অসমীয়া চলচিত্ৰ জগতৰ ৫ টা উল্লেখনীয় যুঁটিঃ

অসমীয়া চলচিত্ৰ বুলি ক’লেই আমাৰ কিছুমান এনে যুঁটিৰ কথা মনলৈ আহে; যিবোৰৰ অবিহনে অসমীয়া চলচিত্ৰৰ সফলতা আছিল অসম্ভৱ। হঠাৎ লেহেমীয়া হৈ যাব ধৰা অসমীয়া ছবিৰ ধাৰাক জীৱন্ত কৰি তুলিছিল এওঁলোকেই।
তেনে ৫ টা লেখত ল’বলগীয়া যুঁটি হ’ল-

১. বিজু ফুকন আৰু সুহাসিনী মূলেঃ

“অপৰূপা” ছবিখনত উক্ত দুয়োগৰাকীকে দেখিবলৈ পোৱা গৈছিল। ছবিখনে ১৯৮৩ চনত ৰাষ্ট্ৰীয় চলচিত্ৰ বঁটা (ৰজত কমল)ৰ আঞ্চলিক ভাষাৰ শ্ৰেষ্ঠ চলচিত্ৰৰ পুৰস্কাৰ লাভ কৰিছিল।

২. জেৰিফা ৱাহিদ আৰু ৰবি শৰ্মাঃ

এই শিল্পীদ্বয়ৰ লেখত ল’বলগীয়া ছবি দুখন হৈছে “বুকুয়ে বিচাৰে” আৰু “নায়ক”। উক্তি যুঁটিটোক পচন্দও কৰিছিল বহু দৰ্শকে।

৩. গীতাৱলী ৰাজকুমাৰী আৰু ৰবি শৰ্মাঃ

“হিয়া দিয়া নিয়া” আৰু “ককাদেউতাৰ ঘৰ জোঁৱাই” ত দেখিবলৈ পোৱা গৈছিল এই দুইগৰাকী অভিনেতা-অভিনেত্ৰীক। ডাঙৰ পৰ্দাত এই দুয়োগৰাকীৰ অভিনয়ে হৃদয় জিনিছিল অসমীয়া দৰ্শকৰ।

৪. যতীন বৰা আৰু বৰষা ৰাণী বিষয়াঃ

“বিধাতা”, “চেনাই মোৰ ঢুলীয়া” কে ধৰি কেইবাখনো ছবিত একেলগে কাম কৰা এই যুঁটিটোও আছিল অসমীয়া চলচিত্ৰৰ যুঁটি সমূহৰ ভিতৰত অন্যতম। উল্লেখ্য যে, অহা ১১ অক্টোবৰত মুক্তি পাবলগীয়া ছবি “ৰত্নাকৰ” ত পুনৰবাৰ দৰ্শকে উপভোগ কৰিব পাৰিব এই যুঁটিটোক।

৫.নিশিতা গোস্বামী আৰু জুবিন গাৰ্গঃ

“দীনবন্ধু”, “মন যায়” আদিৰ দৰে ছবিত একেলগে কাম কৰিছিল এই যুঁটিটোৱে। উক্ত দুয়োখন ছবি আজিৰ তাৰিখতো প্ৰিয় বহু দৰ্শকৰ।

এই যুঁটি সমূহৰ ভিতৰত আপোনাৰ প্ৰিয় কোনটো? অথবা অসমীয়া চলচিত্ৰৰ আৰু এনে কোনোবা যুঁটি আছেনে যিটো আপুনি আমাক জনাব বিচাৰে। তেন্তে কমেন্ট কৰক।