গীতটিৰ ভিডিঅ’ পৰিচালনা, দৃশ্যগ্ৰহণ আৰু সম্পাদনা অপুৰাজ গগৈৰ। নৱপ্ৰজন্মৰেই আন এগৰাকী অন্যতম পৰিচালক অপুৰাজৰ পৰিচালনাৰে শেহতীয়াকৈ মুক্তিপ্ৰাপ্ত প্ৰায় প্ৰতিটো গীতৰ বিষয়বস্তু সুকীয়া। প্ৰতিটো গীতৰ নিজস্বতা বজাই ৰাখিবলৈ চেষ্টা কৰা দেখিবলৈ পোৱা গৈছে পৰিচালক গৰাকীক। ইয়াত অভিনয় কৰিছে দীপজ্যোতি মহন্ত আৰু ৰাজশ্ৰী শইকীয়াই, দীপজ্যোতি মহন্তৰ পূৰ্বৰ গীতসমূহৰ তুলনাত সদ্যমুক্তিপ্ৰাপ্ত ‘তই নাচাবি আনলৈ’ শীৰ্ষক এই গীতটিত তেওঁক নতুন ৰূপত দেখা পোৱা গ’ল। আপোনালোকৰ মাজৰ যিসমূহে গীতটি উপভোগ কৰিছে তেওঁলোকে নিশ্চয় এই বিষয়টোক লৈ অৱগত। গীতটিত সুৰ কৰিছে বিকি কলিতাই আৰু সংগীত কৰিছে বাবন বৰ্ণিলে। শব্দ-সংমিশ্ৰণ কৰিছে কৌস্তভ শইকীয়াই। বৰ্তমান সময়ত ভাল ভাল গীতৰ সমাহাৰ ঘটিছে অসমীয়া সংগীত জগতত। এটি গীতৰ স্থায়ীয়তা লাভ কৰিব হ’লে প্ৰথমতে গীতটি শ্ৰুতিমধুৰ হোৱাৰ লগতে গীতৰ সুৰ আৰু কণ্ঠশিল্পী গৰাকীৰ উপস্থাপনৰ দিশটো হ’ব লাগিব অনবদ্য। সংগীতৰ অলংকাৰে মনত আলোড়নৰ সৃষ্টি কৰিব পৰা ক্ষমতা থাকিলেই গীতে সমাদাৰ লাভ কৰাটো নিশ্চিত হৈ পৰে।

ৰাজশ্ৰী শইকীয়া আৰু বিকি কলিতাৰ যুটিৰে আন বহু গীতৰ বাবে অপেক্ষা কৰিছে বৰ্তমান প্ৰতিগৰাকী জনসাধাৰণে। ‘তই নাচাবি আনলৈ’ শীৰ্ষক গীতটিক ৰূপালীপৰ্দাৰ ফালৰ পৰা জনাইছোঁ শুভকামনা।

