Rupaliparda.com
নৱপ্ৰজন্মৰ প্ৰচেষ্টাৰে আন এটি ৰোমাণ্টিক গীতৰ টোকৰ; "তোমাৰ হাঁহি" - 1

নৱপ্ৰজন্মৰ প্ৰচেষ্টাৰে আন এটি ৰোমাণ্টিক গীতৰ টোকৰ; “তোমাৰ হাঁহি” –

ইটোৰ পিছত সিটো গীত ৰোমাণ্টিক গীতসমূহৰ মুক্তিৰ মাজতেই শেহতীয়াকৈ মুক্তি লাভ কৰিছে আন এটি প্ৰেমৰ গীত “তোমাৰ হাঁহি”। বৰ্তমান গীত সমূহৰ অধিকাংশ গীতেই হৈছে নৱপ্ৰজন্মৰ সৃষ্টি; গীতসমূহত কথা দিয়াৰ পৰা আৰম্ভ কৰি গীতসমূহত সুন্দৰ সংগীতৰ সংযোজন কৰালৈ জড়িত হৈ থাকে এই নৱপ্ৰজন্মৰ একাংশ প্ৰতিভা। সুন্দৰ সৃষ্টি আৰু গ্ৰহণযোগ্য কৰ্মৰ দ্বাৰা এই মনোৰঞ্জন ক্ষেত্ৰখনত মনোনিৱেশ কৰিবলৈ অহৰহ প্ৰয়াস কৰা একাংশ নৱপ্ৰজন্মই এতিয়া প্ৰত্যেককে উৎসাহিত কৰি ৰখাত সক্ষম হৈছে। এগৰাকী গীতিকাৰ, সুৰকাৰ অথবা এজন কন্ঠশিল্পী ৰূপে নিজক প্ৰতিষ্ঠা কৰিবলৈ তেওঁলোকে কৰা প্ৰচেষ্টা সমূহ ইমানেই অধিক গ্ৰহণযোগ্য যে তেওঁলোকৰ সৃষ্টিয়েই ক্ষন্তেকতে জনপ্ৰিয়তা লাভ কৰাৰ উপৰিও ভাইৰেল হৈ পৰে চচিয়েল মিডিয়াত। পাৰ্থিৱ সুখক কিছু সময়ৰ বাবে উফৰাই দৰ্শক-শ্ৰোতাক প্ৰদান কৰা আমোদনেৰে আত্মসন্তোষ্টি লাভ কৰা নৱপ্ৰজন্মৰ বৃহৎ সংখ্যাই সাংস্কৃতিক ক্ষেত্ৰখনত আহিবলগীয়া সময়ত নতুনৰ যোগানৰ ধৰিব। নতুনৰ মূলতেই হৈছে নৱপ্ৰজন্ম। তেওঁলোকে সৃষ্টি কৰা নতুন ধাৰা অথবা যিকোনো বিষয়েই হওঁক সেই আটাইবোৰেই জনসাধাৰণে হৃদয়ংগম কৰিবলৈ সক্ষম হৈছে।


অসমীয়া সংগীত ক্ষেত্ৰখন যথেষ্ট বিশাল; ইয়াত ইজনৰ পিছত সিজনকৈ প্ৰতিভাৰ সংযোজন হৈ গৈ থাকে। প্ৰত্যেকটো দিনত একোটাকৈ শিশুৱে হয়টো এটা গান শুনি নিজ পিতৃ-মাতৃৰ ওচৰত গুনগুনাবলৈ আৰম্ভ কৰে; আনহাতে আকৌ, আন একোটা শিশুৰ সংগীতৰ প্ৰতি থকা ইচ্ছাক দেখি পিতৃ-মাতৃয়ে তেওঁক গীত গাবলৈ উৎসাহিত কৰে। এয়া নিৰৱিচ্চিন্ন প্ৰক্ৰিয়া; আদি কালৰ পৰা চলি আহি ই অনন্ত কাললৈ ঠিক এনেদৰেই চলি যাব। কিছুমান ক্ষেত্ৰত যদিও পৰিৱৰ্তন অথবা সাল-সলনিৰ মুখা-মুখি হোৱা দেখা যায় তৎস্বত্বেও আমাৰ এই সংগীত ক্ষেত্ৰখন পূৰ্বতকৈ অধিক জীপাল হ’ব বুলি একাষাৰে কৈ দিলেও হয়টো সেয়া অতিৰঞ্জিত নহ’ব। বৰগীত, লোকগীতৰ ধাৰাৰ পৰা আৰম্ভ কৰি বৰ্তমানৰ ৰেপ আৰু EDM ৰ পয়োভৰৰ মাজত শ্ৰোতাই প্ৰতিদিনেই এই ক্ষেত্ৰখনত নতুনত্বৰ আৱিষ্কাৰ কৰিলে। শেহতীয়াকৈ মুক্তি লাভ কৰা গীত “তোমাৰ হাঁহি” ত কণ্ঠদান কৰাৰ লগতে ইয়াৰ সুৰ কৰিছে সুদৰ্শন বৰদলৈয়ে; গীতটিৰ কথা আৰু সংগীত প্ৰযোজনা অভিলাষ দত্তৰ। সংযোজিত কথা কৃষাণু ভট্টাচাৰ্য্যৰ, বাঁহী বজাইছে মানস প্ৰতীম বৰুৱাই। মিক্সিং কৰিছে অলকেশ শইকীয়া আৰু মাষ্টাৰিঙৰ দায়িত্বত আছে জনপ্ৰিয় ভূপেন উজীৰ।

নৱপ্ৰজন্মৰ প্ৰচেষ্টাৰে আন এটি ৰোমাণ্টিক গীতৰ টোকৰ; "তোমাৰ হাঁহি" - 2


যেনেদৰে একোটা সুন্দৰ গীত মুক্তি লাভ কৰি গৈ আছে ঠিক তেনেকৈয়ে অসমীয়া সংগীত ক্ষেত্ৰখন পূৰ্বতকৈ আৰু এঢাপ ওপৰলৈ উঠি যাবলৈ সক্ষম হৈছে। গীতটিৰ সৈতে জড়িত প্ৰত্যেককে ৰূপালীপৰ্দাৰ তৰফৰ পৰা জনাইছো শুভকামনা।

Add comment

Leave a Reply

The Ultimate Managed Hosting Platform