“ইনছাল্লাহ” ৰ যোগেৰে ২০২০ চনৰ ঈদত ছলমান নাহিলেও “কিক-২” ৰ যোগেৰে আহিব তেওঁ। এই কথাৰ আভাষ অভিনেতাগৰাকীয়ে নিজেই টুইট কৰি দিয়ে। “কিক” ৰ দ্বিতীয় সংস্কৰণতো অভিনেত্ৰী জেকলিনক দেখিবলৈ পোৱাৰ পূৰ্ণ সম্ভাৱনা আছে; কিন্তু ছবিখনৰ পৰিচালক সাজিদ নাডিয়াৱালাই ছবিখনৰ মূখ্য অভিনেত্ৰীৰূপে দীপিকা পাডুনকহে আনিবলৈ চেষ্টা কৰি আছে।
উল্লেখ্য যে, যদিহে দীপিকা পাডুকন এই ছবিখনলৈ আহে তেন্তে অইন ছবি সমূহৰ দৰে কেৱল এগৰাকী অভিনেত্ৰী ৰূপত তেওঁক অনা নহ’ব; তেওঁ কৰিব লাগিব এটা শক্তিশালী চৰিত্ৰত অভিনয়। অকল এয়াই নহয়, ছলমানৰ উক্ত ছবিখনৰ লগতে ঈদত মুক্তি পাব অক্ষয় কুমাৰৰ “লক্ষ্মী বম্ব”। যদিহে দুয়োখন ছবি একেদিনাই মুক্তি পায়; তেনেহ’লে দৰ্শকৰ বাবেও সহজ নহ’ব দুয়োখনৰ ভিতৰত এখন বিচাৰ কৰাটো।
Add comment