জনপ্ৰিয় ছবি সমালোচক কমল নাহতাৰ সৈতে অংগৰাগ মহন্তঃ

অসমীয়া সংগীত জগতত এটা জনপ্ৰিয় নাম হৈছে অংগৰাগ পাপন মহন্তৰ। তেওঁ কেৱল মাত্ৰ অসমীয়া সংস্কৃতিতেই নহয়; বলীউড ক্ষেত্ৰখনতো নিজৰ নাম উজ্বলাবলৈ সক্ষম হৈছে। তেওঁৰ কন্ঠৰ দ্বাৰা অসমবাসীক ৰাষ্ট্ৰীয়-আন্তঃৰাষ্ট্ৰীয় পৰ্যায়ত গৌৰম্বান্বিতও কৰিছে অংগৰাগে। এনেপৰিপ্ৰেক্ষিততে, ছবি সমালোচক জনপ্ৰিয় তৰণ আদৰ্শৰ সম্পৰ্কীয় ভাতৃ ও ছবি সমালোচক তথা ৰাষ্ট্ৰীয় সংবাদ মাধ্যমৰ ঘোষক কমল নাহতাৰ সৈতে এক সাক্ষাৎকাৰত দেখিবলৈ পোৱা যাব এইবাৰ অংগৰাগ পাপন মহন্তক।

বলীউড চেনেল “ETC” তথা “Zee Cinema” ত সম্প্ৰচাৰিত “ETC Bollywood Business” ত কমল নাহতাৰ সৈতে দেখিবলৈ পোৱা যাব কন্ঠশিল্পী গৰাকীক। কন্ঠশিল্পী গৰাকীয়ে নিজ ইনষ্টাগ্ৰাম একাউন্টত কৰা পোষ্টত সাক্ষাৎকাৰৰ সময়ছোৱাৰ কিছু মহুূৰ্ত তেওঁ দৰ্শকক দিয়ে।

উল্লেখ্য যে, কিছু দিন পূৰ্বে অংগৰাগে ৫০০-৬০০ বছৰ পূৰণি বৰগীতক নিজ কন্ঠৰে পুনৰ বাৰ শ্ৰোতাৰ সমুখলৈ আনিছিল। “বৰগীত ঘোষা সংকলন ১” শীৰ্ষক শ্ৰব্য কেছেট খনৰ দ্বাৰা নৱপ্ৰজন্মক বৰগীতৰ সোঁৱাদ দিবলৈ চেষ্টা কৰিছিল কন্ঠশিল্পী গৰাকীয়ে।