“জলপ্ৰপ্ৰাত”, “নক্ষত্ৰ” , “মৌ পিয়া” আদিৰ দৰে গীতসমূহ যেতিয়া শ্ৰোতাৰ বাবে প্ৰিয় হৈ পৰে; তেতিয়াই ফুটি উঠে যে সংগীত ক্ষেত্ৰখন এঢাপ এঢাপ আৰু অধিক ওপৰলৈ উঠিব ধৰিছে। গতিকে, এইখিনিতে আপোনালোকলৈ লৈ আনিছো আন এক সুখবৰ ; উক্ত যুঁটিটো অৰ্থাৎ মৈত্ৰেয়ী আৰু শংকুৰাজ আন এটি সুন্দৰ গীতৰ বাবে সাজু হৈ উঠিছে। গীতটিৰ নাম হৈছে “গানে গানে”। কাইলৈ অৰ্থাৎ ১৩ এপ্ৰিলত মুক্তি পাবলগীয়া এই গীতটিৰ কথা মৈত্ৰেয়ীৰ আৰু সুৰ শংকুৰাজৰ। গীতটিত কন্ঠদান কৰিছে ক্ৰমে মৈত্ৰেয়ী আৰু শংকুৰাজে। KC Digital Films ৰ বেনাৰত নিৰ্মিত এই গীত “গানে গান” হৈছে “Arranged” শীৰ্ষক চুটি ছবিখনৰ পিছত তেওঁলোকৰ দ্বিতীয়টো প্ৰচেষ্টা । আনহাতে, গীতাৰ ঋতুৰাজ গগৈৰ আৰু বাঁহী বজাইছে ভাস্কৰ কলিতাই। শব্দ সংমিশ্ৰণ কৰিছে সুমিত বৰুৱাই। গীতটি বাণীবদ্ধ কৰা হৈছে কাইফি হামজা আহমেদৰ দ্বাৰা আৰু বাঁহী ৰেকৰ্ড কৰিছে প্ৰণয় দত্তই। ভিডিঅ’ সহ মুক্তি পাবলগীয়া গীতটিৰ ভিডিঅ’ পৰিচালনা তথা বিষয়বস্তু সমুজ্জল কাশ্যপৰ। ইয়াত অভিনয় কৰিছে কেইবাটাও প্ৰকল্পৰ সৈতে দেখিবলৈ পোৱা জনপ্ৰিয় অভিনেতা অচিন্তৰাজ কাশ্যপ আৰু এগৰাকী মডেল তথা অভিনেত্ৰী কৰিশ্মা হাজৰিকাই; ইতিমধ্যে দুয়ো শিল্পীৰেই অনুৰাগী উৎসাহিত হৈ পৰিছে। সহকাৰী পৰিচালনা প্ৰিয়ংকা কাশ্যপৰ; দৃশ্যগ্ৰহণ কৰিছে নগেন বৈশ্যই; কলা নিৰ্দেশনা জ্যোতি ভট্টাচাৰ্য্যৰ। এৰিয়েল ফটোগ্ৰাফী ৰাজা বৰুৱাৰ আৰু সম্পাদনা সমুজ্জল কাশ্যপ আৰু গৌতম মজুমদাৰৰ। প্ৰডাকচন মেনেজাৰ ৰূপম ৰিয়ান ডেকা আৰু ৰূপসজ্জা পাংকু হাজৰিকাৰ।

গীতটিক লৈ অপেক্ষাৰত এতিয়া প্ৰতিজন সংগীতপ্ৰেমী শ্ৰোতা দৰ্শক। গীতটিৰ সৈতে জড়িত প্ৰত্যেকজন শিল্পী, কলা-কুশলীক ৰূপালীপৰ্দাৰ তৰফৰ পৰা জনাইছো শুভকামনা।

