ৰাইনো এক্সপ্ৰেছঃ

অসমীয়া চিনেমাৰ নতুন জাগৰণৰ প্ৰতি লক্ষ্য ৰাখি লগতে অসমীয়া জনসাধাৰণক অসমীয়া চিনেমাৰ প্ৰতি আকৃষ্ট কৰিবলৈ আহি আছে “ৰাইনো এক্সপ্ৰেছ”।
জনসাধাৰণৰ সোৱাদনুযায়ী চিনেমা যোগান ধৰাক লৈ এতিয়া আগবাঢ়িছে “ৰাফ এণ্ড টাফ”, “ধম ধমা ধম” ৰ পৰিচালক মণি সিনহা। “ৰাইনো এক্সপ্ৰেছক” লৈ আশাবাদী পৰিচালক গৰাকীয়ে দৰ্শক আগ্ৰহী কৰাৰ প্ৰতি অধিক গুৰুত্ব প্ৰদান কৰিছে। দৃশ্যগ্ৰহণৰ প্ৰায় শেষ হৈ উঠা ছবিখনৰ সম্প্ৰতি পিছৰ পৰ্যায়ৰ কাম চলি আছে।
একছন লগতে কমেডি সমৃদ্ধ বোলছবিখনত অভিনয় কৰিছে অমৃতা গগৈ,বিবেক বৰা,উদয় দুৱৰা,সিদ্ধাৰ্থ শৰ্মা, জিং বৰুৱা আদিয়ে। বলীউডৰ ছবিৰ নিচিনা দৰ্শকক আকৰ্ষণ কৰিব পৰা শক্তি অসমীয়া ছবিত থাকিলেই ইয়াৰ উন্নতি হ’ব বুলিও উল্লেখ কৰে পৰিচালক সিনহাই। চলিত বৰ্ষৰ শাৰদীয় বতৰত ছবিখনে মুক্তি পোৱাৰ সম্ভাৱনায় আছে।