“মিছন চাইনা” ৰ অভূতপূৰ্ব সফলতাৰ পিছত এইবাৰ নৱ প্ৰজন্মৰ হাৰ্টথ্ৰৱ জুবিন গাৰ্গৰ অসমীয়া চলচিত্ৰ জগতত সংযোজনৰ নতুন প্ৰয়াস “কাঞ্চনজংঘা”। চিনেমা হ’লত “অসমীয়া চিনেমা ন’চলে” আদি জনসাধাৰণৰ মনত যি ঋণাত্মক ধাৰণা আছে তাক সম্পূৰ্ণ সলনি কৰাত জুবিন গাৰ্গ “মিছন চাইনা” ৰ যোগেদি সফল হোৱাৰ পিছত তেওঁ এই ধাৰা অব্যাহত ৰাখিব খুজিছে। “মন যায়” বোলছবিৰ কাহিনীৰ সৈতে সাদৃশ্য আছে যদিও “কাঞ্চনজংঘা” ত দৰ্শকে নতুনৰ সোৱাদ পাব বুলি উল্লেখ কৰিছে হাৰ্টথ্ৰৱ গৰাকীয়ে।
বিগত বৰ্ষৰ ১৮ নৱেম্বৰ তাৰিখে মুকলি কৰা “কাঞ্চনজংঘা” পষ্টাৰ আছিল ” আই কেচ্ছি” অৰ্থাৎ চকুত লগা। পৰিচালনা কৰা তথা সংলাপ দিয়া হাৰ্টথ্ৰৱ গৰাকীৰ কাঞ্চনজংঘা ৰ বাজেট হৈছে প্ৰায় ১কোটি টকা। অসম লোকসেৱা আয়োগ অৰ্থাৎ APSC ত যি বৃহৎ কেলেংকাৰী হৈছিল তাৰ নিদৰ্শনৰ ভেঁটিত কাহিনী দিয়া হৈছে “কাঞ্চনজংঘা” ত। সমষ্ট কেলেংকাৰীৰ বিৰুদ্ধে মুখ খুলি সংগ্ৰাম কৰা চৰিত্ৰ “অনিৰ্বাণ” ৰ যোগেদি ঘটনাটো বৰ্ণোৱা হ’ব বুলি কয় জুবিন গাৰ্গে। ১৯৭৬ চনৰ অসম লোকসেৱা আয়োগৰ এজন বিষয়া তেওঁৰ পিতৃ আছিল গতিকে এই গোটই বিষয়টো তেওঁ হৃদয়ংগম কৰিব পাৰে বুলি বহু সংবাদ মাধ্যম তথা সাক্ষাৎকাৰত তেওঁ জনাইছে। প্ৰিয়ংকা ভৰালী,দিপলীনা ডেকা, জুবিন গাৰ্গৰ কণ্ঠদানেৰে প্ৰস্তুত কৰা হৈছে “কাঞ্চনজংঘা”।
জুবিন গাৰ্গে ইতিমধ্যে “কাঞ্চনজংঘা” ৰ এটি ডায়লগেৰে ইয়াৰ প্ৰচাৰ আৰম্ভ কৰিছে – “মোৰ কোনো জাতি নাই, মোৰ কোনো ধৰ্ম নাই, মোৰ কোনো ভগৱান নাই ।মই মুক্ত। মই কাঞ্চনজংঘা।” অহা ৮ চেপ্তেম্বৰ তাৰিখে ড° ভূপেন হাজৰিকাৰ জন্মদিনৰ দিনাই “কাঞ্চনজংঘা” মুক্তি দিয়াৰ পৰিকল্পনা কৰিছে জুবিন গাৰ্গে। অসমীয়া জনসাধাৰণ আশাবাদী জুবিন গাৰ্গৰ এই প্ৰচেষ্টা তথা সাধনাক লৈ। অসমীয়া বোলছবি জগতত পুনৰ নতুন সুৰুযে আশাৰ কঁঠিয়া দিচক তাৰেই কামনা বৰ্তমান অসমবাসীৰ।
You may also like
অৱনী ৰঞ্জন পাঠকৰ চিনেমা –উৎপল মেনা
অৱনী ৰঞ্জন পাঠক– সংগীতৰ মানুহ। শ্ৰব্য সংকলন– “মামন”, দুৰদৰ্শনৰ ধাৰাবাহিক– “জোৱাই”, “সংসাৰ” আদিৰ সংগীত পৰিচিলক অৱনী ৰঞ্জন পাঠকে সুৰ ৰচনা কৰা কেইটামাণ গীত– “বৰষা ৰাতি নিবিড় মায়া সানি…”...
