ঋতৃষা শৰ্মাই এই গীতটিক তেওঁৰ ‘সপোনৰ প্ৰকল্প’ হিচাবে নামাকৰণ কৰিছে। নকৰিবওনো কিয়? যি গৰাকীৰ ব্যক্তিৰ হাত ধৰি সাংগীতিক যাত্ৰাৰ সফলতাৰ শিখৰলৈ গতি কৰিছিল তেখেতৰ সৈতে নিজ সাংগীতিক যাত্ৰাটোক ৰাইজৰ মাজলৈ উলিয়াই দিয়াটো প্ৰত্যেকৰে এক সপোন স্বৰূপ। ইয়াত ঋতৃষা শৰ্মাৰ জীৱনৰ বাস্তৱ কাহিনী ভাগক সংযোজন কৰা হৈছে, বাস্তৱ কাহিনীটোকেই গীত আকাৰে উপস্থাপন কৰা হৈছে ‘তুমি আছা মানে মই আছোঁ’ শীৰ্ষক গীতটিত। এই গীতটিত কণ্ঠদান কৰিছে জুবিন গাৰ্গ আৰু ঋতৃষা শৰ্মাই নিজেই আৰু ভিডিঅ’ সহ মুক্তিপাবলগীয়া এই গীতটিত জুবিন গাৰ্গৰ অভিনয়ো দেখিবলৈ পোৱা যাব। গীতটিত কথা ৰাহুল গৌতম শৰ্মাৰ, কিছুদিন পূৰ্বে এইগৰাকী গীতিকাৰৰ কথাৰে নিৰ্মিত ‘বুঢ়া তামোলৰ পাগ’ শীৰ্ষক গীতটিত ঋতৃষা শৰ্মাই কণ্ঠদান কৰি উল্লেখনীয় সমাদৰ লাভ কৰিছিল শ্ৰোতা সমাজৰ পৰা। গীতটিৰ ভিডিঅ’ পৰিচালনাৰ দায়িত্বত আছে শচীন বৰুৱা, অসমীয়া ভিডিঅ’ গীতসমূহৰ সফলতাৰ আঁৰত থকা শচীন বৰুৱাৰ প্ৰায় প্ৰতিটো প্ৰকল্পই গ্ৰহণযোগ্য। আনহাতে, গীতটিত সংগীত কৰিছে আন এটি লেখত ল’বলগীয়া যুটি পল্লৱ তালুকদাৰ আৰু প্ৰণৱ প্ৰিয়াংকুশ বৰুৱাই। দুয়োগৰাকীৰ কণ্ঠ আৰু দুয়োগৰাকীয়ে সংগীতেৰে শ্ৰোতাক দিয়া মাদকতা আপোনালোকক আকৌ এবাৰ হয়টো বুজাই দিয়াৰ প্ৰয়োজন নাই। ‘তুমি আছা মানে মই আছোঁ’ শীৰ্ষক এই গীতটিক অতিশীঘ্ৰে ৰাইজৰ মাজলৈ উলিয়াই দিয়া হ’ব।

চলিত বৰ্ষৰ এটি বহু প্ৰত্যাশিত প্ৰকল্পৰ মাজৰ এটি হ’ব ‘তুমি আছা মানে মই আছোঁ’ শীৰ্ষক এই গীতটো। গীতটিৰ সৈতে জড়িত প্ৰতিগৰাকী কলা-কুশলীক ৰূপালীপৰ্দাৰ তৰফৰ পৰা জনাইছোঁ আন্তৰিক শুভকামনা।