আনহাতে, নৱপ্ৰজন্মৰ অন্তৰ্ভূক্তিৰে সংগীত ক্ষেত্ৰখনে নতুনত্ব পাবলৈ সক্ষম হৈছে। নতুন কণ্ঠ, নতুন গীতে প্ৰতিদিনে সমাদৰ লাভ কৰি আহিছে। চচিয়েল মিডিয়াৰ যুগত আমি কোনো এটা গীতৰ যেতিয়া ততোধিক চৰ্চা ৰাইজৰ মাজত হোৱা দেখিবলৈ পাওঁ তেতিয়া একাষাৰে সেই গীতটিৰ জনপ্ৰিয়তাক আমি বুজিবলৈ সক্ষম হওঁ। বিকি কলিতাৰ “তোমাকে নাপালে” শীৰ্ষক গীতটি ঠিক তেনেধৰণে আকৰ্ষণ কৰিছিল ৰাইজক, গীতটিত উপস্থাপিত ভিডিঅ’ অথবা ইয়াৰ কথা লগতে কণ্ঠশিল্পী গৰাকীৰ কণ্ঠ আছিল লেখত ল’বলগীয়া। এই দুয়োগৰাকীৰ কণ্ঠৰে মুক্তিপাবলগীয়া “তই নাচাবি আনলৈ” শীৰ্ষক গীতটিৰ বাবে সেইবাবেই অপেক্ষাৰত বহুজন। উঠি অহা প্ৰজন্মৰ বহু যুৱক-যুৱতীৰ প্ৰতিভাই ইতিমধ্যে আপ্লুত কৰিছে জনসাধাৰণক। কোনোৱে যদি নতুনৰ আৱিষ্কাৰ কৰিছে আনহাতে কোনোৱে আকৌ লুপ্ত হ’বলৈ ধৰা বিষয়বোৰক আকৌ এবাৰ সাধাৰণজনৰ মাজলৈ উভতাই আনিছে; মুঠতে অবিৰত ধাৰাত চলি থকা এই সাংস্কৃতিক ক্ষেত্ৰখনে নিৰৱিচ্চিন্ন ভাৱে কৰিছে নিজ কাম। দৰ্শক-শ্ৰোতাক কেৱল মাত্ৰ মনোৰঞ্জন প্ৰদান কৰি আমোদ দিয়াই নহয়; সম্প্ৰতি নৱপ্ৰজন্মৰ সৃষ্টিত অন্তৰ্ভূক্ত জ্ঞানকো হৃদয়ংগম কৰিছে বহু সচেতন লোকে। সংগীত ক্ষেত্ৰখনৰ বিষয়ে যদিও ক’বলৈ যাওঁ তেনেহ’লে ইয়াত প্ৰতিটো দিনত একোটা নতুন সৃষ্টি হৈছে। য’ত কোনোবাই আৰম্ভণিৰ প্ৰথমটো খোজ পেলাইছে আনহাতে কোনোৱে আকৌ নিজৰ সৃষ্টিত নতুনৰ যোগান ধৰি নিজ অনুৰাগীৰ তালিকা দীঘলীয়া কৰিছে।

মুঠতে, পূৰ্বেও উল্লেখ কৰাৰ দৰেই এই ক্ষেত্ৰখনৰ এক সুন্দৰ যাত্ৰা অবিৰত ভাৱে চলি গৈ আছে। ৰাজশ্ৰী শইকীয়া আৰু বিকি কলিতাৰ আহিবলগীয়া গীতটিৰ বাবে তেওঁলোকক জনাইছোঁ শুভকামনা।

গীতটি হিতেশ দেউৰী প্ৰডাকচন বেনাৰত মুক্তি লাভ কৰিছে। ইয়াৰ পূৰ্বেও হিতেশ দেউৰী প্ৰডাকচনৰ বেনাৰত বাবন বৰ্ণিলৰ সংগীত আৰু বিদ্যুৎ বিকাশৰ সুৰেৰে নীল আকাশৰ কণ্ঠৰ “নীলিম হাঁহি” গীতটিয়ে সমাদৰ লাভ কৰিছিল। অনাগত দিনত উক্ত প্ৰডাকচন হাউচৰ বেনাৰত বহুটো কাম অহাৰ লগতে নতুন প্ৰতিভাক সুযোগত আগ-ভাগ লৈছে হাউচটোৱে। এই সংগীত ক্ষেত্ৰখনলৈ বৰ্তমান বহুত ন-ন শিল্পী, কলা-কুশলী আগবাঢ়ি আহিছে; ইয়াত একাংশৰ সৃষ্টিও হৈছে লেখত ল’বলগীয়া। আনহাতে, এনে সুন্দৰ কথাৰ সৈতে যেতিয়া শ্ৰোতাই এটা হৃদয়স্পৰ্শী কন্ঠক শুনিবলৈ পায় তেতিয়াই আচলতে এটি গীত সফলতাৰ শাৰীত খোজ দিয়ে। শেহতীয়াকৈ ওপৰত উল্লেখ কৰা প্ৰতিভা কেইগৰাকীৰ প্ৰচেষ্টাৰে মুক্তি লাভ কৰিছিল এটি নতুন গীত “চালে চকুলে”। গীতটিত দ্বৈতভাৱে কণ্ঠদান কৰিছে বিকি কলিতা আৰু বাবন বৰ্ণিলে। আনহাতে, ইয়াত কথা প্ৰশান্ত দাসৰ আৰু সুৰ কৰিছে বিকি কলিতাই নিজেই। ইয়াৰ লগতে, গীতটিত সংগীত কৰিছে নৱপ্ৰজন্মৰ আন এগৰাকী প্ৰতিভাবান হৰ্ষৰাজ পাঠকে। সাংস্কৃতিক ক্ষেত্ৰখনত যেতিয়া একোজন নৱপ্ৰজন্মই নিজৰ সৰ্বস্ব দি আগবাঢ়ি যোৱাৰ চেষ্টা কৰে তেতিয়া তাতকৈ অধিক ভাল লগা বিষয় আৰু কি হ’ব পাৰে! আমি সকলোৱে বৰ্তমান প্ৰজন্মৰ কৰ্মত সেই কিবা এটা কৰাৰ অযুত ইচ্ছা দেখিবলৈ পাইছো। অইন পেছাৰ তুলনাত যেন সংগীত সাধনাই তেওঁলোকৰ জীৱনৰ একমাত্ৰ ধৰ্ম; ঠিক তেনে এক ভাৱনাৰে উঠি অহা বহু কন্ঠশিল্পীৰ গীত আমি ইতিমধ্যে শুনিছো। সংগীত বোলা এই শব্দটোৰ অৰ্থ বুজাৰ পূৰ্বেই এনে নৱপ্ৰজন্মই ইয়াৰ প্ৰতি নিজক উচৰ্গা কৰিবলৈ বিচাৰে, শ্ৰদ্ধা কৰে।

