তেওঁ আগলৈ কয় যে, “ক’ভিডৰ দুৰ্যোগৰ সময়ত বহুলোকে যথেষ্ট খিনি কষ্ট সহিবলগীয়া হৈছে, বহুতে আপোনজনক হেৰুৱাইছে। নেতিবাচক এক চিন্তাধাৰা সকলোৰে মন-মগজুত সোমাই পৰিছে, কিন্তু এই নেতিবাচক মানসিকতাৰ পৰা আমি কেনেদৰে ইতিবাচক চিন্তাধাৰালৈ গতি কৰিব পাৰোঁ সেয়া এক গুৰুত্বপূৰ্ণ কথা। যেতিয়া লক-ডাউনৰ বাবে গোটেইবোৰ স্তব্ধ হৈ পৰিছিল, মই মানসিক ভাৱে ভাঙি নাই পৰা যদিও কৰিবলৈ হাতত কোনো ধৰণৰ কামেই নাছিলে। গতিকে, এই সময়খিনিত নিজক ব্যস্ত ৰাখি কিবা এটা ভাল কৰিবলৈ লগতে নিজৰ লগতে আন দুজনৰ হিত কৰিবলৈ মই এমাহ মান ভবাৰ যোগাসনৰ কথা মনলৈ আহিল। বহুকেইখন প্ৰতিষ্ঠানৰ সৈতে হোৱা কথা বতৰাৰ পিছত নিজৰ মাজতেই সিদ্ধান্ত লৈছিলোঁ যে যদিহে মই যোগাসন কৰোঁ তেতিয়াহ’লে সম্পূৰ্ণ এটা বছৰ এই বিষয়টোত নিজকে নিমজ্জিত কৰিম। কাৰণ এইটো এটা বিশাল বিষয়। সেইকাৰণে বৰ্তমান সময়ত মই কেৱল যোগাসনতেই গুৰুত্ব দিম বুলি ভাবিছোঁ। সঁচা কথা ক’বলৈ গ’লে, মই এতিয়া অত্যন্ত সুখী কিয়নো মই ভালেখিনি বস্তু আয়ত্ব কৰিবলৈ সক্ষম হৈছোঁ। যোগাসনৰ পৃথিৱী খনত নিজকে সুমুৱাই লৈ বুজিব পাৰিছোঁ যে মানসিক শান্তি, আধ্যাত্মিক সুস্থতাটো আচলতে কি! কোনোধৰণৰ যন্ত্ৰপাতি ব্যৱহাৰ নকৰাকৈ কৰা যোগাসনৰে আমি সামগ্ৰিক দিশৰ ফালৰ পৰা ফিট হ’ব পাৰোঁ।”

“মই বৰ্তমান আনকো শিকাবলৈ ধৰিছোঁ। লগৰ খিনিকো তেওঁলোকৰ অসুবিধাৰ সময়ত মই বুজনি দিব পাৰিছোঁ, গতিকে মই সুখী ইয়াত যোগদান কৰি।”

“লক-ডাউন” ৰ সময়ছোৱাত ব্যক্তিগত ইউটিউব চেনেলৰ মুকলি কৰি লৈছিল অভিনেত্ৰী গৰাকীয়ে। অনুৰাগীক আকৰ্ষণ কৰাৰ মানসেৰে ভিন্ন পোষ্ট দি অভিনেত্ৰী গৰাকীয়ে স্তব্ধতাৰ সময়ছোৱাত নিজক ব্যস্ত কৰি ৰাখিছিল। সুশান্ত সিং ৰাজপুতৰ অনুৰাগী এইগৰাকী অভিনেত্ৰীয়ে ৰূপালীপৰ্দাৰ সৈতে হোৱা সাক্ষাৎকাৰতো ভৱিষ্যতে বলীউডৰ এই অভিনেতাগৰাকীৰ সৈতে অভিনয় কৰাৰ ইচ্ছা প্ৰকাশ কৰিছিল। কৰৱীয়ে কৈছিল যে,”তেওঁৰ অভিনয় বুলিয়ে নহয় তেওঁৰ কথাবোৰ, তেওঁ পাৰ্ছনেলিটী, তেওঁৰ অভিনয়ৰ এক্সপ্ৰেচনবোৰ; এই আটাইবোৰেই মোৰ ভাল লাগে। আনকি, তেওঁক মই ফ’লও কৰো।

