“মই অভিনয়ক শ্ৰদ্ধা কৰিছিলো সৰুৰ পৰাই কিন্তু পেছাগতভাৱে ২০১৯ ৰ পৰাহে মই অভিনয় ক্ষেত্ৰখনৰ লগত জড়িত হৈ আছো; অভিনয়ৰ সমান্তৰালকৈ মডেলিং কৰিও মই যথেষ্ট ভাল পাওঁ।” অভিনেত্ৰী গৰাকীৰ মতে “শিল্পী” ৰ সংজ্ঞা জানিবলৈ বিচৰাত তেওঁ কয় যে, “এগৰাকী “শিল্পী” আচলতে বহুল সংজ্ঞাৰে আবৃত; ইয়াত সংজ্ঞা বুলি ক’লে বহুখিনি কথাই সোমাই পৰে । এগৰাকী শিল্পীৰ শ্ৰম,অধ্যৱসায়,আৰু পৰিশ্ৰমৰ বলতহে প্ৰতিষ্ঠিত হয়; কিন্তু সঁচা কথা ক’বলৈ হ’লে মই এতিয়াও এগৰাকী ভাল প্ৰতিষ্ঠিত শিল্পী হ’বলৈ বহুখিনি বাকী আছে , সেয়েহে বৰ্তমান সময়ত মই এগৰাকী “শিল্পী” ৰ পুংখানুপুংখ সংজ্ঞা দিবলৈ অসমৰ্থ ।” পাঞ্চী প্ৰিয়াৰ পৰা তেওঁৰ আগন্তুক পৰিকল্পনাৰ বিষয়ে জানিবলৈ বিচৰাত তেওঁ কয় যে, “আগন্তুক প্ৰকল্পৰ বিষয়ে ক’ব গ’লে মই বৰ্তমান নতুন অসমীয়া ছবি এখনৰ কাম কৰি আছো আৰু লগতে অসমীয়া “মিউজিক ভিডিঅ” কিছুমানৰো কাম কৰি আছোঁ। ৰাইজৰ মৰম আৰু আৰ্শীবাদবোৰ সদায় মোৰ ওপৰত থাকিলে নিশ্চয় এই অভিনয় ক্ষেত্ৰখনত আৰু বহুখিনি কাম কৰি যাবলৈ সক্ষম হ’ম ।”

আগলৈ তেওঁ কয় যে, “শেষত এটাই কথা ক’ম যে সাম্প্ৰতিক পৰিস্থিতিৰ প্ৰতি লক্ষ্য ৰাখি কৰো’ণা মহামাৰীক প্ৰতিহত কৰিবলৈ সকলোৱে সামাজিক দূৰত্ব বজাই ৰাখি নিজ নিজ কৰ্তব্য সমূহ পালন কৰি যাওঁক । সকলোৱে সুস্থ থাকক; সুৰক্ষিত থাকক । সমান্তৰালকৈ মই ধন্যবাদ জ্ঞাপন কৰিবলৈ বিচাৰিছো ৰূপালীপৰ্দাক যে মোক তেওঁলোকে এইখিনি সুবিধা দিছে।” অভিনেত্ৰী গৰাকীৰ বৰ্তমানৰ অনুৰাগী আচলতে লেখত ল’বলগীয়া। বহু কম সময়তে জনসাধাৰণক আপ্লুত কৰিবলৈ সক্ষম হৈছে পাঞ্চী প্ৰিয়া।