গীতটিৰ মুক্তিৰ তাৰিখ অথবা ইয়াৰ সৈতে জড়িত বিষয়বস্তুৰ বিষয়ে কণ্ঠশিল্পী গৰাকীয়ে বৰ্তমানলৈ নিজ দৰ্শকক একো জানিবলৈ দিয়া নাই।সংগীতৰ ন-ন সংস্কৰণে বৰ্তমান আকৰ্ষণ কৰিছে জনসাধাৰণক। বৰগীতৰ পৰা আৰম্ভ কৰি আমাৰ থলুৱা প্ৰতিটো সংগীতৰ সংস্কৰণক লৈ অসমীয়া শ্ৰোতাৰ বিশেষ মৰম আমি দেখিবলৈ পাওঁ। সংগীতত কন্ঠদান কৰাৰ উপৰিও সংগীতটোৰ সৃষ্টি কৰাৰ আঁৰত বহুখিনি আন যাৱতীয় কথাও সন্নিৱিষ্ট হৈ থাকে। যেনে ধৰক ইয়াৰ কথা, ইয়াত দিয়া সংগীত, সুৰ তথা পৰিচালনা-প্ৰযোজনা ইত্যাদি; শ্ৰোতাকো নতুনে আকৰ্ষণ কৰে। পৰিৱৰ্তন যিহেটো প্ৰকৃতিৰ নিয়ম গতিকে এনে নিয়মৰে বশৱৰ্তী আমিবোৰ। প্ৰণৱ প্ৰিয়াংকুশ বৰুৱাৰ কণ্ঠৰ লগতে তেওঁ নিজে সুৰ-সংগীতে সঁজোৱা একোটা গীতেও জনসাধাৰণৰ আকৰ্ষণ টানিবলৈ সক্ষম হৈছে। নিজ নিজ ৰৈ যোৱা প্ৰকল্পসমূহক লগত লৈ স্তব্ধতাই বিৰাজ কৰিলেও ইটোৰ পিছত সিটোকৈ আহিছে ভাল খবৰ। আহিবলগীয়া গীতসমূহৰ সৈতে যদিহে এক চিনাকী প্ৰিয় কণ্ঠ জড়িত হয় থাকে তেতিয়াহ’লে তাতকৈ অধিক ভাললগা কথা অইন কি হ’ব পাৰে!

“যুঁজি যাওঁ” ৰ মুক্তিৰ পিছতেই আমাৰ তৰফৰ পৰা গীতটিৰ সফলতা কামনা কৰিছোঁ। লগতে, গীতটিৰ সৈতে জড়িত কলা-কুশলীক জনাইছোঁ অশেষ শুভকামনা।

বিগত বৰ্ষৰ ১৯ মাৰ্চত মুক্তিপাবলগীয়া এই গীতটিত কথা প্ৰণৱ প্ৰিয়াংকুশ বৰুৱাৰ। লগতে, গীতটিত সংগীত পৰিচালনা কৰিছে পল্লৱ তালুকদাৰে আৰু “মধুলগন” ৰ ভিডিঅ’ পৰিচালনাৰ দায়িত্বত আছিল শচীন বৰুৱাৰ। ইয়াৰ উপৰিও, গীতটিত অভিনয় কৰিছে দীপলিনাৰ লগতে প্ৰণৱ প্ৰিয়াংকুশ বৰুৱাই। উক্ত গীতটিক লৈ দৰ্শক উৎসাহিত হোৱাৰ আন কাৰণো অৱশ্যে নথকা নহয়; এই গীতটিত দীপলিনাক দেখিবলৈ পোৱা কইনা সাঁজেৰে লগতে হোঁমৰ গুৰিত বহি থকা দীপলিনাৰ লুকটোৱে নৱ প্ৰজন্মৰ বহু যুৱকৰ হৃদয়ত খলকনি লগাবলৈ সক্ষম হৈছিল। আনহাতে, উক্ত গীতটিৰ পিছত দীপলিনা ডেকা আৰু প্ৰণৱ প্ৰিয়াংকুশ বৰুৱাৰ যুঁটিটোক লৈ উৎকন্ঠিত হৈ পৰিছিল; তেওঁলোকৰ তৰফৰ পৰা আন বহু প্ৰকল্পৰ আশাও অনাগত দিনত কৰিছে তেওঁলোকৰ অনুৰাগীয়ে। উল্লেখ্য যে, দীপলিনা ডেকাৰ শেহতীয়াকৈ মুক্তিপ্ৰাপ্ত কেইবাটাও গীতে ইতিমধ্যে শ্ৰোতা-দৰ্শকক আকৰ্ষণ কৰিছে।

ইয়াৰ লগতে, প্ৰণৱ প্ৰিয়াংকুশ বৰুৱা ব্যস্ত তেওঁৰ এলবাম “এক যোগ এক” গীত সমূহক জনসাধাৰণৰ মাজলৈ উলিয়াই অনাত। “মধুলগন” ৰ বৰ্ষপূৰ্তি তথা সফলতাক লৈ ৰূপালীপৰ্দাৰ তৰফৰ পৰা প্ৰত্যেককে জনাইছো শুভকামনা।