বলীউডত জনপ্ৰিয় হৈ পৰা ৰিটৱিজৰ এটি গীত “লিগ্গি” ত নৃত্য কৰি কৰৱী শৰ্মাই ইউটিউবত আপলোড কৰিছে ভিডিঅ’। এগৰাকী সহজ-সৰল ভনীয়েকৰ পৰা পিছলৈ গৈ এজনী খঙাল ভিলেইনৰ চৰিত্ৰ ৰূপায়ন কৰা কৰৱীয়ে ৰিয়েল লাইফত খুবেই ধেমালি কৰে। “তোমাৰ মৰমে মোক” কৰা চৰিত্ৰটোৰ দ্বাৰা দৰ্শকৰ মাজত অধিক জনপ্ৰিয় হৈ উঠা এই গৰাকী অভিনেত্ৰী বৰ্তমান সময়ৰ পৰিচালকৰ বাবে প্ৰিয় নাম বুলি ক’লেও হয়টো অতিৰঞ্জিত নহ’ব।

অভিনয়ৰ কোনো ধৰণৰ শিক্ষা নাই লোৱা যদিও একাগ্ৰতাৰ দ্বাৰা আৰম্ভণি হোৱা কৰৱীৰ অভিনয় জীৱনে দৰ্শকৰ পৰা সমাদৰ লাভ কৰিবলৈ সক্ষম হৈছে। আগন্তুক সময়ত কেইবাটাও মিউজিক ভিডিঅ’ত দেখিবলৈ পোৱা যাব কৰৱী শৰ্মাক।

এইবোৰৰ মাজতে, অসমীয়া কিছু শিল্পীয়ে দৰ্শকলৈ প্ৰেৰণ কৰিছে এক বাৰ্তা; জনসাধাৰণক সজাগ-সচেতন হৈ থকাৰ বাবে কৰিলে আহ্বান। ৰিংকু প্ৰিয়ম, বাবন বৰ্ণিল, কৰৱী শৰ্মা, দীপজ্যোতি মহন্ত, পল্লৱী প্ৰয়াসী লগতে হৰ্জিতে ৰূপালীপৰ্দাৰ জৰিয়তে দৰ্শকক দিছে এক বাৰ্তা। চাওঁচোন আহকঃ

“তোমাৰ মৰমে মোক” ধাৰাবাহিকখনত এক গুৰুত্বপূৰ্ণ চৰিত্ৰ ৰূপায়ন কৰা পিছত তেওঁৰ অনুৰাগীৰ সংখ্যা এতিয়া লেখত ল’বলগীয়া। কৰৱীক আকৌ এবাৰ টেলিভিছন পৰ্দাত চাবলৈ উৎসাহিত হৈ আছে তেওঁৰ অনুৰাগী সকল। কিছুদিন পূৰ্বে সফল সমাপ্তি ঘটা উক্ত ধাৰাবাহিকখনৰ পিছত চচিয়েল মিডিয়াত দেখিবলৈ পোৱা গ’ল তেওঁৰ এক নিউ লুক। “কাউ গাৰ্ল” থীম লৈ কৰা ফটোশ্বুট টোৱে দৃষ্টি আকৰ্ষণ কৰিছে কৰৱীৰ অনুৰাগীৰ। খঙাল “মল্লিকা” ক নতুন ৰূপত দেখিবলৈ পাই অনুৰাগীয়ে কমেন্টো কৰা দেখিবলৈ পোৱা গ’ল তেওঁৰ ফটোখনত।

কিছু ব্যক্তিগত কাৰণত কোনো ডাঙৰ প্ৰজেক্ট হাতত লোৱা নাই যদিও অতি সোনকালে তেওঁ অনুৰাগীৰ মাজলৈ আহিব বুলি আশ্বাস দিয়ে।

অমিতাভ বৰাৰ দ্বাৰা পৰিচালিত এই ধাৰাবাহিকখনৰ প্ৰত্যেকটো চৰিত্ৰই আছিল আকৰ্ষণীয়। “পাৰিজাত”, “মল্লিকা”, ” জয়” ইত্যাদি চৰিত্ৰই দৰ্শকক বাৰুকৈয়ে আকৰ্ষিত কৰি ৰাখিছিল। ধাৰাবাহিকখনৰ শেষ পৰ্যায়ত তাত অন্তুৰ্ভূক্ত প্ৰত্যেকজন কলা-কুশলীয়ে “তোমাৰ মৰমে মোক” ৰ সৈতে জড়িত হৈ থকা সময়ছোৱাৰ চচিয়েল মিডিয়া যোগে অভিজ্ঞতা ব্যক্ত কৰাৰ লগতে ইজনে সিজনক ধন্যবাদ জ্ঞাপন কৰাও দেখিবলৈ পোৱা যায়।

