“শিল্পীয়ে শিল্পীৰ বাবে” অনুষ্ঠানৰ পৰা ১,৪১,১০০ টকাৰ অনুদানঃ

বিগত এপ্ৰিল মাহৰ ২১ তাৰিখৰ পৰা ১ মে’ লৈ T Series Stage Works Academy Guwahati (An Academy of Films, Television & Performing Arts) য়ে আয়োজন কৰিছিল এক অনলাইন মনোৰঞ্জনধৰ্মী অনুষ্ঠান “শিল্পীয়ে শিল্পীৰ বাবে।” আৰ্থিকভাৱে পিছপৰি ৰোৱা একাংশ শিল্পীক সহায়ৰ বাবে আয়োজন কৰা হৈছিল এনে অনুষ্ঠানৰ। অসমৰ বিভিন্ন শিল্পী, কলা-কুশলীয়ে বিভিন্ন ধৰণে নিজ প্ৰতিভা প্ৰদৰ্শনেৰে লাইভ আহি মনোৰঞ্জন কৰোৱাইছিল দৰ্শকৰ আৰু ইয়াৰ দ্বাৰা টকা সংগ্ৰহৰ ব্যৱস্থা কৰা হৈছিল। উল্লেখ্য যে, অভিনেতা অভিনেত্ৰী তথা কন্ঠশিল্পী সমূহৰ এনে প্ৰচেষ্টাৰ পিছত তেওঁলোকে FFA, NEFVTA, GCMA কে ধৰি মুঠ ৫৮ গৰাকী আৰ্থিকভাৱে পিছপৰা বাদ্যযন্ত্ৰীক সহায় কৰে। এওঁলোকলৈ ১ লাখ, ৪১ হাজাৰ, ১ শ টকাৰ অনুদান আগবঢ়ায় উক্ত প্ৰতিষ্ঠানটোৰ তৰফৰ পৰা।

এই অনুদান আগবঢ়াবলৈ সহযোগিতা কৰা একাংশ শিল্পী তথা প্ৰতিষ্ঠানসমূহ হৈছে ক্ৰমে Dream House Production and T Series Stage Works Academy Guwahati (১,০০,০০০ টকা) ,ভূপেন উজীৰ (১১,০০০ টকা), যতীন বৰা (১০,০০০), বৰষা ৰাণী বিষয়া (১০,০০০) আৰু ভৃগু কাশ্যপ (১০,১০১) টকা। উক্ত লাইভ অনুষ্ঠানটোৰ ঘোষক ৰূপত আছিল কন্ঠশিল্পী ভৃগু কাশ্যপ।

নীল আকাশ, প্ৰস্তুতি পৰাশৰ, জুবিন গাৰ্গকে ধৰি যতীন বৰা, ৰবি শৰ্মা, বৰষা ৰাণী বিষয়া, ৰিম্পী দাস, সুবাসনা দাস, কল্পনা কলিতা, অনন্যা কাশ্যপ, মন্টু মণি শইকীয়া,তনভী শৰ্মা, গীতালী, প্ৰীতি কংকনা, আচুৰ্য্য বৰপাত্ৰ, ৰূপাংকৃতা,অলংকৃতা, দীপলিনা ডেকা, ৰাকেশ ৰিয়ান তথা প্ৰিয়ম পল্লৱী আদি জনপ্ৰিয় শিল্পী সমূহে অংশগ্ৰহণ কৰিব এই লাইভ অনুষ্ঠানত। শিল্পীয়ে শিল্পীৰ বাবে থিয় হোৱা এনে প্ৰচেষ্টা আছিল সঁচাকৈ প্ৰশংসনীয়। “