বৰুৱাৰ সংসাৰ: উৎপল বৰপূজাৰীৰ “তথ্য-চিনেমা” –উৎপল মেনা
মন-মগজুত খোপনি পুটি থকা বা সাচি ৰখা কেইবা খনো অসমীয়া চিনেমাৰ টুকুৰা, সংলাপৰ টুকুৰা, চিৰসেউজ গীতৰ টুকুৰা পৰ্দালৈ আহিছিল। নষ্টালজিক হৈছিলোঁ, চিনে আনন্দ অনুভৱ কৰিছিলোঁ। কেমেৰা পেন কৰিছিল কংক্ৰিট মহানগৰীৰৰ সৰু-বৰ অট্টালিকাৰ...
জিয়া- মুক্তিৰ পূৰ্বেই চৰ্চিত এখন চিনেমা
ঘৰুৱা হিংসাৰ বাবে স্বামীৰ পৰা পৃথক হোৱা এগৰাকী নাৰীৰ কাহিনীৰে নিৰ্মিত চিনেমা ‘জিয়া’ই মুক্তিৰ পূৰ্বেই অসমত চৰ্চা লাভ কৰিছে। বৰ্তমানৰ সমাজ ব্যৱস্থাটোত অকলশৰীয়া মাতৃৰ জীৱন সংগ্ৰামক ফুটাই তুলিবলৈ চেষ্টা কৰা হৈছে চিনেমাখনত।...
ইতি তোমাৰ: ২৯ মাৰ্চত –উৎপল মেনা
“ইতি তোমাৰ” –চুই যোৱা নাম। এখন অসমীয়া চিনেমাৰ। নতুন চিনেমা। নতুন পৰিচালক। নতুন চিনেচিন্তাৰ ইংগিত। পৰিচালক: পাৰ্ভেজ আহমেদ। ৰেড ৰিভাৰ ফাণ্ড আৰু মনচুন স্ক্ৰিপ্তৰ বেনাৰত নিৰ্মাণৰত চিনেমা খনৰ কাৰ্য্যবাহী...
|| ইতি তোমাৰ: চিনে চৰ্চা || –উৎপল মেনা
“ইতি তোমাৰ” –এখন অসমীয়া চিনেমা। পাৰৱেজ আহমেদৰ প্ৰথম (পূৰ্ণদৈৰ্ঘ) পৰিচালনা। চিনেমা খন চোৱাৰ পাছতে (জ্যোতি চিত্ৰবনৰ ৰুদ্ৰ বৰুৱা প্ৰেক্ষাগৃহত। ২৩ মাৰ্চ ২০২৪।) আমি দৃশ্য মাধ্যমৰ এগৰাকী সংংবাদকৰ্মীৰ প্ৰশ্নৰ...
|| ৱাইড এংগল ||–উৎপল মেনা
“ৱাইড এংগল” — চালোঁ। জয়ন্ত নাথৰ পৰিচালনা। ড৹ নগেন শইকীয়াৰ গল্প “ষ্টাফ ৰিপ’ৰ্টাৰৰ ছবি”ৰ আধাৰত পংকজজ্যোতি ভূঞাই ৰচনা কৰিছে চিনেমা খনৰ চিত্ৰনাট্য। ৰূপালী গল্পটোৰ কাহিনীৰ প্ৰথম বিন্দু...
Add comment