অসমীয়াকে ধৰি কেইবাটাও ভিন্ন ভাষা ক্ৰমে কাৰ্বি, বড়ো, মিছিং, নেপালী, তিৱা, দেউৰী, অৰুণাছলী, নাগামিজ, বেংগলীত কন্ঠদান কৰা বৰ্ণালী কলিতা অসমৰ জনসাধাৰণৰ বাবেই হৈছে এক স্বাভিমান। বৰ্ণালী বৰ্তমান ব্যস্ত হৈ পৰিছে তেওঁৰ আহিবলগীয়া হিন্দী গীত “সাজনা” ক লৈ।
ৰূপালী পৰ্দাৰ ফালৰ পৰা গায়িকা গৰাকীৰ সৈতে হোৱা কথাত তেওঁ জনাইছিল যে, “সাজনা মোৰ বাবে কেৱল মাত্ৰ এটা সংগীত নহয়; গীতটো হৈছে যোৱা ২ বছৰৰ পৰা মোৰ সৈতে জড়িত হৈ থকা আৱেগ।”
চলিত মাহৰ চেপ্তেম্বৰৰ ১৭ তাৰিখে মুক্তি পাবলগীয়া এই গীতটো বৰ্ণালী কলিতাৰ ব্যক্তিগত ইউটিউব চেনেলত আপলোড কৰা হ’ব। উক্ত গীতটো পৰিচালনা আৰু সৃষ্টিৰ আঁৰত আছে সাকেট সিং লগতে গীতটিৰ লিখক হৈছে শীতল সিং। “সাজনা” ত সুৰ দিছে নিৰঞ্জন আৰু পৰাণ বৰকটকীয়ে।গীতটিৰ ভিডিঅ’ পৰিচালনা অভিষেক অংকুৰৰ।
Add comment