“চালে চকুলে” শীৰ্ষক এই গীতটিৰ সফলতা কামনাৰ লগতে গীতটিৰ সৈতে জড়িত প্ৰতিজন কলা-কুশলীলৈ ৰূপালীপৰ্দাৰ তৰফৰ পৰা শুভকামনা জনাইছোঁ।

পল্লৱ চাংঘৰঃ প্ৰথম কথা, ক’ৰোণাৰ ভয়াৱহতা আমি নুই কৰিব নোৱাৰোঁ; বিহু বুলিলেই আমাৰ মনবোৰ সুকীয়া অনুভৱেৰে ভৰি পৰে। গীত-মাত, নাচ-গানৰ লগত আমি বিলীন হৈ যাওঁ । যিহেতু বিগত বৰ্ষত আমি বিহু পালন কৰিব নোৱাৰিলোঁ, গতিকে তাৰ ফলস্বৰূপে অসমৰ বহু কন্ঠশিল্পী বিহু অনুষ্ঠান কৰাৰ পৰা বিৰত থাকিব লগা হ’ল । এই ভয়াৱহতাৰ কাৰণে এইবাৰো অসমৰ বিভিন্ন ঠাইত বিহু অনুষ্ঠান সমূহ পাতিবলৈ সাহস কৰিব পৰা নাই। অসমৰ বহু কন্ঠশিল্পী বিহুৰ অনুষ্ঠান পৰিৱেশন কৰি ৰাইজক আমোদ দিয়াৰ লগতে নিজৰ পৰিয়াল চলাই আহিছে; কিন্তু ক’ৰোণাৰ দ্বিতীয় ঢৌ আৰম্ভ হোৱাৰ পৰা সকলো শংকিত হৈ পৰিছে; বিভিন্ন ঠাইৰ লোক সংস্কৃতিৰ লগত জড়িত শিল্পী সকলৰ যি আগৰ উৎসাহ সেইখিনি প্ৰায়ে কমি অহা দেখিবলৈ পাইছোঁ । শিল্পী সকলে বিহুৰ পৰিৱেশৰ কাৰণে আখৰা আৰম্ভ কৰিছিল । কিন্তু, বৰ্তমান পৰিস্থিতিৰ বাবে তেওঁলোকেমনত বাৰুকৈ আঘাত পাইছে। আগৰ ষ্ফুৰ্তি , বিহুৰ আমেজ , এইখিনি কমি অহা দেখিবলৈ পাইছোঁ ।

