“চলচিত্ৰ্ম নেশ্বনেল ফিল্ম ফেষ্টিভেল” ত প্ৰথম পুৰস্কাৰ প্ৰাপ্ত “জাপি”-

অসমীয়া ছবিসমূহৰ দৰেই বৰ্তমান সময়ত চুটি ছবি, তথ্য চিত্ৰ সমূহে নিজৰ প্ৰভাৱ বিস্তাৰ কৰিছে দৰ্শকৰ ওপৰত। মনোৰঞ্জনৰ সমান্তৰালকৈ তথ্য চিত্ৰ এখনৰ দ্বাৰা শিকিবলগীয়া কথাখিনিৰেহে দৰ্শক অতি আকৰ্ষিত হৈ পৰে। “লক-ডাউন” ৰ সময়ছোৱাত জনসাধাৰণৰ ভাৱে নিজৰ লগত সময় কটোৱাটো আটাইতকৈ সহজ হৈ পৰিছে। সকলোৱে নিজৰ ইচ্ছানুসৰি সময় কটাইছে এই “লক-ডাউন” ত। এনে সময়ত দৰ্শকৰ মনোৰঞ্জনৰ প্ৰয়াসো কৰা দেখিবলৈ পোৱা গৈছে একাংশ শিল্পীক। গতিকে, এই সময়ছোৱাত বিভিন্ন ছবি ও তথ্য চিত্ৰৰ খবৰ দি দৰ্শকৰ মনোৰঞ্জন কৰাৰ চেষ্টা কৰা দেখা গৈছে পৰিচালক ও চলচিত্ৰ সমালোচক উৎপল দত্তক। কিছুদিন পূৰ্বে অনুষ্ঠিত “চলচিত্ৰম নেশ্বনেল ফিল্ম ফেষ্টিভেল” ত শ্ৰেষ্ঠ ছবিৰ পুৰষ্কাৰ লাভ কৰা “জাপি” শীৰ্ষক তথ্যচিত্ৰৰ বিষয়ে জানিবলৈ দিয়ে পৰিচালক গৰাকীয়ে।

কৃপাল কলিতাৰ পৰিচালনাৰে নিৰ্মিত এই ১৯ মিনিট দৈৰ্ঘ্যৰ তথ্যচিত্ৰ খনত অসমৰ অতিকৈ আপোন এক চিহ্ন “জাপি” ৰ বিষয়ে আলোচনাক দাঙি ধৰা হৈছে। বিগত দিনৰ পৰা অসমীয়া ৰাইজে বিশেষকৈ কৃষক সমাজে প্ৰতিকূল অৱস্থাৰ পৰা বাচিবলৈ ব্যৱহাৰ কৰা “জাপি” টোৱে গিনিছ বুক অৱ বৰ্ল্ড ৰেকৰ্ডত স্থান গ্ৰহণ কৰালৈ; এই আটাইৰে বিৱৰণ কৰা হৈছে উক্ত তথ্যচিত্ৰখনত। দেশ-বিদেশৰ পৰা অহা অতিথিক কৰা আপ্যায়নৰ পৰা বিহুৰ সময়ত নাচনীয়ে কৰা “জাপি” ৰ ব্যৱহাৰে ইয়াৰ মান মৰ্যাদা কিমান উৰ্দ্ধত কৰিছে সেয়া অনুমান কৰিব পৰা যায়। তথ্যচিত্ৰ খনত “জাপি” ৰ বিষয়ে পুংখাপুংখ তথ্য দাঙি ধৰাৰ লগতে নেপথ্যত বাজি থকা “ভইচ অভাৰ” ৰ সৈতে সামঞ্জস্য ৰখা প্ৰতিটো দৃশ্যই আছলতে তথ্যচিত্ৰখনক অধিক গ্ৰহণযোগ্য কৰি তুলিছে।

প্ৰথম স্থানপ্ৰাপ্ত এই তথ্যচিত্ৰ খন উপলদ্ধ “Vimeo” নামে এপটোত। ছবিখন উপভোগ কৰা পিছতেই জনসাধাৰণৰ পৰা অহা মন্তব্যই প্ৰমাণ কৰিছে ছবিখনৰ সফলতা।