৮ ছেপ্টেম্বৰ, ড° ভূপেন হাজৰিকাৰ প্ৰতিজন অনুৰাগীৰ বাবে ই এক বিশেষ দিন। অসমীয়া জন জীৱনৰ এনে এটা বিষয়, এনে এটা ঘটনা অথচ এনে আনন্দ প্ৰকাশৰ আলোচিতব্য বিষয় নাই যিটো বিষয়ক লৈ ড° ভূপেন হাজৰিকাদেৱে ৰচনা কৰা নাই। ভূপেন হাজৰিকাক তেওঁৰ জন্মতিথিত সুঁৱৰি অথবা তেওঁক একাজঁলি শ্ৰদ্ধাঞ্জলি জ্ঞাপনৰ অৰ্থে ৮ ছেপ্টেম্বৰৰ দিনটোত জনপ্ৰিয় সংগীতশিল্পী ময়ূখ হাজৰিকাৰ কণ্ঠৰে Reeldrama ৰ বেনাৰত মুক্তি লাভ কৰিছিল এটি নতুন গীত ‘প্ৰতি অংগে অংগে’। এই গীতটিত কথা ড° ভূপেন হাজৰিকাৰ আৰু সুৰ কৰিছে জয়ন্ত হাজৰিকাই। দুগৰাকী স্বনামধন্য শিল্পীৰ যুটিৰ পৰিকল্পনাৰে ৰচিত এই গীতটি বিগত সময়ত এখন ছবিৰ বাবে প্ৰস্তুত কৰা হৈছিল যদিও ই বিভিন্ন কাৰণত মুক্তি লাভ কৰিবলৈ সুবিধা পোৱা নাছিল। সদ্যমুক্তিপ্ৰাপ্ত এই গীতটিত সংগীত কৰিছে অম্বৰ দাসে লগতে শব্দ-সংমিশ্ৰণ কৰিছে সুমিত বৰুৱাই। ভিডিঅ’ সহ মুক্তিপ্ৰাপ্ত এই গীতটিৰ পৰিচালনা আৰু সম্পাদনাৰ দায়িত্বত আছে অৰ্ণৱ জ্যোতি মহন্তৰ লগতে দৃশ্যগ্ৰহণ কৰিছে উত্তম কলিতাই আৰু সহঃ পৰিচালনা বিকাশ বৰাৰ। এই গীতটিৰ ভিডিঅ’ৰ দৃশ্যগ্ৰহণ কৰা হৈছে কাৰ্বিআংলঙৰ বিভিন্ন লোকেশ্বনত, গীতটিৰ ভিডিঅ’ত ড° ভূপেন হাজৰিকা দেৱৰ দেখা-নেদেখা বিভিন্ন খন ফটো ইয়াত উপস্থাপনৰ কৰা হৈছে। যিয়ে গীতটিক আৰু অধিক গ্ৰহণযোগ্য কৰি তুলিছে।

ময়ূখ হাজৰিকাৰ কণ্ঠৰ লগতে গীতটিৰ সৈতে জড়িত প্ৰতিগৰাকী ব্যক্তিৰ সংগীতক্ষেত্ৰখনত সক্ৰিয়তা স্পষ্ট ৰূপত ফুটি উঠাৰ সমান্তৰালকৈ ভূপেন হাজৰিকা আৰু জয়ন্ত হাজৰিকাৰ স্মৰণীয় যুটিটোক ৰাইজৰ মাজলৈ লৈ অনাত Reeldrama ৰ যি প্ৰচেষ্টা, সেয়া সঁচাকৈ উল্লেখনীয়।

দেউতাক তথা খুৰাকৰ পৰা বংশানুক্ৰমে অহা গীতৰ প্ৰতি থকা শ্ৰদ্ধাই ময়ূখ হাজৰিকাক এক উচ্চ স্থানত প্ৰতিষ্ঠিত কৰাইছিল। ২০০৯ চনৰ ফেব্ৰুৱাৰী মাহত প্ৰথমবাৰৰ বাবে তেওঁৰ কন্ঠ তথা নিজা সুৰ আৰু কথাৰে মুক্তি লাভ কৰিছিল এলবাম “চকুৱে যদি কথা কয়”। তেওঁৰ আন কেইখনমান এলবাম হৈছে ক্ৰমেঃ

শ্বিলঙৰে গধূলি (২০০২)

চকুৱে যদি কথা কয় (২০০৯)

মনৰ মৰম (২০১২)

Assamese Modern Songs (২০১২)

All Time Greats Jayanta Hazarika (২০১২)

অনুৰাধা (২০১২)

অসমৰ চিৰযুগমীয়া গীত (২০১২)