২০০৩ চনত মুক্তিপ্ৰাপ্ত ছবি “বুম” ৰ পৰিচালনাৰ দায়িত্বত আছিল অভিনেতা জেকী শ্ৰফৰ পত্নী আইশা শ্ৰফ; ১৮ বছৰ পূৰ্বে মুক্তিপ্ৰাপ্ত এই ছবিখনৰ সৈতে জড়িত কিছু কথা শেহতীয়াকৈ বাহিৰ অহা দেখিবলৈ পোৱা গৈছে। আচলতে, এই ছবিখন ফ্লপ হৈছিল আৰু তাৰ পিছতেই শ্ৰফ পৰিয়াল অৰ্থনৈতিক ভাৱে পিছ পৰি ৰৈছিল। পূৰ্বতেও টাইগাৰ শ্ৰফে সেই সময়ছোৱাৰ কথা জনাই কৈছিল যে তেওঁলোকৰ তেতিয়া ঘৰৰ আচবাব সমূহ এপদ এপদকৈ বিক্ৰী কৰি দিয়া হৈছিল। যিসমূহ দেখি টাইগাৰ শ্ৰফ ডাঙৰ হৈছিল সেই সমূহ বস্তু বিক্ৰী কৰি দিয়া হৈছিল আৰু এদিন টাইগাৰ শ্ৰফৰ বিচনা পৰ্যন্ত বিক্ৰী কৰি দিয়াত তেওঁ মাটিত শুবলৈ বাধ্য হৈছিল। উক্ত ছবিখন কেটৰিণা কাইফৰ ডেব্যু ছবি আছিল; তেওঁৰ সৈতে ইয়াত অভিনয় কৰিছিল ক্ৰমে অমিতাভ বচ্চন, জেকী শ্ৰফ, গুলশন গ্ৰৱাৰ, পদ্মা লক্ষ্মী, মধু সপ্ৰে আৰু জীনত আমান ইত্যাদিয়ে। শেহতীয়াকৈ ছবিখন তথা সেই সময়ৰ কথা ব্যক্ত কৰি জেকী শ্ৰফে কয় যে, “মই বুজিছিলো যে আমি কিবা কৰিবলৈ যাওঁতে আন কিবা এটা হেৰুৱাই দিছিলো। মই যিমান খিনি কৰিব পাৰিছিলো সকলো খিনি কৰিছিলো; আৰু ছবিখনৰ সৈতে জড়িত প্ৰতিজন ব্যক্তিক তেওঁলোকৰ টকা সমূহ আদায় কৰিছিলো। ব্যৱসায়ত উঠা-নমা থাকেই; কেতিয়াবা ই উঠিব তথা কেতিয়াবা ই নামিব। কিন্তু প্ৰতিটো সময়ত নিজৰ বিবেক আৰু নৈতিকতা জীয়াই ৰখাটো জৰুৰী।”
তেওঁ আগলৈ কয় যে, “মোৰ দুই সন্তান তেতিয়া সৰু আছিল আৰু আমি আমাৰ চিন্তাবোৰ তেওঁলোকক দিবলৈ মন কৰা নাছিলো যদিও টাইগাৰে নিজেই আহি আমাক নিজ ঘৰটো ঘূৰাই দিয়াৰ প্ৰতিশ্ৰুতি দিছিল। সঁচা কথা ক’বলৈ গ’লে মই নিজ দুইটা সন্তানক লৈ গৌৰৱ অনুভৱ কৰোঁ। আমাৰ ঘৰটো ঘূৰাই লোৱাৰ ক্ষেত্ৰত তেওঁলোক দৃঢ় হৈ পৰিছিল।”
You may also like
অসমীয়া চিনেমা ২০২৩: আশাৰ বছৰ –উৎপল মেনা
“স্থানীয় বজাৰ” সফলতাক বাদ দি চিনেমাৰ দৰে খৰচী মাধ্যম এটাৰ কৰ্ম ধাৰাবাহিকতা ৰক্ষা কৰা সম্ভৱ নহয়। এই যে সম্ভৱ নহয়, সেই বাবেই “বজাৰ কেন্দ্ৰীক চিনেচিন্ত”ৰ গুৰুত্ব বাঢ়িছে। ইয়াৰ মাজতে “স্থানীয়...
জিয়া- মুক্তিৰ পূৰ্বেই চৰ্চিত এখন চিনেমা
ঘৰুৱা হিংসাৰ বাবে স্বামীৰ পৰা পৃথক হোৱা এগৰাকী নাৰীৰ কাহিনীৰে নিৰ্মিত চিনেমা ‘জিয়া’ই মুক্তিৰ পূৰ্বেই অসমত চৰ্চা লাভ কৰিছে। বৰ্তমানৰ সমাজ ব্যৱস্থাটোত অকলশৰীয়া মাতৃৰ জীৱন সংগ্ৰামক ফুটাই তুলিবলৈ চেষ্টা কৰা হৈছে চিনেমাখনত।...
সংগীত নাটক অকাদেমী বঁটা ঘোষণা
ঘোষণা কৰা হ’ল সংগীত নাটক অকাদেমী ২০২২- ২৩ বৰ্ষৰ বটা সমূহ। অসমৰ বহু কেইগৰাকী সাংস্কৃতিক সাধকে এই সন্মান লাভ কৰিছে। বিশিষ্ট নাট্যকাৰ দুলাল ৰয়লৈ সংগীত নাটক অকাদেমী ফেল’ৰ সন্মান প্ৰদান কৰা হৈছে । ৰাষ্ট্ৰীয় নাট্য বিদ্যালয়ৰ...
দ্য লাষ্ট অ’নাৰ – এক অন্য জীৱনৰ উপস্থাপন
“দীর্ঘদিন ধৰি কেতিয়াবা কষ্টিউম ডিজাইনাৰ হিচাপে, কেতিয়াবা মুখ্য সহকাৰী পৰিচালক হিচাপে আৰু কেতিয়াবা প্ৰযোজক হিচাপে অসমীয়া চলচিত্ৰৰ সৈতে জড়িত হৈ আছিলোঁ। প্রথমবাৰৰ বাবে নিজাকৈ এখন চলচিত্ৰ পৰিচালনা কৰাৰ পাছত সেইখন চলচ্চিত্রই...
ৰঙাটাপু-১৯৮২– উৎপল মেনা
আমি চৰ্চা কৰিছিলোঁ– ‘ৰঙাটাপু-১৯৮২’ চিনেমা খনৰ কাহিনী ব্রহ্মপুত্রৰ মাজৰ এটা সৰু চাপৰিৰ। সঁচা। “সঁচা কাহিনী”ৰ আধাৰতে ৰচনা হৈছে চিত্ৰনাট্য। ৰূপালী গল্পলৈ ৰূপান্তৰ কৰিছে “সঁচা-সঁচা”...
কইনা কন্দা শিল: ২০২৪ বৰ্ষৰ প্ৰথমখন অসমীয়া চিনেমা –উৎপল মেনা
নতুন বছৰটোৰ প্ৰথম খন অসমীয়া চিনেমা চালোঁ। মৰিগাঁও জিলাৰ বঘৰাস্থিত ঐতিহ্যমণ্ডিত কইনা কন্দা শিলৰ পটভূমিত নির্মিত ‘কইনা কন্দা শিল’। কিংবদন্তিৰ ৰূপালী গল্প। ৬০০ বছৰৰ আগৰ আখ্যান। মুখে মুখে চলি আহিছিল। এসময়ত...
Add comment