চচিয়েল মিডিয়াত চীনা সামগ্ৰী প্ৰত্যাহাৰক উদ্দেশ্যি বিভিন্ন পোষ্ট কৰা দেখিবলৈ পোৱা গৈছে ৰাইজ ও তাৰকা সকলক। #BoycottChineseProducts ৰ ট্ৰেণ্ড চচিয়েল মিডিয়াত দেখিবলৈ পোৱা গৈছে। অভিনেতা মিলিন্দ সুমনে ইয়াক লৈ প্ৰায় কেইবাটাও পোষ্ট ইতিমধ্যে চচিয়েল মিডিয়াত কৰা আৰম্ভ কৰিছে।
কিছুদিন পূৰ্বে তেওঁ “টিক-টক” প্ৰত্যাহাৰ কৰা বুলি অনুৰাগীক জানিবলৈ দিছিল। তেওঁ আন এক টুইট কৰি কয় যে, “শৰীৰ ও ৰাষ্ট্ৰ… দুইটাক সুস্থ কৰি ৰাখিবলৈ এটাই উপায় আছে, “চিনি বন্ধ”। শৰীৰৰ বাবে “উপযুক্ত খাদ্য” আৰু ৰাষ্ট্ৰৰ বাবে “উপযুক্ত সামগ্ৰী”… #BoycottChineseProducts।” ইয়াৰ পূৰ্বেও এটি পোষ্ট যোগে তেওঁ টিক-টক আৰু ব্যৱহাৰ নকৰে বুলি ব্যক্ত কৰে। উল্লেখ্য যে, ইঞ্জিনিয়াৰ ও শিক্ষাবিদ ৱাংগচুকে কিছুদিন আগতে ভাৰতীয়ক চাইনা সামগ্ৰী প্ৰত্যাহাৰৰ কৰি ভাৰতীয়ক নিজৰ নাগৰিক শক্তি দেখুৱাবলৈ কৈছিল।
মিলিন্দ সুমনক এইকেইটা দিনত পূৰ্ণৰূপত চচিয়েল মিডিয়াত সক্ৰিয় হৈ থকা দেখিবলৈ পোৱা গৈছে। মিলিন্দ সুমনক ৱেব চিৰিজ “ফৌৰ মৰ চট্চ” ত দেখিবলৈ পোৱা গৈছিল। ইয়াৰ উপৰিও, তেওঁ ইনষ্টাগ্ৰামত অনুৰাগীক লৈ বিভিন্ন পোষ্ট কৰে। খাদ্য-বস্তুৰ পৰা আদি কৰি ব্যায়াম আদিৰো বিভিন্ন নিয়ম তেওঁ ভিডিঅ’ আকাৰে প্ৰস্তুত কৰি তেওঁ দৰ্শকক দেখুৱায়।
Add comment