“শিল্পীয়ে শিল্পীৰ বাবে”- ২১এপ্ৰিলৰ পৰা ১ মে’ লৈ ইনষ্টাগ্ৰাম লাইভ অসমীয়া শিল্পীঃ

চলিত মাহৰ ২১ তাৰিখৰ পৰা আৰম্ভ কৰি আগন্তুক ১ মে ‘ তাৰিখলৈ T Series Stage Works Academy Guwahati (An Academy of Film, Television & Performing Arts) শীৰ্ষক প্ৰতিষ্ঠানটোৱে জনসাধাৰণৰ বাবে লৈ আনিছে এক মনোৰঞ্জনধৰ্মী অনুষ্ঠান। আৰ্থিকভাৱে পিছপৰি ৰোৱা কিছু শিল্পীক সহায় আগবঢ়োৱাৰ অৰ্থে অসমীয়া শিল্পী সমূহক একগোট কৰি কৰা হৈছে এই প্ৰচেষ্টা। কাইলৈৰ পৰা প্ৰত্যেকটো সন্ধিয়া ৮ বজাত লাইভ যোগে দেখিবলৈ পোৱা যাব একাংশ শিল্পীক। শিল্পী সমূহৰ সৈতে কথা পতাৰ উপৰিও প্ৰিয় কন্ঠশিল্পীৰ পৰা গীত উপভোগ কৰি কোনোৱে যদি বিচাৰিছে এই প্ৰতিষ্ঠানটোৰ দ্বাৰাই তেওঁলোকে সহায় কৰিব পাৰিব অসহায় জনক।

প্ৰথমদিনাই উক্ত অনুষ্ঠানটোৰ লাইভত দৰ্শকে দেখিবলৈ পাব নীল আকাশ ও প্ৰস্তুতি পৰাশৰক। উল্লেখ্য যে, এই অনুষ্ঠানটিৰ আঁত ধৰিব কন্ঠশিল্পী ভৃগু কাশ্যপে। জুবিন গাৰ্গকে ধৰি যতীন বৰা, ৰবি শৰ্মা, বৰষা ৰাণী বিষয়া, ৰিম্পী দাস, সুবাসনা দাস, কল্পনা কলিতা, অনন্যা কাশ্যপ, মন্টু মণি শইকীয়া,তনভী শৰ্মা, গীতালী, প্ৰীতি কংকনা, আচুৰ্য্য বৰপাত্ৰ, ৰূপাংকৃতা,অলংকৃতা, দীপলিনা ডেকা, ৰাকেশ ৰিয়ান তথা প্ৰিয়ম পল্লৱী আদি জনপ্ৰিয় শিল্পী সমূহে অংশগ্ৰহণ কৰিব এই লাইভ অনুষ্ঠানত।

শিল্পীয়ে শিল্পীৰ বাবে থিয় হোৱা এনে প্ৰচেষ্টা সঁচাকৈ প্ৰশংসনীয়। “কভিড ১৯” য়ে বিহু মঞ্চৰ পৰা শিল্পী সমূহক আঁতৰাই পঠিয়ালেও কিন্তু এতিয়া এওঁলোকে নিজাববীয়াকৈ বিচাৰি লৈছে মনোৰঞ্জনৰ বাট।