প্ৰসাধন ব্যৱহাৰ নকৰাকৈয়ে চৰ্চিত জেৰিফাঃ তেওঁৰ “ন মেকআপ” লুক

নিতৌ যথেষ্ট মেক-আপৰ সৈতে কেমেৰাৰ সমুখত বহিবলগীয়া হয় অভিনয়ৰ সৈতে জড়িত প্ৰত্যেকগৰাকী অভিনেত্ৰীয়ে। কেমেৰাৰ এংগল অনুসৰি নিজক শুৱনি কৰি ৰাখিবলৈ যত্ন কৰে তেওঁলোকে। সদায় তেওঁলোকক মেক-আপত দেখি থকা দৰ্শকে যদি কেতিয়াবা “ন-মেক আপ” লুকত দেখি যায় তেতিয়াহ’লে এফালৰ পৰা চৰ্চাৰ বিষয় হোৱাৰ লগতে ট্ৰল’ৰো সন্মুখীন হ’বলগীয়া হয় অভিনেত্ৰী সকল।

কিন্তু, এনে “ন মেকআপ” লুকেৰে দৰ্শকৰ সমাদৰহে বুটলিলে অসমীয়া ছবিজগতৰ জনপ্ৰিয় অভিনেত্ৰী জেৰিফা ৱাহিদে। ইনষ্টাগ্ৰাম একাউন্টত আপলোড কৰা কেইখনমান ফটোত এতিয়া জেৰিফাৰ অনুৰাগীয়ে কৰিছে বিভিন ধনাত্মক কমেন্ট।