“লক-ডাউন” ত বহু লোকৰ কষ্ট,সংগ্ৰাম আদি আমি দেখিছো। একাংশই নিজ জীৱিকাৰ পথটোও হেৰুৱাইছে এই সময়ছোৱাত। শেহতীয়াকৈ কালাৰ্চৰ এখন ধাৰাবাহিক “বালিকা বধু” ৰ পৰিচালকৰ মাজৰ এগৰাকীয়ে আৰ্থিক টনাটনিৰ ফলত শাক-পাচলিৰ দোকান দিবলৈ আৰম্ভ কৰিছে। এই বাতৰিটোৱে বৰ্তমান আটাইকে হতহম্ভ কৰি তোলাৰ লগতে ই চৰ্চাও লাভ কৰিছে কেওঁদিশে। জানিব পৰা মতে, তেওঁ “লক-ডাউন” ৰ সময়ত নিজ ঘৰ আজমগড়লৈ গুচি গৈছিল আৰু তাৰ পৰা নিজ কৰ্মক্ষেত্ৰলৈ আহিব নোৱাৰাত আৰ্থিক নাটনিৰ সন্মুখীন হৈ অৱশেষত তেওঁ দোকান দিবলগীয়াত পৰিছে। এই পৰিচালক গৰাকীৰ নাম হৈছে ৰামবৃক্ষ গৌৰ; আচলতে এনে কাহিনী বৰ্তমান দেশত সুলভ হৈ পৰিছে। একাংশই য’ত হতাশাত ভুগিছে তাতেই আকৌ একাংশ অভিনেতা-অভিনেত্ৰীয়ে আত্মহত্যাৰ পথ বাচি লোৱাও আমি সংবাদ মাধ্যম যোগে শুনিছো আৰু দেখিছো। ৰামবৃক্ষ গৌৰৰ পিতৃয়েও পূৰ্বতে এনেদৰে এখন ঠেলাত তৰকাৰী লৈ বেচিবলৈ আহিছিল।
গতিকে, এই পিতৃবৃত্তিটো লৈয়ে বৰ্তমান জীৱন নিৰ্বাহ কৰিছে পৰিচালকগৰাকীয়ে। কিন্তু, অভিনেতা অনুপ সোনীয়ে কথাটো গম পোৱাৰ পিছতেই চচিয়েল মিডিয়াত প্ৰতিক্ৰিয়া দাঙি ধৰে আৰু কয় যে, “এয়া বৰ দুখ লগা কথা; বালিকা বধুৰ টীমে তেওঁৰ সৈতে সংযোগ কৰাৰ ব্যৱস্থা কৰিছে।” গৌৰ এগৰাকী ধনাত্মক আৰু আত্মবিশ্বাসী লোক আছিল বুলিও সংবাদ মাধ্যমৰ ওচৰত জানিবলৈ দিয়ে ধাৰাবাহিকখনৰেই এই অভিনেতা গৰাকীয়ে।
Add comment