চাৰিটা সফল সংস্কৰণৰ সমাপ্তি পিছত পুনৰ বাৰ প্ৰাগ চেনেলত সম্প্ৰচাৰিত হৈছে “আমাৰ ভূপেন দা, চিজন-৫”। যোৱা কেইবাটাও বৰ্ষত এই ৰিয়লেটী শ্ব’টোৱে দৰ্শকক মনোৰঞ্জন দিয়াৰ লগতে ড° ভূপেন হাজৰিকাক সুঁৱৰিবলৈও অৱকাশ দিছে।
পূৰ্বৰ চাৰিওটা সংস্কৰণৰ তুলনাত এইবাৰৰ পঞ্চমটো চিজনে ব্যতিক্ৰমী ৰূপত আহিছে আপোনালোকৰ মাজলৈ। বঙাইগাওঁ, তেজপুৰ, যোৰহাট, গুৱাহাটী, কলকাতা আৰু বাংলাদেশতো লোৱা হৈছে “আমাৰ ভূপেন দা চিজন ৫” ৰ বাবে বিভিন্ন প্ৰতিভাৰ অডিশ্ব’ন। উল্লেখ্য যে, প্ৰাগ চেনেলত সম্প্ৰচাৰিত এই সংগীত প্ৰতিযোগিতাখনত হোষ্ট হিচাপে আছে জনপ্ৰিয় কন্ঠশিল্পী দীক্ষু শৰ্মা।
বিশ্ববিশ্ৰুত শিল্পী ড° ভূপেন হাজৰিকাৰ গীতক বিভিন্ন ভাষাত পৰিৱেশন কৰাই হৈছে এই প্ৰতিযোগিতাখনৰ মূখ্য উদ্দেশ্য। ড° ভূপেন হাজৰিকাক সুঁৱৰিয়ে আৰম্ভ কৰা হয় এই প্ৰতিযোগিতাখন।
Add comment