‘আচুতীয়া মন’ শীৰ্ষক সদ্যমুক্তিপ্ৰাপ্ত এই গীতটিত কণ্ঠদান কৰিছে ডেইজী দাসে। সংগীত কৰণ দাসৰ আৰু সুৰ কৰিছে অমৰেন্দ্ৰ কলিতাই। গীতটিত কথা পূজা শৰ্মাৰ, গীতাৰ সংগত কৰিছে হীৰক জ্যোতি শৰ্মাই আৰু শব্দ সংমিশ্ৰণ কৌস্তভ শইকীয়াৰ। আৰ্টৱৰ্ক ঋতুপৰ্ণ বৰাৰ, উক্ত তিনিওগৰাকী কণ্ঠশিল্পীয়ে সংগীত ক্ষেত্ৰখনত নিজৰ এক সুকীয়া চিনাকী দিবলৈ সক্ষম হৈছে। প্ৰত্যেকৰে নিজ গীতৰ ধৰণ আছে তথা তেওঁলোকৰ গীতসমূহৰ বাবে অনুৰাগী সকল অপেক্ষাৰত। সম্প্ৰতি সময়ত সংগীত ক্ষেত্ৰখনত বিভিন্ন গীতৰ সৃষ্টি আমি লক্ষ্য কৰিছো। য’ত একাংশ গীতৰ সৃষ্টিৰ আঁৰত আছে অভিজ্ঞ জন তাতেই আকৌ আনহাতে একাংশ নৱপ্ৰজন্মৰ সৃষ্টিয়েও আকৰ্ষণ কৰিছে সকলোকে। যদিও ইটোৰ পিছত সিটো গীতৰ সৃষ্টি হৈছে তথাপিও তাৰেই ভিতৰত একাংশ এনে গীত আছে যাক এবাৰ শুনাৰ পিছতেই আচলতে অসমীয়া সংগীতপ্ৰেমী শ্ৰোতা প্ৰেমত পৰে গীত সমূহৰ।

‘আচুতীয়া মন’ শীৰ্ষক গীতটিয়ে সফলতা লাভ কৰিছে লগতে শ্ৰোতাৰ ইতিবাচক মতামত পাবলৈও সক্ষম হৈছে। গীতটিৰ সৈতৰ জড়িত প্ৰতিগৰাকী কলা-কুশলীক ৰূপালীপৰ্দাৰ তৰফৰ জনাইছোঁ অশেষ শুভকামনা।

কোনো এটা বস্তুৰ যেতিয়া ধনাত্মক সমালোচনা কৰা হয়; তেতিয়া সেই বস্তুটো অথবা প্ৰকল্পটোৰ আঁৰত থকা ব্যক্তি সকলে আগলৈ নিজ ভুল-ক্ৰুটি সমূহ শুধৰাবলৈ সুবিধা অৰ্জন কৰে। আমি প্ৰত্যেকেই ধনাত্মক সমালোচনা কৰিব পৰাটো আমাৰ মনোৰঞ্জন জগত খনৰ বাবেই দৰকাৰী; নৱপ্ৰজন্মক ঋণাত্মকৰ পৰিৱৰ্তে ধনাত্মক সমালোচনাৰে আগবঢ়াই লৈ গৈ থাকিলে অনাগত দিনত তেওঁলোকৰ সৃষ্টিয়ে আমাক আপ্লুত কৰি ৰাখিবলৈ হয়টো সক্ষম হ’ব। শেহতীয়াকৈ, কৰণ দাসে পূৰণি কেইটামান অসমীয়া গীতৰ “Mashup” ৰ সৃষ্টি কৰিছিল; য’ত সংগীত আৰু শব্দ-সংমিশ্ৰণ কৰিছিল টাইফুন মিউজিকে। “Mashup” টো মুক্তি লাভৰ পিছতেই একাংশ শ্ৰোতাই ঋণাত্মক সমালোচনাৰে যথেষ্ট হাৰত মিম প্ৰস্তুত কৰি উলিওৱা দেখিবলৈ পোৱা গৈছে চচিয়েল মিডিয়াত।আনহাতে, আকৌ আন একাংশৰ অন্তৰ চুইছে উক্ত “Mashup” গীতটিয়ে। এইখিনিতে, ৰূপালীপৰ্দাৰ এক সমীক্ষাৰ ফালৰ পৰা আমি এটা কথা স্পষ্ট কৰিব পাৰোঁ যে বৰ্তমান সময়ছোৱালৈ আমি যিমান কেইগৰাকী নৱপ্ৰজন্মৰ সৈতে কথা-বতৰা পাতিছো; এই নৱপ্ৰজন্মৰ প্ৰতিভা সকলৰ বাবে অনুপ্ৰেৰণাৰ উৎস হৈছে জুবিন গাৰ্গ তথা অংগৰাগ পাপন মহন্ত।