বিকি কলিতাঃ বৰ চিন্তনীয় বিষয় হৈ উঠিছে; এনেয়ে যোৱাবছৰ যিটো ক্ষতি শিল্পী সকলৰ হ’ল সেয়া বৰ দুখ লগা কথা। তথাপিও, সকলো পাহৰি বিহুখন হ’ব বুলিয়ে অলপ সন্তুষ্টি লাভ কৰিছিল কিন্তু এতিয়া আকৌ ক’ৰোণাৰ উত্থানে শিল্পী সমাজক জুৰুলা কৰি তুলিব। শুনিবলৈ পাইছোঁ ভালে সংখ্যক কণ্ঠশিল্পীৰ ঠিক হৈ থকা অনুষ্ঠানসমূহ বাতিল হ’বলৈ ধৰিছে। এনেকৈ হ’লে কণ্ঠশিল্পী বুলিয়ে নহয় বাদ্যযন্ত্ৰী , কলা-কুশলী সকলো বৰ বিপাঙত পৰিব।

বাবন বৰ্ণিলঃ নিশ্চয়কৈ আকৌ এবাৰ ক’ৰোণাই গা কৰি উঠাৰ ফলত শিল্পী সমাজ পুনৰ এবাৰ শংকিত হৈ উঠিছে। বিগত বৰ্ষত কোনো এখন অনুষ্ঠান হোৱা নাছিল; গতিকে চলিত বৰ্ষত নহ’লে বৰ ডাঙৰ সমস্যা হ’ব বুলিয়ে মই ভাবো। তথাপিও, ক’ৰোণাৰ প্ৰতি লক্ষ্য ৰাখি সজাগ সচেতনতাৰে চৰকাৰী নিয়ম খিনি মানি অনুষ্ঠান বোৰ কৰি যাব লাগিব; আৰু যেতিয়ালৈ অনুষ্ঠান কৰিব পৰা বিধৰ অৱস্থা থাকে তেতিয়ালৈ আমি কৰি যাম। যিহেতু, দেহা থাকিলেহে বেহা। এই বেমাৰটোৰ প্ৰভাৱ বেছি হ’লে বাৰুকৈয়ে বিষয়টো চিন্তনীয় হ’ব।

নিহাৰ কাশ্যপঃ লোকগীত বাদ্যবাদক আৰু সাধাৰণ শিল্পী সমাজৰ বাবে এয়া বৰ বেয়া সময়। লোকবাদ্য বাদক বোৰৰ প্ৰসংগ মই এইটো বাবেই আনিছো কিয়নো এই সময়ছোৱাত লোকবাদ্য বাদক বোৰে এইখিনি সময়তে কিছুপৰিমাণে হ’লেও নিজক আৰ্থিকভাৱে উন্নত কৰি তোলে গতিকে এয়া ক’ৰোণা কালছোৱা তেওঁলোকৰ বাবেই প্ৰত্যাহ্বানমূলক।

অঞ্জন ফুকনঃ এচাম কণ্ঠশিল্পী মানসিকভাৱে ভাগি পৰিব। কিয়নো বহুতৰে বাবে সংগীতেই হৈছে তেওঁলোকৰ উপাৰ্জনৰ পথ। যোৱা বছৰৰ দৰে এইবাৰো তেনে পৰিস্থিতি নহওঁক তাৰে আশা কৰিছোঁ।

… উক্ত প্ৰতিজন কন্ঠশিল্পীয়ে বৰ্তমান সজাগ-সচেতনতাৰে ক’ৰোণাক নাশ কৰিবলৈ চেষ্টা অব্যাহত ৰাখিছে যদিও তেওঁলোক কোনোবাখিনিত হতাশ হৈ ৰোৱাও পৰিলক্ষিত হৈছে। আগন্তুক কালছোৱাত পৰিস্থিতি বোৰ সাম কটাৰ আশাৰে ৰূপালীপৰ্দাৰ তৰফৰ পৰা আটাইলৈ জনাইছো শুভকামনা।

