সন্তানে মুখত ৰঙেৰে বুলালে নিশিতা গোস্বামী ও আইমী বৰুৱাকঃ

“লক-ডাউন” ৰ সময়ছোৱাত নিজ সন্তান সকলৰ সৈতে সময় কটাইছে অসমৰ দুই অভিনেত্ৰীয়ে। শ্বুটিংৰ পৰা আহৰি নোপোৱা অভিনেত্ৰী দুগৰাকীয়ে বৰ্তমান নিজ সন্তানক বহুল সময় প্ৰদান কৰিছে। প্ৰায়ে দুয়োগৰাকীয়ে চচিয়েল মিডিয়া একাউন্টত বিভিন্ন পোষ্ট আপলোড কৰি দৰ্শকক আপ্লুত কৰা দেখিবলৈ পোৱা যায়। আইমী বৰুৱা আৰু নিশিতা গোস্বামী একোগৰাকী জনপ্ৰিয় অভিনেত্ৰী হোৱাৰ সমান্তৰালকৈ তেওঁলোক এগৰাকী সু-মাতৃ। নিশিতা গোস্বামী আৰু আইমী বৰুৱাৰ সন্তানে তেওঁলোকৰ মুখত ৰঙেৰে বুলাই মাতৃৰ সৈতে আনন্দ কৰা দেখিবলৈ পোৱা গৈছে। য’ত নিশিতা গোস্বামীক তেওঁৰ পুত্ৰই এটা চৰাইলৈ ধাৱমান কৰোৱাইছে তাতেই আকৌ আইমী বৰুৱাক তেওঁৰ দুই সন্তানে ব্যস্ত পিতৃৰ এক ৰূপ দিবলৈ চেষ্টা কৰিছে।

উল্লেখ্য যে, শেহতীয়াকৈ নিশিতা গোস্বামী আৰু আইমী বৰুৱাক এখন আলোচনীৰ কভাৰ পেজত দেখিবলৈ পোৱা গৈছিল। “বৰ্ণালী” আলোচনীখনৰ কভাৰ পেজখনত এওঁলোকক দেখিবলৈ পোৱা গৈছিল। ইয়াৰ উপৰিও, দুয়োগৰাকী অসমীয়া ক্ষেত্ৰখনৰ দুই গৰাকী লেখত ল’বলগীয়া অভিনেত্ৰী। দুয়োগৰাকীৰ অভিনয়ৰ বাবে তেওঁলোকৰ অনুৰাগীও হৈছে যথেষ্ট।