“বিগ বছ ১৩” সমাপ্তিৰ পিছত অনুৰাগীৰ মনোৰঞ্জনক উদ্দেশ্যি কাৰ্লাছে এক নতুন ৰিয়েলিটী শ্ব’ ৰ আয়োজন কৰিছে। ১৭ ফেব্ৰুৱাৰীৰ পৰা আৰম্ভ হ’বলগীয়া এই শ্ব’টো হ’ব “স্বয়ম্বৰ” ৰ। বিগ বছ ১৩ ৰ প্ৰতিযোগীক লৈ নিৰ্মাণ কৰা হৈছে এই শ্ব’টো। কিন্তু, ইয়াত কোন থাকিব তাক লৈ বিভিন্ন খবৰ অহা দেখিবলৈ পোৱা গৈছে। প্ৰথমতে, শ্বেহনাজ গিল আৰু তাৰ পিছত আছিম ৰিয়াজৰ “স্বয়ম্বৰ” ৰ কথা জনোৱা হৈছিল যদিও আছিম ৰিয়াজৰ পৰিয়ালে এই কথা নাকচ কৰে।
কিন্তু ৰাষ্ট্ৰীয় পৰ্যায়ৰ সংবাদ মাধ্যমৰ তথ্যনুসৰি, এই শ্ব’টো পাৰস শ্বাৱৰা আৰু শ্বেহনাজ গিলৰ “স্বয়ম্বৰ”ক কেন্দ্ৰ কৰি নিৰ্মাণ কৰা হ’ব। বিগ বছৰ বৰ্তমানৰ ঘৰটোক আৰু অলপ উন্নত কৰি তাত পাৰস-শ্বেহনাজক আৱদ্ধ কৰি ৰখা হ’ব। য’ত তেওঁলোকৰ সৈতে থাকিব ১২ গৰাকী আন প্ৰতিযোগী। এই ১২ প্ৰতিযোগীৰ মাজত ৬ গৰাকী শ্বেহনাজৰ আৰু ৬ গৰাকী পাৰসৰ “মেচ্ছ” হ’ব। উল্লেখ্য যে, উক্ত শ্বটোত পাৰস-শ্বেহনাজৰ সৈতে থাকিব ৰশ্মি আৰু সিদ্ধাৰ্থ দেশাই; য’ত তেওঁলোকে পাৰস-শ্বেহনাজৰ “পাৰফেক্ট মেচ্ছ” বিচৰাত সহায় কৰিব।
1 comment