অগ্ৰণী সাংস্কৃতিক সংস্থা “প্ৰহেলিকা” ৰ দ্বাৰা আয়োজিত “অসম সূৰ্য্য বঁটা ২০২০” ত শ্ৰেষ্ঠ পুৰুষ কন্ঠশিল্পীৰ খিতাপ লাভ কৰিবলৈ সক্ষম হয় ভৃগু কাশ্যপে লগতে শ্ৰেষ্ঠ মহিলা কন্ঠশিল্পীৰ বঁটা লাভ কৰে গায়িকা গীতালী কলিতাই। খিতাপ লাভ কৰা দুয়োগৰাকী কন্ঠশিল্পীয়ে নিজ নিজ ইনষ্টাগ্ৰাম যোগে একোটা পোষ্ট কৰি অনুৰাগী সকলক ধন্যবাদ জনায়। আছলতে, অনুৰাগীৰ ক্ষেত্ৰত গীতালী তথা ভৃগুৰ কোনো জনেই কম নহয়। তেওঁলোকৰ প্ৰত্যেকটো গীতেই জনপ্ৰিয় বুলি ক’লেও অতিৰঞ্জিত নহ’ব।
এনে ক্ষেত্ৰতে কন্ঠশিল্পী ভৃগুয়ে এক আৱেগিক পোষ্ট কৰি অনুৰাগী সকলে তেওঁক ইমান দিনৰ পৰা দি অহা মৰম-স্নেহ আদিবোৰক লৈ ধন্যবাদ যাঁচে লগতে কয় যে, “মই অনাগত দিনত অসমীয়া জাতিৰ স্বাৰ্থত, ৰাইজৰ হৈ কাম কৰি যাম”। উল্লেখ্য যে, কিছুদিন পূৰ্বে মুক্তি প্ৰাপ্ত গীতালিৰ “ঘপককৈ” শীৰ্ষক গীতটিয়ে লাভ কৰিছে ৪ মিলিয়নৰো অধিক ভিউৱাৰচ; আনহাতে কন্ঠশিল্পী ভৃগুৰ কন্ঠৰে চলিত মাহৰ ২৯ তাৰিখে মুক্তি লাভ কৰিব তেওঁৰ শেহতীয়াকৈ নিৰ্মিত গীত “সুন্দৰী পমিলা”।
Add comment