আচলতে, ৰাজকুমাৰ ঠাকুৰীয়া নামটো চচিয়েল মিডিয়াত যেতিয়াই লোৱা হয় তেতিয়া কাৰোবাক জোকাবলৈ অথবা তেওঁকেই উপলুঙা কৰিবলৈহে লোৱা হয়। কিন্তু, ৰাজকুমাৰৰ এনে কাৰ্যই এতিয়া প্ৰত্যেককে প্ৰশংসা কৰিবলৈ বাধ্য কৰি তুলিছে। এগৰাকী পেঞ্চনাৰ হোৱা পিছতো তেওঁৰ এনে মানসিকতাই এতিয়া প্ৰত্যেকজন নাগৰিকক আকৰ্ষিত কৰিছে।

আগলৈ তেওঁ কয় যে, “শেহতীয়াকৈ মই ব্যস্ত হৈ আছো “যোদ্ধা” নামে ছবিখনৰ সৈতে। আৰু কেইটামান প্ৰকল্প আছে, ৰাইজক সময়ত জনাই যাম।” ৰাজকুমাৰৰ মুখেৰে “যোদ্ধা” ছবিখনৰ বিষয়ে জানিবলৈ বিচৰাত তেওঁ কয় যে, “যোদ্ধা বুলি ক’লে ইংৰাজী সেইটো হ’ব Fighter। কিন্তু আমাৰ ছবিখনৰ এই “যোদ্ধা” গৰাকী কোনো ৰণক্ষেত্ৰৰ যোদ্ধা নহয়; তেওঁ হৈছে নিজ ব্যক্তিগত জীৱনত চলি থকা একোখন ৰণৰ যোদ্ধা। আমাৰ প্ৰত্যেকেৰে জীৱনত আচলতে ঘাত-প্ৰতিঘাত আছে; কিন্তু এই ঘাত- প্ৰতিঘাত সমূহ থাকিলেও যেতিয়া আমি ধনাত্মক মনোভাৱেৰে আগবাঢ়ি গৈ নিজ লক্ষ্যস্থান পাবলৈ চেষ্টা কৰো তেতিয়াই আমি নিজৰ মাজত একোগৰাকী “যোদ্ধা” ক জন্ম দিবলৈ সক্ষম হওঁ। এই ছবিখনত বিশেষকৈ নৱপ্ৰজন্মৰ বাবে এক বাৰ্তা আছে; সম্প্ৰতি সময়ছোৱাত আমি বহু হতাশগ্ৰস্ত নৱপ্ৰজন্ম দেখিছো কিন্তু এই হতাশাক নিজৰ মজবুত দিশ বুলি জ্ঞান কৰি পৰিস্থিতিৰ সৈতে কেনেদৰে মোকাবিলা কৰিব পৰা যায় তেনে এক বাৰ্তা দিয়া হৈছে “যোদ্ধা” ছবিখনত।” যোদ্ধা” ৰ বাদেও অইন প্ৰকল্পৰ কথা জানিবলৈ বিচৰাত তেওঁ কয় যে, “যোদ্ধা” ৰ লগতে আন দুখন ছবিৰ কথা আলোচনা হৈ আছে। সময়ত ৰাইজক নিশ্চয় জনাম। লগতে, মই কিছুমান কৰ্মৰ সৈতেও জড়িত। প্ৰকৃতি, জীৱজন্তুৰ লগতে অসহায় লোক সকলক সহায় আগবঢ়াবলৈ চেষ্টা অব্যাহত ৰাখিছো আৰু আগলৈও ৰাখিম।”

উল্লেখ্য যে, সমৰ কলাত ব্লেক ব্লেটপ্ৰাপ্ত ৰাজকুমাৰ সামাজিক কৰ্মৰ সৈতেও জড়িত। তেওঁ লক-ডাউনৰ সময়ছোৱাত ৫০০ তকৈ অধিক পৰিয়ালক আৱশ্যকীয় সা-সামগ্ৰী প্ৰদানৰ লগতে ৰাজকুমাৰে তেওঁৰ জন্মঅঞ্চলৰ লগতে আন ঠাইৰ কেইবাটাও পৰিয়ালৰ দায়িত্ব নিজ মূৰ পাতি লৈছিল। ৰাজকুমাৰৰ এনে দায়িত্ব অথবা কৰ্মসমূহৰ বাবে তেওঁক ৰূপালীপৰ্দাৰ ফালৰ পৰা জনাইছো শুভকামনা।