Rupaliparda.com
মুক্তিৰ পূৰ্বেই "বেলকনিত ভগৱান" ৰ আন এক সফলতাঃ 1

মুক্তিৰ পূৰ্বেই “বেলকনিত ভগৱান” ৰ আন এক সফলতাঃ

এখন অসমীয়া পূৰ্ণদৈৰ্ঘ্যৰ ছবি; মুক্তিৰ পূৰ্বেই ছবিখনৰ সফলতাই উৎসাহিত কৰিছে অসমীয়া দৰ্শকক। সংগোপনে সম্পন্ন কৰা হৈছিল এই ছবিখনৰ দৃশ্যগ্ৰহণ; এই ছবিখন হৈছে ৰাষ্ট্ৰীয় পৰ্যায়ত প্ৰতিষ্ঠিত অসমৰ জনপ্ৰিয় পৰিচালক বিশ্বজিৎ বৰাৰ দ্বাৰা পৰিচালিত “বেলকনিত ভগৱান (God On The Balcony)”। এই ছবিখনে ভাৰতৰ এটা অন্যতম উল্লেখযোগ্য আৰু বৃহত্তম চলচিত্ৰ মহোৎসৱ ‘২৬ তম কলকতা আন্তৰ্জাতিক চলচ্চিত্ৰ মহোৎসৱ’ ৰ ‘NATIONAL COMPETITION ON INDIAN LANGUAGE’ শাখাৰ বাবে নিৰ্বাচিত হৈছে।২০২০ চনত নিৰ্মিত এইবছৰৰ সৰ্বশ্ৰেষ্ঠ ভাৰতীয় চলচিত্ৰ ক্ৰমে Bittersweet, Avijatrik, Aquarium, Laila Aur Sattgeet আদিৰ সৈতে অসমীয়া ছবি ‘বেলকনিত ভগৱান’ য়ে প্ৰতিযোগিতাত অংশগ্ৰহণ কৰাৰ সুযোগ লাভ কৰাটো অসমবাসীৰ বাবে এক গৌৰৱৰ বিষয়। অহা ৫ নৱেম্বৰৰ পৰা ১২ নৱেম্বৰলৈ অনুষ্ঠিত হ’বলগীয়া এই মহোৎসৱৰ যোগেদি ‘বেলকনিত ভগৱান (GOD ON THE BALCONY) ৰ কৰা হ’ব ৱৰ্ল্ড প্ৰিমিয়াৰ। একাধাৰে কেইবাখনো ছবিৰ প্ৰকল্প হাতত লোৱা বিশ্বজিৎ বৰাৰ এই ছবিখনো হৈছে বহু প্ৰত্যাশিত ছবিৰ মাজৰ এখন। ছবিখনৰ ক্ষেত্ৰত আন এক উল্লেখনীয় কথা এয়াও যে বহু দিনৰ বিৰতিৰ পিছত মাইনা প্ৰডাকচনৰ বেনাৰত উক্ত ছবিখন নিৰ্মাণ কৰা হৈছে। “জেতুকা পাতৰ দৰে” এখন ৰাষ্ট্ৰীয় বঁটাপ্ৰাপ্ত ছবিৰ প্ৰযোজক নুৰুল চুলতানে প্ৰযোজনা কৰিছে “বেলকনিত ভগৱান।”

মুক্তিৰ পূৰ্বেই "বেলকনিত ভগৱান" ৰ আন এক সফলতাঃ 2
মুক্তিৰ পূৰ্বেই "বেলকনিত ভগৱান" ৰ আন এক সফলতাঃ 3


এজন দক্ষ প্ৰযোজক ৰূপে চিনাকী লাভ কৰা নুৰুল চুলতানে এই ছবিখনৰ জৰিয়তেও যে দৰ্শকক আমোদ প্ৰদান কৰিব সেয়া নিশ্চিত। আনহাতে, এগৰাকী সফল পৰিচালক ৰূপে পৰিগণিত বিশ্বজিত বৰাৰ প্ৰায় প্ৰতিখন ছবিকেই আকোঁৱালি লৈছে অসমীয়া দৰ্শকে। বাণিজ্যিক ছবিৰ ওপৰত নিৰ্ভৰশীল নহৈ তেওঁ “mass audiece” আৰু “intellectual audience” ৰ দৰে এই দুই শ্ৰেণীক ধৰি ৰখা প্ৰচেষ্টা বিশ্বজিৎ বৰাই কৰা দেখিবলৈ পোৱা যায়। তেওঁৰ পৰিচালনাৰে আহিবলগীয়া ছবিখনৰ শ্বুটিং প্ৰায় ৫০০ জন জনসাধাৰণৰ সমুখত কৰা হৈছিল যদিও তাত কোনো লোকক মোবাইল ফোন ব্যৱহাৰ কৰিবলৈ দিয়া হোৱা নাছিল। কিন্তু, হঠাতে এদিন ছবিখনৰ শ্বুটিং সময়ৰ কিছু ফটো বাহিৰ অহাত ছবিখনৰ বিষয়ে জানিবলৈ পাইছিল অসমীয়া দৰ্শকে। ইয়াত মূখ্য চৰিত্ৰত অভিনয় কৰিছে বলীউডৰ কেইবাখনো ছবি ক্ৰমে য়াহা, কমিনে, মিডনাইটচ চিলড্ৰেন, গেংগচ অৱ ৱাছিপুৰ আদিত অভিনীত হাৰিশ খান্নাই। লগতে ইয়াত আন দুটা চৰিত্ৰত অভিনয় কৰিছে প্ৰণামী ভাৰথী আৰু পৰিনান্ধি জিমা চুলতানাই। ইয়াৰ উপৰিও শুনিবলৈ পোৱা মতে ৰাজীৱ ক্ৰ, শোণিত বৰা, সাংবাদিক ইভা মহন্তৰ লগতে জেষ্ঠ অভিনেতা দীনেশ দাস, জেষ্ঠ অধিবক্তা বিজন মহাজন আৰু জনপ্ৰিয় সাংবাদিক ৰাজদ্বীপ বাইলুং বৰুৱাই, অৰুণ হাজৰিকা, যতীন খনিকৰ, পবিত্ৰ বৰুৱা, জ্যোতিষ্মান কাশ্যপ, বিনোদলাল দাস অভিনয় কৰিছে এই ছবিখনত।

মুক্তিৰ পূৰ্বেই "বেলকনিত ভগৱান" ৰ আন এক সফলতাঃ 4


মাজুলী, লক্ষীমপুৰ আদিৰ ভিতৰুৱা ঠাইসমূহৰ কিছু বাতৰি আমি প্ৰায়ে সংবাদ মাধ্যমত দেখিবলৈ পাওঁ; য’ত অসুখীয়া পত্নীক গিৰিয়েকে চাইকেল অথবা ঠেলাত কঢ়িয়াই হাস্পাতাললৈ চিকিৎসাৰ বাবে লৈ যায়। তেনে এক ঘটনাৰ পৰিপ্ৰেক্ষিততে হয়টো নিৰ্মাণ কৰা হৈছে হয়টো এই “বেলকনিত ভগৱান” ছবিখন।

Reema Dutta

Add comment

Leave a Reply

Recent posts

  • Load WordPress Sites in as fast as 37ms!
  • Jetpack

Most popular

Most discussed

Follow us

Don't be shy, get in touch. We love meeting interesting people and making new friends.

%d bloggers like this: