নৱপ্ৰজন্মৰ প্ৰতিভাৱান সুৰকাৰ তথা সংগীত ব্যৱস্থাপক দৰ্শনৰ বিগত তিনিবছৰীয়া পৰিকল্পনাৰ পিছত এই গীতটি শ্ৰোতা-দৰ্শকৰ মাজলৈ আহিবলৈ প্ৰস্তুত হৈছে। ভূপেন উজীৰ, দ্ৰুৱজ্যোতি ফুকন, যতীন শৰ্মা, দিগন্ত ভাৰতীকে প্ৰমুখ্য কৰি অসমৰ সংগীত জগতৰ বিশিষ্ট ব্যক্তিসকলৰ দ্বাৰা প্ৰশংসিত তথা মাজুলীত অনুষ্ঠিত হোৱা ‘মনগীত’ শীৰ্ষক সংগীত মহোৎসৱত বিশেষ ভাৱে সমাদৃত হোৱা এই গীতটিৰ সুৰ, সংগীত আৰু কথাই শ্ৰোতাৰ মনত বিশেষ প্ৰভাৱ পেলাব বুলি একাষাৰে কৈ দিলেও হয়টো অতিৰঞ্জিত নহ’ব। জানিব পৰা মতে, হিমাচল প্ৰদেশৰ লোকসংগীতৰ লগতে অসমীয়া থলুৱা সংগীতৰ সংযোজনে উক্ত গীতটিক অনন্য মাত্ৰা প্ৰদান কৰিছে। সংগীত ক্ষেত্ৰখনৰ বহুকেইজন জনপ্ৰিয় কণ্ঠশিল্পীৰ গীতত দিয়া কথাৰে শ্ৰোতাক নিজৰ অনুৰাগী কৰি তোলা ডানিশৰ কথাৰে “মিলনৰ মুৰুলী” ৰ ৰচনা কৰা হৈছে। ডানিশৰ কথাত দৰ্শনৰ সুৰে এই গীতটিক গ্ৰহণযোগ্য কৰি তুলিবলৈ সক্ষম হৈছে। ভিডিঅ’সহ মুক্তিপাবলগীয়া এই গীতটিত অভিনয় কৰিছে অসমীয়া মনোৰঞ্জন ক্ষেত্ৰখনৰ কেইবাখনো চিনাকী মুখে। গুঞ্জন ভৰদ্বাজকে ধৰি পঞ্চি প্ৰিয়া, মধুষ্মিতা দিহিঙীয়া আৰু দীপজ্যোতি কলিতাক দেখিবলৈ পোৱা যাব এই গীতটিৰ ভিডিঅ’ ত। শিশু শিল্পী আমাইৰা ৱাহলাঙকো দেখিবলৈ পোৱা যাব এই গীতটিত। ইয়াৰ ভিডিঅ’ পৰিচালনা কৰিছে আন এগৰাকী নৱপ্ৰজন্মৰ জনপ্ৰিয় তথা বহুল অনুৰাগীৰে পৰিপূৰ্ণ পৰিচালক টিৰাপ সীমান্ত মেধিয়ে। TONE (ত’ন) মিডিয়া নামে প্ৰযোজনা গোষ্ঠীৰ বেনাৰত নিৰ্মিত এই গীতটিক অতিশীঘ্ৰে মুকলি কৰি দিয়াৰ পৰিকল্পনা কৰা হৈছে। সম্পৰ্কবোৰৰ উপস্থাপনৰ জৰিয়তে সমাজলৈ এক ইতিবাচক সামাজিক বাৰ্তা প্ৰেৰণ কৰিব “মিলনৰ মুৰুলী” য়ে।

গীতটিৰ সৈতে জড়িত প্ৰতিজন শিল্পী তথা কলা-কুশলীক ৰূপালীপৰ্দা পেজটোৰ তৰফৰ পৰা মই ৰীমা দত্তই জনাইছোঁ অশেষ শুভকামনা। গীতটিৰ সফলতা কামনা কৰিছোঁ।

হাৰ্টথ্ৰৱ গৰাকীৰ কণ্ঠৰে মুক্তিপ্ৰাপ্ত “বন্দে মাতৰম” ৰ নতুন সংস্কৰণত সংগীত কৰিছে শ্বেখৰজ্যোতি গোস্বামীয়ে। ভিডিঅ’ সহ মুক্তিপ্ৰাপ্ত এই গীতটিক সঁহাৰি জনাইছে সকলোৱে। জুবিন গাৰ্গৰ কণ্ঠত গীতটি শুনাৰ লগে লগে একাংশ শিঁহৰিত হৈ উঠা বুলি মন্তব্য কৰাৰ লগতে জুবিন গাৰ্গৰ “বন্দে মাতৰম” ৰ সংস্কৰণটোক মৰম যাচিছেঁ সুদূৰ জয়পুৰ, ৰাজস্থানৰ পৰাও। আজিৰ দিনটোত আমি আপোনালোকৰ পৰা অধিক সময় নলওঁ, কিন্তু এইখিনিতে এটা কথা ক’বই লাগিব যে গীতটিৰ কণ্ঠ যিমানেই সুমধুৰ সিমানেই ইয়াৰ ভিডিঅ’ উপস্থাপনো হৈছে সুন্দৰ। গীতটি উপভোগ কৰিবলৈ তলত আপোনালোকক লিংক দি দিয়া হৈছেঃ

বিতৰ্কিত “কা” বিৰোধী আইনৰ বিৰোধিতাত বিগত দিনত জুবিন গাৰ্গে বিভিন্ন ধৰণে আন্দোলন অব্যাহত ৰাখিছিল; গতিকে এনেক্ষেত্ৰত কন্ঠশিল্পী গৰাকী মূখ্যমন্ত্ৰী সোণোৱালৰ কাষ চপাত প্ৰত্যেকেই সমালোচনা কৰিবলৈ আৰম্ভ কৰিছিল। তেওঁক লৈ নানানটা প্ৰশ্ন উত্থাপন কৰা হৈছিল আৰু সেই প্ৰশ্নৰ উত্তৰ জুবিনক ৰাজহুৱাকৈ দিবলৈ আৱেদন জনাইছিল তেওঁৰ অনুৰাগীয়ে আৰু আটাইবোৰ প্ৰশ্নৰ উত্তৰ হাৰ্টথ্ৰৱ গৰাকীয়ে এখন সংবাদ পত্ৰযোগে দিয়ে। উল্লেখ্য যে, অক্টোবৰ মাহৰ পৰা প্ৰতিটো মাহে “চিলা” এলবামটোৰ একোটা গীতক জনসাধাৰণৰ মাজত মুকলি কৰি দিয়াৰ কথা প্ৰকাশ কৰিছিল কন্ঠশিল্পী গৰাকীয়ে আৰু তাৰ পিছতেই “চিলা” তথা “উভতি চোৱা” ৰ পিছত মুকলি কৰি দিয়া হৈছিল “অগ্নি বীণাৰ তান”। গীতটিৰ প্ৰতিটো শব্দ তথা শাৰীয়ে অনুৰাগীৰ মনত ইমান অধিককৈ ঠাই বনাবলৈ সক্ষম হৈছিল মুক্তিৰ দিন ধৰি বৰ্তমানলৈ হিট লিষ্টত উক্ত গীতটো।

ছবিখনৰ কাহিনী, চিত্ৰনাট্য আৰু সংলাপৰ দায়িত্বত আছে অভিজিৎ ভট্টাচাৰ্য্য। আনহাতে, ছবিখনৰ সংগীত পৰিচালনা কৰিছে জুবিন গাৰ্গ, তৰালী শৰ্মা, জয়ন্ত কাকতি, অজয় ফুকন আৰু দৰ্শনে। নতুনৰ আৰম্ভণিয়ে দিছে নতুনৰ খবৰ; আহিবলগীয়া “ৰাজনীতি” শীৰ্ষক এই ছবিখনত সম্প্ৰতি ৰাজনৈতিক পৰিস্থিতিৰ ভিন্ন কথা সমূহক উপস্থাপন কৰিব নে নাই সেয়া হ’ব আগন্তুক সময়ত লক্ষ্যণীয়।

প্ৰতিটো সময়তে সমাজৰ হকে চিন্তা কৰা, ৰাইজৰ হাত ধৰি থিয় হোৱা এগৰাকী “প্ৰকৃত শিল্পী” ৰ মাজৰ এজন হৈছে জুবিন গাৰ্গ। সামাজিক তথা ৰাজনৈতিক দিশটোৰ প্ৰতিটো ক্ষেত্ৰতে নিজ মন্তব্য প্ৰদান কৰে কন্ঠশিল্পী গৰাকীয়ে। সঁচা কথা ক’বলৈ তেওঁ বিচাৰ তথা চিন্তা সমূহক ৰাইজে আকোঁৱালি লোৱাও দেখিবলৈ পোৱা যায়। শেহতীয়াকৈ “কা” বিৰোধী আন্দোলনক লৈও নিজ মন্তব্য প্ৰদান কৰিছিল জুবিন গাৰ্গে।