অহা ২১ মাৰ্চ তাৰিখে আহিবলগীয়া হোলী কেন্দ্ৰিক গীতটিৰ ভিডিঅ’ ৰ শ্বুটিং কৰা হ’ব। গীতটিত কথা দিছে বৰ্তমান সময়ৰ সকলোৰে পৰিচিত ৰাহুল গৌতম শৰ্মাই লগতে ইয়াত সংগীত কৰিছে Mystic Production House ৰ সৈতে জড়িত তথা ৰাষ্ট্ৰীয় প্ৰেক্ষাপটত চিনাকী পল্লৱ তালুকদাৰে। শব্দ সংমিশ্ৰণ কৰিছে জনপ্ৰিয় ইবচন লাল বৰুৱাৰ লগতে এডিশ্বনেল প্ৰগ্ৰেমিং নৱপ্ৰজন্মৰ প্ৰতিভা মৃন্ময় তালুকদাৰৰ। প্ৰণৱ প্ৰিয়াংকুশ বৰুৱাৰ বেণ্ডমেট কেইগৰাকীৰ সহযোগিতাত নিৰ্মিত গীতটি হোলীৰ সময়ছোৱাতে মুকলি কৰি দিয়া হ’ব বুলি ইতিমধ্যে জানিব পৰা গৈছে। বৰপেটাৰ যুৱক তথা ৰাষ্ট্ৰীয় প্ৰেক্ষাপটত প্ৰতিষ্ঠিত হৃদয় বাবা গীতটিত বাদ্যযন্ত্ৰৰ বিভাগটোত জড়িত। লগতে, প্ৰণৱৰ প্ৰতিটো প্ৰকল্পৰ সৈতেও জড়িত হৃদয় বাবা। উল্লেখ্য যে , ৬ টা গীত সমৃদ্ধ “এক যোগ এক” এলবামটো প্ৰণৱ প্ৰিয়াংকুশ বৰুৱাৰ উল্লেখনীয় প্ৰকল্প; এই এলবামটোৰ আহিবলগীয়া গীতটিৰ নাম হৈছে “যুঁজি যাওঁ”। তেওঁ ইতিমধ্যে এই গীতটিৰো আৰম্ভ কৰিছে প্ৰস্তুষ্টি।

প্ৰণৱ প্ৰিয়াংকুশ বৰুৱাৰ এই আটাইবোৰ প্ৰকল্পক লৈ ৰূপালীপৰ্দাৰ তৰফৰ পৰা জনাইছো শুভকামনা। আহিবলগীয়া দিনবোৰৰ প্ৰতি লক্ষ্য ৰাখি যদি কোৱা হয় তেনেহ’লে মনোৰঞ্জন ক্ষেত্ৰখনত পুংখানুপুংখভাৱে অন্তৰ্ভূক্ত হ’বলৈ একাংশ নৱপ্ৰজন্মই এতিয়া অহৰহ প্ৰচেষ্টা হাতত লৈছে।

অসমৰ সংগীত ক্ষেত্ৰখনত বিগত বৰ্ষৰ পৰা জড়িত হৈ পৰা এইগৰাকী কন্ঠশিল্পীক ৰূপালীপৰ্দাৰ ফালৰ পৰা হোৱা কথা-বতৰাত যেতিয়া তেওঁৰ গীত সমূহৰ আগন্তুক পৰিকল্পনা আৰু শেহতীয়াকৈ মুক্তিপ্ৰাপ্ত গীত “মধুলগন” ৰ জনপ্ৰিয়তাৰ বিষয়ে সোধা হৈছিল তেতিয়া তেওঁ কৈছিল যে, “মধুলগন” ক শ্ৰোতা অথবা দৰ্শকে ইমান সঁহাৰি দিছে; সেইটো আচলতে এক বুজাব নোৱাৰা অনুভৱ কিয়নো দীপলিনা বৰ্তমান জনপ্ৰিয় আৰু তেওঁ জনপ্ৰিয়তাৰ যিটো শিখৰলৈ উঠি যাব লাগে সেইটো তেওঁ উঠি গৈ আছে। কিন্তু, যেতিয়া “মধুলগন” গীতটোত কেৱল শ্ৰোতাই দীপলিনাকেই নহয়; মোক বা পল্লৱ তালুকদাৰ নাইবা গীতটোৰ সৈতে জড়িত গোটেই টীমটোক প্ৰশংসা ও উৎসাহিত কৰিছে সেইটোয়ে বৰ ভাল লগা অনুভৱ। এইখিনিতে, এটা কথা উল্লেখ কৰিবই লাগিব যে দীপলিনাই নিজৰ সৈতে টীমৰ সদস্যসকলৰ কামক সঁহাৰি জনায়; নিজৰ লগত কাম কৰিবলৈ এটা “কমফৰ্ট জ’ন” ৰ তেওঁ সৃষ্টি কৰে গতিকে তেওঁৰ সৈতে কাম কৰাটো আৰু অধিক সহজ হৈ পৰে। এই গীতটোত কথা দিয়া আৰু কন্ঠদান কৰাৰ লগতে ইয়াৰ ব্যৱস্থাপনাও মইয়ে কৰিছো। অসমত যিহেটো বৰ বেছি কাম এতিয়ালৈ মই কৰা নাই গতিকে এয়া মোৰ আদি পাঠ; আৰু ইয়াতেই পোৱা ৰাইজৰ প্ৰশংসাই এতিয়া মোক উৎসাহিত কৰিছে।”