গীতটিৰ ভিডিঅ’টোত আন এক নতুন যুঁটিক দেখিবলৈ পোৱা গৈছে; বিকি কলিতা আৰু সুৰভী দাসৰ এই যুঁটিটোক শেহতীয়াকৈ পচন্দও কৰিছে অনুৰাগীয়ে।ইয়াৰ ভিডিঅ’ পৰিচালনা, দৃশ্যগ্ৰহণ আৰু সম্পাদনা অপুৰাজ গগৈৰ। সহঃ দৃশ্যগ্ৰহণকাৰী লাচিত নাথ আৰু বিশ্বনয়ন বৰুৱা। ৰূপসজ্জা প্ৰিয়াশ্ৰীৰ। বৰ্তমান প্ৰায়বোৰ প্ৰকল্পৰ সৈতে জড়িত সুৰভী দাস পৰিচালক সকলৰ বাবে প্ৰথমটো নিৰ্বাচন বুলিলেও হয়টো অতিৰঞ্জিত নহ’ব। লগতে, অভিনেত্ৰী গৰাকীৰ অনুৰাগীৰ শাৰীটোও আচলতে দীঘলীয়া; তৃতীয় শ্ৰেণীৰ পৰাই সংগীত ক্ষেত্ৰখনৰ সৈতে জড়িত বৰষা বৰাই কেৱল মাত্ৰ গীতত কন্ঠদান কৰাই নহয়; তেওঁ নিজে লিখা কিছু গীতেও জনসাধাৰণৰ আকৰ্ষণ টানিবলৈ সক্ষম হৈছে। আনহাতে, নৱপ্ৰজন্মৰ কন্ঠশিল্পী ৰূপে বিকি কলিতাই অসমীয়া সংগীত ক্ষেত্ৰখনত এটা নিৰ্দ্দিষ্ট ঠাই গ্ৰহণ কৰাৰ ক্ষেত্ৰত কৰা নিৰৱিচ্চিন্ন সাধনাই বৰ্তমান তেওঁৰো অনুৰাগীৰ সংখ্যা দীঘলীয়া কৰি তুলিছে।

বিকি কলিতা আৰু সুৰভী দাসৰ নতুন যুঁটিৰ লগতে তেওঁলোকৰ এই গীতটিক লৈ ৰূপালীপৰ্দাৰ তৰফৰ পৰা জনাইছো শুভকামনা।

“তোমাকে নাপালে” শীৰ্ষক এই গীতটিৰ কথাই আপ্লুত কৰি তুলিছে সকলোকে। এই গীতটিত কথা প্ৰশান্ত দাসৰ লগতে ইয়াত সংগীত পৰিচালনা বিকি কলিতাৰ। “তোমাকে নাপালে” শীৰ্ষক গীতটিত সংগীত দিছে কন্ঠশিল্পী বাবন বৰ্ণিলে। তৃতীয় শ্ৰেণীৰ পৰাই সংগীত ক্ষেত্ৰখনৰ সৈতে জড়িত বৰ্ষা বৰাই কেৱল মাত্ৰ গীতত কন্ঠদান কৰাই নহয়; তেওঁ নিজে লিখা কিছু গীতেও জনসাধাৰণৰ আকৰ্ষণ টানিবলৈ সক্ষম হৈছে। আনহাতে, নৱপ্ৰজন্মৰ কন্ঠশিল্পী ৰূপে বিকি কলিতাই অসমীয়া সংগীত ক্ষেত্ৰখনত এটা নিৰ্দ্দিষ্ট ঠাই গ্ৰহণ কৰাৰ ক্ষেত্ৰত কৰা নিৰৱিচ্চিন্ন সাধনাই বৰ্তমান তেওঁৰো অনুৰাগীৰ সংখ্যা দীঘলীয়া কৰি তুলিছে। আহিবলগীয়া উক্ত গীতটিৰ মুক্তিৰ তাৰিখ এতিয়াও আনুষ্ঠানিকভাৱে জনোৱা হোৱা নাই।

উল্লেখ্য যে, নৱপ্ৰজন্মৰ সৃষ্টি ইমানেই অধিক গ্ৰহণযোগ্য হৈ পৰিছে যে প্ৰতিষ্ঠিত প্ৰায় প্ৰতিগৰাকী সংগীতশিল্পীয়ে এতিয়া তেওঁলোকৰ প্ৰশংসাত পঞ্চমুখ। কৃত্ৰিমতাৰ মাজত কিছু সময় জনসাধাৰণক মনোৰঞ্জনৰ অৱকাৰ দিয়াত এতিয়া সফল নৱপ্ৰজন্মৰ প্ৰতিভাসম্পন্ন যুৱক-যুৱতী সকল।

