মনোৰঞ্জন কৰোৱাই দৰ্শকক আকৰ্ষিত কৰিছে গীতালিয়েঃ

গীতালী কলিতাৰ “প্ৰীতি ভৰা” ৰ সফলতাৰ পিছত এইবাৰ তেওঁৰ কন্ঠৰে আহি আছে “ঘপক কৈ”। ইনষ্টাগ্ৰাম যোগে বিভিন্ন পোষ্ট দি দৰ্শকক আকৰ্ষিত কৰি তোলাৰ লগতে তেওঁৰ আহিবলগীয়া উক্ত গীতটিৰ ভিডিঅ’ৰ শ্বুটিঙৰ সময়ছোৱাৰো বিভিন্ন পোষ্ট দৰ্শকৰ মাজত কন্ঠশিল্পী গৰাকীয়ে আপলোড কৰিছে।

তেওঁৰ শ্বুটিঙৰ সময়ছোৱাৰ বিভিন্ন পোষ্ট দি তাত দিয়া কেপছন সমূূহেৰে কন্ঠশিল্পী গৰাকীয়ে দৰ্শকক মনোৰঞ্জন কৰোৱাও দেখিবলৈ পোৱা গৈছে। “ঘপককৈ” গীতটি লিখিছে শোণিত গগৈয়ে আৰু ইয়াত সুৰ দিছে শোণিত গগৈ লগতে বিজয় শংকৰে। ইয়াত উপৰিও, গীতটিত সংগীতো হৈছে বিজয় শংকৰৰ।