“গানে জুবিনে” গীতটিৰ সংগীত ব্যৱস্থাপনা অনুপম কোঁৱৰৰ লগতে শব্দ সংমিশ্ৰণ কৰিছে Red Av Studio ৰ পিংকু দাসে। গীতটিৰ ভিডিঅ’ পৰিচালনা, দৃশ্যগ্ৰহণ লগতে ইয়াৰ সম্পাদনা শিৱমৰ। আনহাতে, জুবিন গাৰ্গে নিজেও “চিলা” এলবামটোত অন্তৰ্ভূক্ত আন এটি গীত “উভতি চোৱা” ৰ মুক্তি দিয়ে। তেওঁৰ জন্মদিনৰ দিনা মুক্তিপ্ৰাপ্ত উক্ত দুয়োটা গীতেই বৰ্তমান আকৰ্ষণ কৰিছে জনসাধাৰণক।

ভাস্বতী ভাৰতীঃ যাৰ গীতে জীৱন আনে, ফুল হৈ ফুলক তেওঁৰ জীৱন। সুখী হওঁক আজীৱন। জন্মদিনৰ অলেখ অযুত শুভকামনা…

ৰিতুপৰ্ণ বৰাঃ ৰূপালী পৰ্দাৰ তৰফৰ পৰা মই ৰিতুপৰ্ণ বৰাই মৰমৰ শিল্পী জুবিন গাৰ্গক তেখেতৰ জন্মদিনত শুভেচ্ছা জনালোঁ। অনাগত দিনবোৰত তেওঁ আৰু অধিক সুখী হওঁক, স্বাস্থ্যবান হওঁক, সপোনবোৰ পূৰণ হওঁক। সুৰ আৰু সংগীতৰ নৈ বৈ থাকক তেওঁৰ কণ্ঠৰ পৰা।

বিদ্যুৎ বিকাশঃ সংগীত জগতৰ উজ্জ্বল নক্ষত্ৰ মৰমৰ জুবিন দালৈ ওপজা দিনৰ বহুত বহুত শুভকামনা। গানৰ সুৰেৰে জগত জিনি সকলোৰে হৃদয়ত ঠাই লোৱা জুবিন দাৰ সুস্বাস্থ্য কামনা কৰিলোঁ।
“HAPPY Birthday Zubeen Daa”…

বাবন বৰ্ণিলঃ গান মানেই জুবিন গাৰ্গ। সৰুতে অডিঅ’ কেছেটত তেওঁৰ গান শুনি চিঞঁৰি থাকিছিলো; তেনেকৈয়ে হয়টো এই সংগীত ক্ষেত্ৰখনৰ প্ৰতি মোৰ আগ্ৰহ বাঢ়িছিল। জুবিন গাৰ্গৰ গীত শুনাৰ পিছতহে হয়টো অইনৰ গান শুনা অভ্যাস গঢ় লৈছিল; কিন্তু আৰম্ভণি সদায় জুবিন দাৰ গানত আছিল। এতিয়া ভাল লাগে যেতিয়া জুবিন দাক কাষত পাওঁ, তেওঁৰ পৰা কিবা এটা শিকাৰ সুবিধা লাভ কৰো। তেওঁৰ ওপজা দিনটোত ৰূপালীপৰ্দাৰ পেজটোৰ ফালৰ পৰা মই বাবন বৰ্ণিলে তেওঁলৈ যাঁচিছো মৰম; সদায়ে এনেদৰে সৃষ্টি কৰি যাওঁক আৰু সূস্থ হৈ থাকক তাৰেই কামনা কৰিছো।

কুমাৰেশ কৌশিকঃ ক্লান্তহীন কন্ঠ আৰু সংগীতৰ সীমাহীন যাত্ৰাৰ গৰাকী জনলৈ মোৰ তৰফৰ পৰা শুভ জন্ম দিৱসৰ আন্তৰিক শুভেচ্ছা জ্ঞাপন কৰিলো । জুবিন দাৰ সুস্বাস্থ্যৰ লগতে তেওঁৰ জীৱনযাত্ৰা সূৰ্য্যমুখী হওঁক তাৰে কামনাৰে মৰমৰ ডাঙৰ ভাতৃলৈ জন্মদিনৰ অলেখ অভিন্দন |