“LoveBirds” ত মূখ্য চৰিত্ৰ ৰূপায়ন কৰিছে অচিন্ত ৰাজ কাশ্যপ আৰু আলিস্মিতা গোস্বামীয়ে। আনহাতে, ইয়াৰ পূৰ্বে “Arranged” ত দেখিবলৈ পোৱা তথা এটি গুৰুত্বপূৰ্ণ চৰিত্ৰত থাকিব এইবাৰো অভিনেতা হৰ্ষ সিদ্ধান্ত, লগতে থাকিব হিৰণ্য অধিকাৰী। দৰ্শকক মনোৰঞ্জন প্ৰদানৰ অৰ্থেই নিৰ্মাণ কৰা চুটি ছবিখনক বৰ্তমানলৈ কোনোধৰণৰ ছবি সমাৰোহলৈ প্ৰেৰণ কৰাৰ কথা ভবা নাই বুলি জানিবলৈ দিয়ে পৰিচালক গৰাকীয়ে। এই চুটি ছবিখনৰ কাহিনী তথা স্ক্ৰীপ্টৰ দায়িত্ব আছে ভাস্কৰজিৎ শইকীয়া লগতে চিত্ৰনাট্যৰ দায়িত্বত আছে পৰিচালক সমুজ্জল কাশ্যপ। অৱশ্যে, উক্ত চুটি ছবিখনৰ কাহিনীভাগত হৰ্ষ সিদ্ধান্তই ৰূপায়ন কৰা চৰিত্ৰটোৰ চিত্ৰনাট্য তেওঁ নিজাববীয়াকৈ লিখি উলিয়াইছে। চুটি ছবিখনৰ সহঃ পৰিচালক কাদম্বৰী কাশ্যপৰ লগতে ৰূপসজ্জা বিজিয়েতা পাটগিৰীৰ। ৰঙালী বিহুৰ সমসাময়িক ভাৱে মুক্তিপাবলগীয়া এই চুটিছবিখনৰ দৈৰ্ঘ্য হ’ব প্ৰায় ২০ মিনিট। KC Digital Films ৰ ইউটিউব চেনেলত মুক্তি লাভ কৰিব “LoveBirds”। মহানগৰীত কৰ্মব্যস্ততাৰ সৈতে জীৱন যাত্ৰা আগুৱাই লৈ গৈ থকা একাংশ নৱপ্ৰজন্মৰ কাহিনীৰে নিৰ্মাণ কৰি উলিওৱা হৈছে উক্ত চুটি ছবিখনৰ কাহিনীভাগ। চুটি ছবিখনৰ দৃশ্যগ্ৰহণ কৰিছে অসমীয়া মনোৰঞ্জন ক্ষেত্ৰখনৰ জনপ্ৰিয় দৃশ্যগ্ৰহণকাৰী নগেন বৈশ্যই; কিছুদিন পূৰ্বে পৰিচালক গৰাকীৰ আন এখন চুটি ছবি “মায়া বাইদেউ” য়েও ঘৰুৱা দৰ্শকৰ সমুখত লাভ কৰিছিল মুক্তি।

“মায়া বাইদেউ” য়ে ঘৰুৱা দৰ্শকৰ সমুখত মুক্তি লাভৰ পূৰ্বেই অৱশ্যে ৰাষ্ট্ৰীয়-আন্তঃৰাষ্ট্ৰীয় পৰ্যায়ৰ বিভিন্নটা ছবি সমাৰোহত মনোনয়ন লাভ কৰাৰ লগতে দৰ্শক-সমালোচকৰ তৰফৰ পৰা লাভ কৰিছিল সঁহাৰি। এইগৰাকী পৰিচালক তথা তেওঁৰ আহিবলগীয়া চুটি ছবিখনৰ সৈতে জড়িত প্ৰতিজন কলা-কুশলীক ৰূপালীপৰ্দাৰ তৰফৰ পৰা জনাইছো অশেষ শুভকামনা।

চলিত মাহৰ ২৭ তাৰিখে মুক্তি পাবলগীয়া চুটি ছবিখনৰ নাম হৈছে “মায়া বাইদেউ”। শেহতীয়াকৈ ট্ৰেইলাৰ মুক্তি পোৱা এই চুটি ছবিখনত এটা সৰু মধ্যবিত্ত পৰিয়ালৰ কাহিনীৰ যোগেৰে সমাজৰ এক গম্ভীৰ বিষয়বস্তুক উপস্থাপন কৰোৱা হৈছে। সম্প্ৰতি সমাজত দেখিবলৈ পোৱা সুলভ পৰিস্থিতিটোক কেন্দ্ৰ কৰিয়েই নিৰ্মাণ কৰি উলিওৱা হৈছে সমুজ্জল কাশ্যপৰ কাহিনী আৰু পৰিচালনাৰে নিৰ্মিত “মায়া বাইদেউ”। ইয়াত অভিনয় কৰিছে সত্যেন দাস, প্ৰাজনা শৰ্মা, জিন্তু বৈশ্য, আৰ্হি বেজবৰুৱা, ৰূপম ৰিয়ান ডেকা, ৰাজা বৰুৱাৰ লগতে আন কেইবাগৰাকীও ন-পূৰণি শিল্পীয়ে। চুটি ছবিখনৰ দৃশ্যগ্ৰহণ কৰিছে ৰাজা বৰুৱাৰ লগতে সমুজ্জল কাশ্যপে। চুটি ছবিখনৰ বেকগ্ৰাউণ্ড স্কৰৰ দায়িত্বত আছে ৰাষ্ট্ৰীয় পৰ্যায়ত পৰিচিত অসম সন্তান হৰ্জিৎ দিয়াজ। চুটি ছবিখনে ইতিমধ্যে ৰাষ্ট্ৰীয়-আন্তঃৰাষ্ট্ৰীয় পৰ্যায়ৰ বিভিন্ন ছবি সমাৰোহত লাভ কৰিছে মনোনয়ন।

“Toronto Lift-Off Film Festival”, “9th Delhi Short International Film Festival”, “7th Goa Short Film Festival”, “11th Dada Saheb Phalke Film Festival”, আৰু “9th Kolkata Short International Film Festival” ত মনোনয়ন প্ৰাপ্ত এই চুটি ছবিখনক ঘৰুৱা দৰ্শকে কেনেদৰে আদৰিব সেয়া হ’ব আগন্তুক সময়ত লক্ষণীয়।