুঠ ৩৫ গৰাকী শিল্পীক লৈ প্ৰদৰ্শন কৰা হ’ব ক্লাছিকেল ডেন্স। লগতে, ৰঞ্জিত গগৈৰ পৰিচালনাৰে বিহু তথা ট্ৰাইবেল ফিউজন নৃত্য প্ৰদৰ্শন কৰা হ’ব। উক্ত একোটা নৃত্য প্ৰদৰ্শনত ৪০ গৰাকীকৈ শিল্পীক অন্তৰ্ভূক্ত কৰা হ’ব। ইয়াৰ উপৰিও, অসমীয়া অভিনেত্ৰী গায়ত্ৰী মহন্ত আৰু আইমী বৰুৱাইও নৃত্য প্ৰদৰ্শন কৰিব এই অনুষ্ঠান খনত।

উক্ত ফিল্মফেয়াৰৰ বাবে বিভিন্ন শিতানত “নমিনী” সমূহ ইতিমধ্যে দৰ্শকৰ মাজত উলিয়াই দিয়া হৈছে। আগন্তুক সময়ত অনুষ্ঠিত হ’বলগীয়া এই অনুষ্ঠান খনৰ বাবে বৰ্তমান উৎসাহিত হৈ পৰিছে দৰ্শক সকল। তলত চাওঁক “নমিনী” ৰ নাম-

ইতিমধ্যে ফিল্মফেয়াৰক উদ্দেশ্যি এক সুন্দৰ প্ৰমো’ মুক্তি কৰি দিয়া হৈছে। বাপতিসাহোন বিহুৰ বিহু নৃত্যক দেখুওৱা এই প্ৰমো’টোত দেখিবলৈ পোৱা গৈছে বি-টাউনৰ জনপ্ৰিয় অভিনেত্ৰী ভূমি পেডনেকাৰক। মুগা সাজেৰে অভিনেত্ৰী গৰাকীয়েও অইন নাচনীৰ নৃত্যৰ সৈতে তাল মিলোৱা দেখিবলৈ পোৱা গৈছে।

বিগত বৰ্ষৰ ২৫ নৱেম্বৰ তাৰিখে তাজ ভিভান্তাত চুক্তি সাক্ষৰ হোৱা উক্ত শ্ব’টোৰ প্ৰথমটো প্ৰমো’ এতিয়া ভাইৰেল হৈ পৰিছে চচিয়েল মিডিয়াত। ইতিমধ্যে Bookmyshow.com ত ফিল্মফেয়াৰ এৱাৰ্ডৰ টিকেট বুকিঙৰ ব্যৱস্থা উপলদ্ধ কৰা হৈছে। ১ হাজাৰ টকাৰ পৰা আৰম্ভ কৰি ৩ লাখ টকালৈ টিকেটৰ ব্যৱস্থা কৰা হৈছে।

ফিল্মফেয়াৰ এৱাৰ্ড উপভোগ কৰাৰ লগতে নিজ মন-পচন্দৰ তাৰকাক লগ পাবলৈ Bookmyshow.com যোগে দৰ্শকে অনলাইন টিকেট বুকিং কৰিব পাৰে। ১০০০ টকাৰ পৰা আৰম্ভ কৰি ৩ লাখ টকীয়া টিকেটো উপলদ্ধ হৈছে ফিল্মফেয়াৰ এৱাৰ্ডৰ বাবে।

বিগত ২০১৯ বৰ্ষৰ ২৫ নৱেম্বৰ তাৰিখে তাজ ভিভান্তাত ৬৫ তম ফিল্মফেয়াৰ এৱাৰ্ডৰ বাবে অসম পৰ্যটন উন্নয়ন নিগম (এটিডিচি) আৰু দ্যা টাইমছ গ্ৰুপৰ মাজত চুক্তি সাক্ষৰ হয়।

২০-৩০ কোটি টকীয়া বাজেটৰ উক্ত শ্ব’টো হোষ্ট কৰিব বলীউডৰ কিং শ্বাহৰুখ খানে। বস্ক অফিচ ৱৰ্ল্ড ৱাইডৰ ৰিপোৰ্ট অনুসৰি, কিং শ্বাহৰুখৰ সৈতে এইবাৰৰ ফিল্মফেয়াৰ এৱাৰ্ড হোষ্ট কৰিব বিকি কৌশলে।

যোৱা ২০১৯ বৰ্ষৰ ২৫ নৱেম্বৰ তাৰিখে তাজ ভিভান্তাত ৬৫ তম ফিল্মফেয়াৰ এৱাৰ্ডৰ বাবে অসম পৰ্যটন উন্নয়ন নিগম (এটিডিচি) আৰু দ্যা টাইমছ গ্ৰুপৰ মাজত চুক্তি সাক্ষৰ হয়।