তেওঁৰ সাংগীতিক ছবি “ৰজনজনাই” ৰ দ্বাৰা আহিছে এই নতুন ভাল খবৰটো। চলিত বৰ্ষৰ “Lift-off Global” ছবি সমাৰোহত উক্ত প্ৰকল্প “ৰজনজনাই” য়ে মনোনয়ন লাভ কৰাৰ সমান্তৰালকৈ ১৮ সংখ্যক “Mumbai Frames” ছবি সমাৰোহতো ই জনসাধাৰণ তথা সমালোচকৰ বহুল প্ৰশংসা লাভ কৰিবলৈ সক্ষম হৈছিল। ইয়াৰ উপৰিও নিউৱৰ্ক, চিকাগো, আমেৰিকা আদিকে আৰম্ভ কৰি ৰাষ্ট্ৰীয়-আন্তঃৰাষ্ট্ৰীয় প্ৰেক্ষাপটৰ কেইবাখনো ছবি সমাৰোহত এই প্ৰকল্পটোৱে মনোনয়ন প্ৰাপ্তিৰ দ্বাৰা বুটলিছে সমাদৰ। আকৌ, আহো এইবাৰ নিহাৰ কাশ্যপৰ “শংকৰদেৱ” ৰ মাজলৈ; এই বৰগীতটিক ফিউজন কৰোৱাই প্ৰস্তুত কৰি উলিওৱা হৈছে। য’ত সংগীতৰ লগতে শব্দ-সংমিশ্ৰণ কৰিছে প্ৰিয়াংকু বৰদলৈয়ে; এগৰাকী মুম্বাই প্ৰতিষ্ঠিত অসম সন্তান আৰু গীতাৰিষ্ট প্ৰিয়াংকু বৰদলৈ তৃতীয়-চতূৰ্থ শ্ৰেণীৰ পৰা নিজ পিতৃ সমুখত গীতাৰৰ শিক্ষা গ্ৰহণ কৰিছিল। তেওঁ ষষ্ঠ শ্ৰেণীৰ আৰম্ভ কৰিছিল ক্লাছিকেল গীতৰ শিক্ষা। তেওঁৰ প্ৰথমটো এলবামৰ নাম আছিল “ধোঁৱা”; কন্ঠদান কৰি নিজেই ভাল নোপোৱা বাবেই সংগীত প্ৰযোজনাৰ দিশটোত অধিক গুৰুত্ব দিয়া প্ৰিয়াংকু বৰদলৈৰ প্ৰকল্প সমূহো উল্লেখনীয়। লগতে, ইয়াৰ এডিশ্বনেল প্ৰগ্ৰেমিং নিহাৰ কাশ্যপ তথা যন্ত্ৰৰ; বিষয়বস্তু নমিতা ঠাকুৰীয়াৰ। থলুৱা বাদ্যযন্ত্ৰৰ দায়িত্বত আছে বিমান।

ইতিমধ্যে, উক্ত প্ৰকল্পটোৰ সৈতে জড়িত প্ৰতিজন কলা-কুশলীৰ প্ৰচেষ্টাক সমাদৰ জনাইছে প্ৰত্যেকেই। তেওঁলোকক ৰূপালীপৰ্দাৰ ফালৰ পৰা আমিও জনাইছো শুভকামনা।