সুবাসনাৰ দত্তৰ গীত “মইনাকণ বাখৰ” ত নিজাববীয়াকৈ নৃত্য কৰি চুমি বৰাই নিজ ভিডিঅ’ত লাভ কৰিলে ৫ মিলিয়নৰো অধিক ভিউৱাৰচ। তিনি বছৰ বয়সৰ পৰা সত্ৰীয়া নৃত্যৰ প্ৰশিক্ষণ প্ৰাপ্ত এই গৰাকী শিল্পীয়ে সত্ৰীয়া নৃত্যত “বিষাৰদ” লাভ কৰিছে। এগৰাকী নৃত্যশিল্পী হোৱাৰ সমান্তৰালকৈ চুমি বৰা এগৰাকী প্ৰফেচনেল মেক-আপ আৰ্টিষ্ট। চচিয়েল মিডিয়াত তেওঁৰ প্ৰতিভাৰ বিভিন্ন সময়ত উদাহৰণ লাভ কৰিবলৈ সক্ষম হৈছে দৰ্শকে। ডিব্ৰুগড়ত জন্মগ্ৰহণ কৰা এই শিল্পী গৰাকীক পোন প্ৰথমবাৰৰ বাবে অভিনেত্ৰীৰূপে দেখিবলৈ পোৱা গৈছিল দীক্ষু শৰ্মাৰ গীত “পাৰিজাত” ত।

শেহতীয়াকৈ “ইবাছি” শীৰ্ষক এটি গীতত কৰা নৃত্যইও তেওঁক আৰু অধিক জনপ্ৰিয় কৰি তুলিছে। তেওঁৰ নৃত্যৰ বিভিন্ন “ষ্টেপ” অনুসৰণ কৰা দেখিবলৈ পোৱা যায় চচিয়েল মিডিয়াত। মুঠতে, নৃত্য প্ৰদৰ্শন ৰ ক্ষেত্ৰত ক’তো অকণো খুঁত নথকা চুমি বৰাৰ বিভিন্ন ভিডিঅ’ক লৈ অপেক্ষাৰত হৈ থাকে তেওঁৰ অনুৰাগী।

“মইনাকণ বাখৰ” শীৰ্ষক সুবাসনাৰ এই গীতটিত তিনি গৰাকী জনপ্ৰিয় অভিনেত্ৰী ক্ৰমে প্ৰিয়ম পল্লৱী, অনন্যা কাশ্যপ আৰু সুনীতা কৌশিক আৰু অভিনেতা উৎপল দাসে অভিনয় কৰিছে। উক্ত গীতটিত কথাৰ লগতে সুৰ দিছে চিন্ময় কৌশিক আৰু জয় নিৰ্ভানে আৰু গীতটিত সংগীত পলাগ গগৈৰ।

তেওঁৰ আগন্তুক গীত “মইনাকণ বাখৰ”-ৰ বিভিন্ন পোষ্ট দিয়াৰ লগতে তেওঁৰ এইবাৰ গীতটিৰ আঁৰৰ কিছু দৃশ্যও ভিডিঅ’ আকাৰে দৰ্শকক দি গীতটিৰ প্ৰতি উৎসাহিত কৰি ৰাখিছে। চিন্ময় কৌশিক আৰু জয় নিৰ্ভানৰ কথাৰে তথা পলাশ গগৈৰ সংগীতেৰে আহিবলগীয়া এই গীতটোত অভিনয় কৰিছে উৎপল দাস, প্ৰিয়ম পল্লৱী, সুনীতা কৌশিক আৰু অনন্যা কাশ্যপে।