বিকি কলিতাঃ জুবিন দা বুলিলেই আবেগ, জুবিন দা বুলিলেই গান , জুবিন দা বুলিলেই অনুপ্ৰেৰণা। অসমবাসীৰ হিয়াৰ আমঠু জুবিন দালৈ জন্মদিনৰ হিয়াভৰা শুভেচ্ছা যাছিলোঁ।

ইয়াৰ লগতে, অসমীয়া সংগীত ক্ষেত্ৰখনৰ উত্থানৰ লগতে অসমীয়াৰ বাবে সদায় থিয় দি থকা এইগৰাকী সুযোগ্য অসম সন্তানক ৰূপালীপৰ্দাৰ তৰফৰ পৰা জনাইছো অযুত শুভকামনা।

বিধায়ক শ্বেৰমান আলিয়ে মিঞা মিউজিয়ামৰ প্ৰসংগ উত্থাপন কৰা পিছতেই শেহতীয়াকৈ সংবাদ মাধ্যমত জুবিন গাৰ্গেও এই বিষয়ত নিজ প্ৰতিক্ৰিয়া ব্যক্ত কৰে। প্ৰায়ে প্ৰতিটো বিষয়ত সক্ৰিয় হৈ মাত মতা হাৰ্টথ্ৰৱ জুবিন গাৰ্গে মিঞা মিউজিয়ামৰ বিষয়টো তাচ্ছিল্য কৰি কয় যে “বাংলাদেশীৰ উৎপাতত এনেই ৰাজ্যবাসী জীয়াবলৈ অসুবিধাৰ সন্মুখীন হৈছে তাতেই আকৌ মিঞা মিউজিয়ামৰ কথা আহে ক’ৰ পৰা।” নৱপ্ৰজন্ম তথা ৰাজ্যৰ প্ৰতিটো দিশত নিজ মতামত পূৰ্ণ ৰূপত দাঙি ধৰা জুবিন গাৰ্গৰ মন্তব্যক লৈ আচলতে অপেক্ষাও কৰি ৰয় অনুৰাগীয়ে।

উল্লেখ্য যে, অনামিকা”, “পাখি” তথা বৰ্তমানেও জুবিন গাৰ্গৰ কন্ঠৰে মুক্তি প্ৰাপ্ত প্ৰতিটো গীতত আছে এক অজান শিহৰণ; যিয়ে চুই যায় সংগীত প্ৰেমী শ্ৰোতাক। সৰুৰ পৰা ডাঙৰলৈ প্ৰত্যেক গৰাকী ব্যক্তিয়ে জুবিন বলীয়া; তেওঁৰ কৰ্মৰ সমালোচনা হ’লেও তেওঁৰ অনুৰাগীৰ সংখ্যা ইমানেই বৃহৎ যে এই সমালোচনাই অলপতে মুখ থেকেচা খাই পৰে। জুবিন গাৰ্গ ব্ৰেণ্ড বুলি এনেই কয় পেলোৱা নহয়; ইয়াৰ আঁৰতো যথেষ্ট কাৰণ অন্তৰ্নিৰ্হিত হৈ আছে। সংগীতশিল্পী ৰূপে যে কেৱলমাত্ৰ সংগীততেই তেওঁ মনোনিৱেশ কৰিছে আচলতে তেনে নহয়; প্ৰতিটো সময়তে সমাজৰ হকে চিন্তা কৰা, ৰাইজৰ হাত ধৰি থিয় হোৱা এগৰাকী “প্ৰকৃত শিল্পী” ৰ মাজৰ এজন হৈছে জুবিন গাৰ্গ।

অৰ্থনৈতিক বিপ্লৱ অনাৰ মানসেৰে ৰাজ্যৰ মূখ্যমন্ত্ৰী সৰ্বানন্দ সোণোৱালৰ সৈতে হোৱা আলোচনাৰ পিছত জুবিন গাৰ্গক লৈও একাংশই সমালোচনা কৰা দেখিবলৈ পোৱা গৈছিল। তৎস্বত্বেও, জুবিন গাৰ্গে বাৰম্বাৰ নিজৰ স্থিতি অটল থকাৰ সিদ্ধান্ত লৈ “কা” বিৰোধী আন্দোলনত সক্ৰিয় ৰূপে পুনৰ বাৰ থিয় দিয়াৰো কথা সুঁৱৰাই দিয়ে।