গতিকে,এক কথাত ক’বলৈ গ’লে নৱপ্ৰজন্মই এই অনুপ্ৰেৰণাৰ উৎস সমূহৰ পৰা কিছু প্ৰেৰণা বুকুত বান্ধি কৰা প্ৰচেষ্টা সমূহক আমি সহজভাৱে লোৱাটোও প্ৰয়োজনীয়। আনহাতে, তেওঁলোকৰ প্ৰচেষ্টাত যদিহে কোনো ভুল আছে তেতিয়াহ’লে সেই সমূহো ধনাত্মক সমালোচনাৰে শুধৰণি কৰি দিয়াটো দৰকাৰী। শেষত, সকলো নিৰ্ণয় আপোনালোকৰ হাতত। আপুনি কি ভাবে? কমেণ্টৰ জৰিয়তে আমাক জনাওঁক আপোনাৰ মতামত।

কিছুদিন পূৰ্বে ভাৰ্গৱ ওজাপালি আৰু কৰণ দাসৰ যুঁটীয়া প্ৰচেষ্টাৰে মুক্তিপ্ৰাপ্ত এটি গীত হৈছে “অজানা পক্ষী”। “Sound of Assam” ৰ বেনাৰত নিৰ্মিত এই গীতটিয়ে আকৰ্ষণ কৰিছে সকলোকে। আনহাতে, আপোনালোকক জনাবলৈ পাই সুখী যে; “Sound of Assam” হৈছে এনে এক প্ৰযোজনা গোষ্ঠী; যিয়ে উঠি অহা নৱপ্ৰজন্মৰ প্ৰতিভাসম্পন্ন কন্ঠশিল্পী তথা সংগীতশিল্পী সমূহক নিজ সৃষ্টি সমূহ প্ৰচাৰৰ বাবে বিনামূলীয়া সুবিধা প্ৰদান কৰে। সদ্যমুক্তিপ্ৰাপ্ত “অজানা পখী” ৰ কথা আৱেগ আৰু মাধুৰ্য্য দত্তৰ। কন্ঠদান কৰিছে কৰণ দাস আৰু সংগীত ভাৰ্গৱ ওজাপালিৰ। বৰ্তমানলৈ ভাৰতবৰ্ষৰ এহেজাৰটা বেণ্ডত নিজ কৰ্ম সম্পাদনা কৰা ভাৰ্গৱ ওজাপালি ২০১৩ চনৰ পৰা পেছাগত ভাৱে এই ক্ষেত্ৰখনৰ সৈতে জড়িত। একোজন দক্ষ ব্যক্তিয়ে যেতিয়া আগন্তুক কালছোৱাত অসমীয়া সংগীত ক্ষেত্ৰখন প্ৰতিভাসম্পন্ন একোজন নৱপ্ৰজন্মৰ হাতত থকা বুলি যেতিয়া মন্তব্য কৰে তেতিয়াই আচলতে সম্প্ৰতি সময়ৰ গীত সমূহৰ এক পৰ্যালোচনা কৰিব পৰা যায়। সহায়ৰ হাত আগবঢ়োৱাৰ সমান্তৰালকৈ ইজনে আনজনক জনসাধাৰণৰ মাজলৈ লৈ অনাৰ বাবে যি চেষ্টা কৰা দেখিবলৈ পোৱা গৈছে সেয়া সঁচা আদৰণীয় তথা লেখত ল’বলগীয়া বিধৰ।

“অজানা পক্ষী” ৰ সফলতা লগতে “Sound of Assam” ৰ আহিবলগীয়া সময়ৰ প্ৰতিটো গীতৰ বাবে বৰ্তমান অপেক্ষাৰত শ্ৰোতা। ৰূপালীপৰ্দাই এওঁলোকক জনাইছে অশেষ শুভকামনা।