অসমৰ ৰাস মহোৎসৱৰ সময়ৰ অসমীয়া গ্ৰাম্যঞ্চলৰ এখন জীয়া প্ৰতিচ্ছবিক উপস্থাপন কৰিবলৈ চেষ্টা কৰা “ব্ৰজনন্দন” ৰ সমগ্ৰ বিষয়বস্তু লগতে ইয়াৰ ভিডিঅ’ পৰিচালনাৰ দায়িত্বত আছে পল্লৱ জ্যোতি দত্ত। আনহাতে, এই ৰাসগীত সমূহত কন্ঠদান কৰিছে ক্ৰমে জনম কাশ্যপ, পৰিস্মিতা, যদুমণি দত্ত আৰু পল্লৱ দত্তই। উল্লেখ্য যে, “ব্ৰজনন্দন” শীৰ্ষক এই প্ৰকল্পটোৰ সৈতে কমলাবাৰী সত্ৰৰ কেইবাগৰাকীও ভকত জড়িত হৈ থকাৰ উপৰিও তেওঁলোকে নিজাববীয়াকৈ উক্ত গীত সমূহত কন্ঠদানো কৰিছে। নৱপ্ৰজন্মৰ প্ৰচেষ্টাত এনে কিছু ব্যতিক্ৰমী কনচেপ্টে প্ৰায় প্ৰত্যেককে আকৰ্ষিত কৰাটো একপ্ৰকাৰ নিশ্চিত হৈ পৰে। নকৰিবওঁনো কিয়? আমি প্ৰায়ে কিছু নজনা বস্তু শিকিবলৈ অথবা নেদেখা বস্তু চাবলৈ আগ্ৰহী হওঁ। তেনেক্ষেত্ৰত এনেধৰণৰ এক নতুনত্বক লৈ আমি সকলোবোৰ উৎসাহী হোৱাটো স্বাভাৱিক।

লোকসংগীত অথবা পূৰণি থলুৱা গীত সমূহক উঠি অহা প্ৰজন্মৰ মাজত চিনাকী কৰি দিবলৈ পল্লৱ দত্তই কৰা অহৰহ প্ৰয়াস নুই কৰিব নোৱাৰি। তেওঁৰ সৈতে তেওঁৰ একাংশ সতীৰ্থৰ প্ৰকল্প “ব্ৰজনন্দন” ক ৰূপালীপৰ্দাৰ তৰফৰ পৰাও জনাইছো শুভকামনা।