ক্ৰীড়াভিত্তিক নতুন ছবিৰ আগমনঃ “তুফান”-

পৰিচালক ৰাকেশ ঔমপ্ৰকাশ মেহৰাৰ দ্বাৰা নিৰ্মিত ছবি “তুফান” ৰ ইতিমধ্যে মুকলি কৰা হ’ল ফাৰ্ষ্ট লুক পোষ্টাৰ। ছবিখনত জনপ্ৰিয় অভিনেতা ফৰহান আখতাৰক এগৰাকী বক্সাৰৰ চৰিত্ৰত দেখিবলৈ পোৱা যাব। ক্ৰীড়াভিত্তিক এই ছবিখন অহা বৰ্ষৰ ২ অক্টোবৰ তাৰিখে অৰ্থাৎ গান্ধী জয়ন্তীৰ দিনা মুক্তি দিয়া হ’ব।

ছবিখনৰ নিগেটিভ চৰিত্ৰত অভিনয় কৰিছে দৰ্শন কুমাৰে। উক্ত অভিনেতা গৰাকীয়ে ছবিখনত মহাৰাষ্ট্ৰৰ বক্সাৰ ধৰ্মেশ পাটিলৰ চৰিত্ৰ ৰূপায়ন কৰিব। উল্লেখ্য যে, ফাৰহান তথা দৰ্শনকে ধৰি ছবিখনত অভিনীত অভিনেতা সমূহে “তুফান” ৰ বাবে নিজক তৈয়াৰ কৰিবলৈ প্ৰায় ৭-৮ ঘন্টাকৈ ট্ৰেইনিং কৰা দেখিবলৈ পোৱা গৈছে

ইয়াৰ উপৰিও, অভিনেতা সমূহৰ বাবে মুম্বাই ৱেষ্টৰ্ণ এক্সপ্ৰেছ হাইৱেত অৱস্থিত এটা ফেক্টৰীত বক্সিংৰ সা-সুবিধা সমূহ কৰি দিয়া হৈছে। লগতে, ফাৰহান আখতাৰক দৰ্শকে দ্বিতীয় বাৰৰ বাবে এজন খেলুৱৈ ৰূপত দেখিবলৈ পাব।