আহিবলগীয়া গীতটিৰ কথা প্ৰশান্ত দাসৰ লগতে গীতটিৰ পৰিচালনা বিকি কলিতাৰ। “তোমাকে নাপালে” শীৰ্ষক গীতটিত সংগীত দিছে কন্ঠশিল্পী বাবন বৰ্ণিলে। তৃতীয় শ্ৰেণীৰ পৰাই সংগীত ক্ষেত্ৰখনৰ সৈতে জড়িত বৰষা বৰাই কেৱল মাত্ৰ গীতত কন্ঠদান কৰাই নহয়; তেওঁ নিজে লিখা কিছু গীতেও জনসাধাৰণৰ আকৰ্ষণ টানিবলৈ সক্ষম হৈছে। আনহাতে, নৱপ্ৰজন্মৰ কন্ঠশিল্পী ৰূপে বিকি কলিতাই অসমীয়া সংগীত ক্ষেত্ৰখনত এটা নিৰ্দ্দিষ্ট ঠাই গ্ৰহণ কৰাৰ ক্ষেত্ৰত কৰা নিৰৱিচ্চিন্ন সাধনাই বৰ্তমান তেওঁৰো অনুৰাগীৰ সংখ্যা দীঘলীয়া কৰি তুলিছে। আহিবলগীয়া উক্ত গীতটিৰ মুক্তিৰ তাৰিখ এতিয়াও আনুষ্ঠানিকভাৱে জনোৱা হোৱা নাই।

উল্লেখ্য যে, নৱপ্ৰজন্মৰ সৃষ্টি ইমানেই অধিক গ্ৰহণযোগ্য হৈ পৰিছে যে প্ৰতিষ্ঠিত প্ৰায় প্ৰতিগৰাকী সংগীতশিল্পীয়ে এতিয়া তেওঁলোকৰ প্ৰশংসাত পঞ্চমুখ। কৃত্ৰিমতাৰ মাজত কিছু সময় জনসাধাৰণক মনোৰঞ্জনৰ অৱকাৰ দিয়াত এতিয়া সফল নৱপ্ৰজন্মৰ প্ৰতিভাসম্পন্ন যুৱক-যুৱতী সকল।

গীতটিৰ ভিডিঅ’টিয়েও জনসাধাৰণক আকৰ্ষণ কৰিবলৈ সক্ষম হৈছে। কিছুদিন পূৰ্বে সমাপ্ত হোৱা ৰং চেনেলত সম্প্ৰচাৰিত ধাৰাবাহিক “দুটি মনৰ জোনাক” ত অভিনীত উপাসনা প্ৰিয়মক দেখিবলৈ পোৱা গৈছিল এই গীতটিত। বহুল টিআৰপি লাভ কৰা এই ধাৰাবাহিকখনৰ মূখ্য চৰিত্ৰত অভিনীত উপাসনা প্ৰিয়মৰ অভিনয়ৰ প্ৰশংসাও কৰিছিল প্ৰায় প্ৰতিজন দৰ্শকে। ২০১৭ চনৰ পৰা পেছাগত ভাৱে সংগীত ক্ষেত্ৰখনত সাঙুৰ খোৱা বিকি কলিতা অসমীয়া জনপ্ৰিয় সংগীতশিল্পী দিগন্ত ভাৰতীৰ ছাত্ৰ। প্ৰায় সময়তে নিজৰ সৃষ্টিৰে জনসাধাৰণক উৎসাহী কৰা নৱপ্ৰজন্মই অব্যাহত ৰাখিছে অসমীয়াক গৌৰন্বম্বিত কৰাৰ নিজ প্ৰচেষ্টা।

বিকি কলিতা ব্যক্তিগত ইউটিউব চেনেলত মুক্তিপ্ৰাপ্ত এই গীতটিৰ ভিউৱাৰচৰ সংখ্যা উল্লেখনীয়।