আমি আপোনালোকক কৈছো “তোমাৰ মৰমে মোক” ধাৰাবাহিকখনৰ মূখ্য চৰিত্ৰ ৰূপায়ন কৰা মল্লিকা আৰু পাৰিজাতৰ কথা। ৰীল লাইফত বিভিন্ন যুদ্ধ তথা কথাৰ কটা-কটি চলি থকা এই দুগৰাকী অভিনেত্ৰী ক্ৰমে কৰৱী আৰু ময়ূৰী ৰিয়েল লাইফত এগৰাকী আন গৰাকীৰ প্ৰিয় বান্ধৱী।

শ্বুটিঙ সময়ছোৱাৰ বিভিন্ন ফটো তথা ভিডিঅ’য়ো একেলগে শ্বেয়াৰ কৰে অভিনেত্ৰী দুগৰাকীয়ে। চাওঁক এই ফটোঃ

এনেক্ষেত্ৰতে,এখন ধাৰাবাহিকৰ ভিলেইনক ৰাইজে দিছে যথেষ্ট মৰম। ৰীল লাইফত থকা অভিনেত্ৰীগৰাকীৰ কঠোৰতাই কিন্তু ৰিয়েল লাইফত আঁতৰাব পৰা নাই তেওঁক লৈ থকা ৰাইজৰ মৰম। এখন মাত্ৰ ফটো উঠাৰ বাবে হেতা-ওপৰা কৰিছে সাধাৰণ ৰাইজে। কিন্তু কোন বাৰু এই অভিনেত্ৰী গৰাকী?? চাওঁক এই ভিডিঅ”-

এয়া হৈছে অভিনেত্ৰী কৰৱী শৰ্মা ওৰফে আপোনালোকৰ মল্লিকা বৰুৱা। ৰং চেনেলত প্ৰচাৰিত “তোমাৰ মৰমে মোক” ধাৰাবাহিক খনত কৰা অভিনয়ৰ যোগেৰে অভিনেত্ৰী গৰাকীয়ে ইতিমধ্যে বহু দৰ্শকৰে মন জয় কৰিবলৈ সক্ষম হৈছে।

এনে উৎসৱৰ সময়ছোৱাতে এটা ফেষ্টিভ লুকৰ সৈতে নিজ ইনষ্টাগ্ৰামত ফটো আপলোড কৰে “তোমাৰ মৰমে মোক” ধাৰাবাহিক খনত “মল্লিকা” চৰিত্ৰটি ৰূপায়ন কৰা অভিনেত্ৰী কৰৱী শৰ্মাই।

ফটোখনৰ সৈতে সংলগ্ন কৰি তেওঁ এটা কেপছনো দিয়ে; য’ত তেওঁৰ জীৱনৰ নীতি কিছুমান দৰ্শকক জানিবলৈ দিয়ে। মল্লিকা ওৰফে কৰৱীৰ এই ফটোখনত বৰ্তমান অনুৰাগীয়ে বিভিন্নটা কমেন্টৰে তেওঁৰ এই লুকৰ প্ৰশংসা কৰা দেখিবলৈ পোৱা গৈছে।

ধাৰাবাহিকখনৰ “পাৰিজাত” চৰিত্ৰটিৰ কোমলতা তথা “মল্লিকা” ই নিজ প্ৰেমক নিজৰ ফালে টানি অনা যি আকোঁৰগোজ ক্ষোভ; এইবোৰক লৈ নিৰ্মিত “তোমাৰ মৰমে মোক” শীৰ্ষক ধাৰাবাহিকখনে দৰ্শকৰ দৃষ্টি আকৰ্ষণ কৰিবলৈ সক্ষম হৈ পৰিছে। ইয়াৰ লগতে, ধাৰাবাহিকখনত অভিনীত জনপ্ৰিয় অভিনেত্ৰী মলয়া গোস্বামীৰ অভিনয়েও চিৰিয়েলখন আৰু অধিক মনোগ্ৰাহী কৰি তুলিছে।

গতিকে,আজি আমি এক্সক্লুছিভলি আপোনালোকক দেখুৱাম ধাৰাবাহিকখনৰ শ্বুটিঙৰ আঁৰৰ কিছু ধেমালি। ব্যস্ততাৰ মাজতো অকণমান সময় উলিয়াই কেনেদৰে এই শিল্পী সমূহে ধেমালি কৰে চাওঁচোন আহকঃ