ইয়াৰ উপৰিও তেওঁ আগন্তুক প্ৰজেক্টৰ বিষয়ে কয় যে, “মই মোৰ বেণ্ডৰ সৈতে ঘূৰি ফুৰা ল’ৰা। অসমত মই কিছু কাম কৰো বুলিহে ইয়াত এতিয়া ৰৈ আছো। “মধুলগন” অহাৰ আগতেই মোৰ এলবাম “এক যোগ এক” ৰ এটি গীত “শেষ”-এ ইতিমধ্যে মুক্তি লাভ কৰিছে। আগন্তুক সময়ত এই এলবামটোৰে গোটেই কেইটা গীত মই মুকলি কৰাৰ পৰিকল্পনা কৰিছো। ইয়াৰ লগতে, পল্লৱ তালুকদাৰ আৰু মই একেলগে কাম কৰি আছো আৰু আগন্তুক সময়লৈ কৰি গৈ থাকিম; তাৰ সৈতে সাংগীতিক যি বুজা-বুজি আছে সেয়া বৰ আন্তৰিকাৰে আমি ধৰি ৰাখিছো। আনহাতে, পল্লৱ আৰু মই লগ হৈ সংগীত ক্ষেত্ৰৰ আন আন কন্ঠশিল্পীৰ বাবেও কাম কৰি আছো; মই লিখাৰ লগতে ইয়াৰ ব্যৱস্থাপনাৰ দায়িত্বতো আছো। আৰু, দীপলিনাৰ সৈতে মোৰ যুঁটিটোত দৰ্শকে সহাঁৰি জনাইছে গতিকে তেওঁৰ সৈতেও মোৰ কেইটামান প্ৰকল্প আহিবলগীয়া আছে। আকৌ, মই অভিনীত “অনুভৱ মোৰ” গীতটি মোৰ অভিনয়ৰ প্ৰথমটো কাম। আইচেংফা বৰুৱা মোৰ নিজৰ বাৰ দৰে গতিকে তেওঁৰ সৈতে কাম কৰিবলৈ পোৱাটোও আচলতে মোৰ সোভাগ্য।”

আগন্তুক ৩০ মে’ তাৰিখলৈ গীতটিৰ “কভাৰ” গাই ভিডিঅ’ আপলোড কৰিব পাৰিব প্ৰতিযোগিয়ে। উল্লেখ্য যে,উক্ত গীতটি মুক্তি লাভ কৰা পিছতেই লাভ কৰিছিল দৰ্শকৰ বহুল সঁহাৰি। দীপলিনা তথা পল্লৱ প্ৰিয়াংকুশৰ যুঁটীয়া কন্ঠই গীতটিক আৰু অধিক উপভোগ্য কৰি তুলিছিল বুলি শ্ৰোতা ও দৰ্শকে ইতিমধ্যে স্বীকাৰ কৰিছে। গতিকে, দীপলিনাৰ অনুৰাগীৰ বাবেই এয়াই হৈছে সোণালী সুযোগ য’ত তেওঁৰ গীতৰ “কভাৰ” প্ৰস্তুত কৰি কাষ চাপিব পাৰিব দীপলিনাৰ।

“লক-ডাউনে” ইতিমধ্যে ৰাইজৰ মাজত থকা বহু সুপ্ত প্ৰতিভাক প্ৰদৰ্শিত কৰোৱাইছে। সকলোৱে এইকেইদিনত বহু নতুন গীত তথা চুটি ছবি উপভোগ কৰিবলৈ সক্ষম হৈছে। অভিনয়, সংলাপ আদিৰ বিভিন্ন প্ৰতিযোগিতাও অনুষ্ঠিত হৈছে এইকেইটা দিনত