ৰূপালীপৰ্দাৰ সাক্ষাৎকাৰ যোগে বিকি কলিতাই নিজেও কৈছিল যে, “মই পেছাগত সংগীত কৰিবলে শিকা নাই এতিয়ালৈকে। গান গাই ভাল পাওঁ, সংগীতৰ মাজত থাকি ভাল পাওঁ কাৰণে এইটোকেই পেছা কৰাৰ হেঁপাহ এটা আছে! কিমান দূৰ আগবাঢ়িব পাৰিম এই সেইটো নাজানো কিন্তু সংগীতৰ বাদে মোৰ আন কামত মন ন’বহে। সেইকাৰণেই কষ্ট কৰি আছোঁ, যাতে সংগীতৰ এই বিশাল পৃথিৱীখনত নিজকে সৰুকৈ হ’লেও প্ৰতিষ্ঠিত কৰি, ভাল ভাল গান গাই মোৰ নিচিনা সপোন দেখি ভাল পোৱা কোনোবাৰ কাৰণে আদৰ্শ হ’ব পাৰোঁ। যাতে পিছৰ চামক ক”ব পাৰোঁ যে “সপোন খেদি থাকিলে সফল হ’বই।”

বিকি কলিতাৰ আহিবলগীয়া এই গীতটোৰ বাবে বৰ্তমান বহুল ৰূপত উৎসাহী অনুৰাগীও। গীতটিৰ মুক্তি লাভ কৰা ফাৰ্ষ্ট লুক পোষ্টাৰেও ইতিমধ্যে জনপ্ৰিয়তা লাভ কৰিছে জনসাধাৰণৰ মাজত।

কোনবোৰ গীতে কন্ঠশিল্পীগৰাকীক অধিক আকৰ্ষণ কৰে বুলি প্ৰশ্ন কৰাত তেওঁ কয় যে, “মই সকলো ধৰণৰ গীতেই পছন্দ কৰোঁ। যিবোৰ গানে হৃদয় চুই যাব পৰা ক্ষমতা ৰাখে তেনেবোৰ গানে মোক বাৰুকৈয়ে আকৰ্ষণ কৰে। মই সৰুৰে পৰা হিন্দী ক্লাছিক গীতসমূহ- মহম্মদ ৰফি, কিশোৰ কুমাৰ, মান্না দে, মুকেশ চাহাব, লতা মংগেশকাৰ আদিৰ গান বহুত শুনিছোঁ; সেইবোৰ গানৰ প্ৰতিও মোৰ এটা বিশেষ টান আছে। অসমীয়া সংগীতত ড° ভূপেন হাজৰিকা দেৱ, দ্বীপেন বৰুৱা দেৱ , জয়ন্ত হাজৰিকা দেৱৰ গীত সমূহে মোৰ সাংগীতিক জীৱনত প্ৰভাৱ পেলাইছে। এতিয়াটো বলীউডত ৰিমিক্সৰ ঢৌ চলি আছে তথাপিও বিশাল মিশ্ৰা, ৰহমান চাহাবৰ উপৰিও বহুতো স্বাধীন শিল্পীৰ গান মই শুনি থাকোঁ। আৰু, লগতে অসমীয়া সংগীততো মোৰ গুৰু দিগন্ত ভাৰতী ছাৰ, পলাশ সূৰ্য্য গগৈ দাৰ গানৰ উপৰিও আমাৰ প্ৰজন্মৰ মোৰ ভাতৃসম সান্নিধ্য, নিখিলহঁতৰ গানবোৰ মই পছন্দ কৰোঁ। সংগীত “বৃত্তি” নে “নিচা” বুলি প্ৰশ্ন কৰাত তেওঁক কয় যে,

“সঁচাকৈ ক’ব গ’লে মই পেছাগত সংগীত কৰিবলে শিকা নাই এতিয়ালৈকে। গান গাই ভাল পাওঁ, সংগীতৰ মাজত থাকি ভাল পাওঁ কাৰণে এইটোকেই পেছা কৰাৰ হেঁপাহ এটা আছে! কিমান দূৰ আগবাঢ়িব পাৰিম এই সেইটো নাজানো কিন্তু সংগীতৰ বাদে মোৰ আন কামত মন ন’বহে। সেইকাৰণেই কষ্ট কৰি আছোঁ, যাতে সংগীতৰ এই বিশাল পৃথিৱীখনত নিজকে সৰুকৈ হ’লেও প্ৰতিষ্ঠিত কৰি, ভাল ভাল গান গাই মোৰ নিচিনা সপোন দেখি ভাল পোৱা কোনোবাৰ কাৰণে আদৰ্শ হ’ব পাৰোঁ। যাতে পিছৰ চামক ক”ব পাৰোঁ যে “সপোন খেদি থাকিলে সফল হ’বই”।