গোৱাত অনুষ্ঠিত IFFI লৈ ৰাওঁনা আইমী সহিতে গৰিমাঃ

ভাৰতৰ আন্তঃৰাষ্ট্ৰীয় চলচিত্ৰ মহোৎসৱখনে এইবাৰ সম্পূৰ্ণ কৰিব নিজৰ ৫০ টা সোণালী বৰ্ষ। চলচিত্ৰ জগতখনৰ সৈতে জড়িত কেইবাগৰাকীও গণ্য-মান্য ব্যক্তি উপস্থিত থাকিব এই মহোৎসৱখনত। আজিৰে পৰা অৰ্থাৎ ২০ নৱেম্বৰৰ পৰা ২৮ নৱেম্বৰলৈ গোৱাত অনুষ্ঠিত হ’ব ভাৰতীয় আন্তঃৰাষ্ট্ৰীয় চলচিত্ৰ মহোৎসৱ।

এনে পৰিপেক্ষিততে,জুবিনৰ পত্নী গৰিমা শইকীয়া গাৰ্গ তথা আইমী ৰাওনা হৈছে গোৱালৈ। ইনষ্টাগ্ৰাম যোগে আন্তঃৰাষ্ট্ৰীয় চলচিত্ৰ মহোৎসৱলৈ ৰাওনা হোৱা ফটো কিছু আপলোড কৰে আইমীৰ লগতে গৰিমা শইকীয়া গাৰ্গে।

উল্লেখ্য যে, এইবাৰৰ ভাৰতৰ আন্তঃৰাষ্ট্ৰীয় চলচিত্ৰ মহোৎসৱত বিজু ফুকনৰ স্মৰণত ও শ্ৰদ্ধা জ্ঞাপন কৰি প্ৰদৰ্শিত কৰা হ’ব অসমীয়া ছবি “অপৰূপা”।