তেওঁ কোনো শ্বাহৰুখ অথবা ছলমান খান নহয় বুলি কোৱাৰ লগতে তেওঁ কয় যে “মই কোনো ডাঙৰ ষ্টাৰ নহ’লেও মই আজি য’ত আছো তাত মোৰ নিজৰ অনুৰাগী বোৰ আছে। মই লগা হ’লে ৱেব চিৰিজ কৰো অথবা ধাৰাবাহিক আৰু নহ’লে চিনেমাই নকৰো কিয়; মোৰ পপুলাৰিটী কোনো ক্ষেত্ৰতে কম নাই হোৱা যেন মোৰ অনুভৱ হয়।”

যোৱা ২০ টা বৰ্ষই অভিনয়ৰ সৈতে ওতঃপ্ৰোত ভাৱে জড়িত এই অভিনেতা গৰাকীয়ে লগতে কয় যে, “এই গ্লেমাৰৰ ক্ষেত্ৰখনত কাম পোৱা একেবাৰেই কঠিন। আনকি ইয়াত ৯০ শতাংশ লোকে অডিশ্বন দিয়েই নিজৰ সম্পূৰ্ণ জীৱন কটাই দিয়ে।”

ৰাম কাপুৰে এনেবোৰ কথা কোৱা লগতে নিজৰ দিনলিপিও দৰ্শকক জানিবলৈ দিয়ে। ১৩০ কিলো ওজনৰ পৰা ২৫-৩০ কিলো কমোৱা এই অভিনেতা গৰাকীক আগন্তুক সময়ত কেনে ধৰণৰ চৰিত্ৰত দেখিবলৈ পোৱা যাব সেয়া হ’ব লক্ষণীয়।

ৰাম কাপুৰে নিজৰ ১৩৫ কেজিৰ পৰা প্ৰায় ২৫-৩০ কেজি কমাবলৈ নিজ অভিনয় ক্ষেত্ৰৰ পৰা ৬ মাহৰ অৱসৰ লৈছিল। তেওঁ নিজ কৰ্মজীৱনৰ আনুমানিক ১০ বছৰ কাল এটা “আনফিট” দেহ লৈ জীয়াই আছিল ; গতিকে তেওঁ এতিয়া নিজ দেহক প্ৰথম প্ৰাধান্য দিবলৈ চেষ্টা কৰিছে। ইয়াৰ লগতে তেওঁ উল্লেখ কৰে যে, “মই ৰাতিপুৱা শুই উঠি খালী পেটত ১ ঘণ্টা সময় ওজন দাঙো (weight lifting) । ইয়াৰ পিছত ৰাতি আকৌ টোপনি মৰা আগত একেবাৰে কমকৈ খাদ্য খাওঁ। দিনটোৰ ১৬ ঘণ্টা সময় মই একোৱে নাখাওঁ লগতে চেনি, তেল আৰু চৰ্বী জাতীয় বস্তুবোৰৰ পৰা দূৰত থাকো।”

অভিনতাগৰাকীয়ে দৰ্শকক অথবা নিজ অনুৰাগী সকলক ইমান বছৰে তেওঁক এনেকৈয়ে গ্ৰহণ কৰাৰ বাবে ধন্যবাদ জনোৱাৰ লগতে তেওঁ ইমানদিনে কৰি থকা চৰিত্ৰসমূহৰ সৈতে বৰ্তমান চৰিত্ৰৰ কিছু সাল-সলনি ঘটিব বুলিও মত প্ৰকাশ কৰে। এক কথাত ক’বলৈ গ’লৈ ৰাম কাপুৰৰ এই ট্ৰেন্সফ’ৰমেছনে বহু লোকক উৎসাহিত কৰাৰ লগতে নিশ্চয়কৈ দৰ্শকৰ মন টানিবলৈ সক্ষম হৈছে।

অভিনেতা গৰাকীয়ে নিজক “ফিট” ৰখাৰ এই কষ্টকৰ সময়ছোৱাত পত্নী গৌতমী কাপুৰৰো হাত থকা বুলি উল্লেখ কৰে। গৌতমী কাপুৰ নিজেই এগৰাকী “ফিট” মহিলা গতিকে পত্নীৰ এই “ফিটনেছে” তেওঁক ক’ব নোৱাৰাকৈয়ে যথেষ্ট অনুপ্ৰেৰণা জগোৱা বুলি ব্যক্ত কৰে।

ৰাম কাপুৰৰ “ফিট” দেহৰ সৈতে সৰু পৰ্দাত তেওঁক কেনেধৰণৰ চৰিত্ৰত দেখা পোৱা যাব সেয়া হ’ব লক্ষণীয়।