অভিনেতা গৰাকীয়ে আগলৈ কয় যে, মই বিশ্বাস কৰো যে ছবি ক্ষেত্ৰখনে আকৌ এবাৰ নিজৰ ভৰিত থিয় হ’ব পাৰিব। ই হাজাৰজন শ্ৰোতাৰ আমদানিৰ কাৰণ; ই লোকক মনোৰঞ্জন দিয়াৰ সমান্তৰালকৈ ই দৰ্শকক কামো প্ৰদান কৰে। আমি “লক-ডাউন” ৰ সময়ছোৱাত এক গুৰুত্বপূৰ্ণ কথা অনুভৱ কৰিছো যিটো হ’ল মনোৰঞ্জনৰ মহত্ব; ডিজিটেল প্লেটফৰ্ম বোৰত আমি কন্টেন্ট বোৰ ৰাখিবলৈ চেষ্টা কৰিছিলো। কলা আমাৰ জীৱনৰ এক অভিন্ন অংগ; আমি আগন্তুক সময়ত নিশ্চয়কৈ পূৰ্বৰ স্থিতিলৈ ঘূৰি আহিম।”

ৰণদীপ হুড্ডাই এখন ফটোৰ লগতে টুইট কৰি কয় যে, ” যদিহে সমগ্ৰ বিশ্বই ডিচপজেবল মাস্ক পৰিধান কৰে তেনেহ’লে সাগৰ কিমান প্ৰদূষণ হ’ব? ব’লক আনি “Reusable” মাস্ক পৰিধান কৰো; তেনেহ’লে ক’ৰ’ণা শেষ হোৱাটো আমি প্ৰকৃতিক ধ্বংসৰ পৰা বচাব পাৰিম। মোক এই মাস্ক খন দিছে মোৰ বিল্ডিঙৰ প্ৰেসিডেন্টে। মই এই মাস্কখন লগাই দৌৰিবও পাৰো। লোকেলৰ বাবে ভোকেল। আত্মনিৰ্ভৰ হওঁক।” ইয়াৰ পূৰ্বেও অভিনেতা গৰাকীয়ে অসমৰ দিহিং পাটকাই বৰষাৰণ্যত হ’বলগীয়া কয়লা খননৰ বিৰুদ্ধে মাত মাতিছিল।

ৰণদ্বীপ হুড্ডাই কয় যে এজন অভিনেতাই সকলো পৰিস্থিতি তথা সকলো ষ্টাইলক নিজৰ কৰি ল’বলৈ চেষ্টা কৰিব লাগে। সমান্তৰালভাৱে অভিনেতা গৰাকীয়ে ছলমান খানক উদ্দেশ্যি কয় যে “ছলমান মোৰ বহুত ভাল বন্ধু আৰু তেওঁৰ সৈতে কাম কৰিলে তেওঁ মোক উৎসাহিত কৰি তোলে। ছলমানৰ জৰিয়তে মোৰ কাম বহু লোকৰ ওচৰলৈ গৈছে আৰু মই সমাদৰো লাভ কৰিছো।

গ্ৰেজুৱেচন আৰু এম.বি.এ ৰ বাবে তেওঁ যেতিয়া অষ্ট্ৰেলিয়ালৈ গৈছিল তেতিয়া তেওঁ নিজৰ শিক্ষাৰ বাবে নিজেই টকা উলিওৱাৰ চেষ্টা কৰিছিল। টেক্সি চলোৱাৰ লগতে তেওঁ ৰেষ্টুৰেণ্টতো কাম কৰিছিল। এটা সাধাৰণ পৰিয়ালৰ পৰা ওলাই অহা ৰণদীপ হুড্ডাৰ পিতৃ-মাতৃয়ে তেওঁক এগৰাকী ডাক্তৰ ৰূপত চাবলৈ বিচাৰিছিল।

ভাৰতলৈ ঘূৰি আহি অভিনেতা গৰাকীয়ে এটা এয়াৰলাইন কোম্পানীত কাম কৰিছিল আৰু তেতিয়াই মডেলিঙৰ প্ৰতি আকৰ্ষিত হৈ এটা থিয়েটাৰ গ্ৰুপৰ সৈতে জড়িত হৈ পৰিছিল। তেওঁৰ নাটকৰ আখৰা কৰি থকা সময়তে তেওঁক পৰিচালক মীৰা নায়কে লগ পায় আৰু তেওঁক “মনচুন ৱেডিং” ছবিখনৰ বাবে গ্ৰহণ কৰে।

ইয়াৰ পিছত,তেওঁ অভিনীত “ওৱান্স আপন এ টাইম ইন মুম্বাই” ৰ দ্বাৰা ৰণদীপ হুড্ডাৰ এক নতুন চিনাকী বলীউড ক্ষেত্ৰলৈ আহে। তেওঁৰ জনপ্ৰিয় ছবি কেইখন হ’ল “হাইৱে”, “সৰৱজিৎ”, “সাহেৱ,বিবি ঔৰ গেংগষ্টাৰ”, “ৰংগৰসিয়া”, “মে ঔৰ চাৰ্লস”, “মৰ্ডৰ ৩” আৰু “দো লফজো কি কাহানী”।